Mbukonzya Kubikkila Maanu Kuzintu Zyabukombi
Mbuuli mbutwabona kumasaangunino aamagazini eeyi, bantu biingi Bbayibbele balibona kalili bbuku lisalala. Alubo bakabona kuti kulibala akupona kweendelana anjiisyo zyalyo zigwasya kuti muntu asime mubukombi akuti azibe kuti tuponenaanzi.
Bbayibbele lyaamba kuti muntu ulaamaboneno aalikabotu ‘ubikkila maano kuzintu zyakumuuya.’ (Juda 18, 19) Alubo muntu ubikkila maanu kuzintu zyabukombi upona kweendelana amilawu yaLeza pesi muntu ubikkila maanu kuzintu zyakumubili uchita nzyayanda.—Baefeso 5:1.
BULANGILIZI
NZILYAAMBA BBAYIBBELE: “Ikuti watyompwa muziindi zyamapenzi, nkokuti nguzu zyako zilaceya.”—Tusimpi 24:10, makani aamunsi.
CHAAMBAANZI?: Kukataazikana kulakonzya kupa kuti kutuyumine kulwana amapenzi. Pesi bulangilizi butugwasya kuti tuzumanane kulisimya. Kuyungizya waawo, bulangilizi bupa kuti tubone kuti mapenzi ngituswaana ngachiindi chifwiifwi alubo kulakonzya kuba zintu zibotu kuti amana.
NZUKONZYA KUCHITA: Yeeya atala azintu zibotu zitazoochitike kunembo. Muchiindi chakukataazikana atala azintu zikonzya kuchitika naakuti kulangilila kuti zintu zyoonse zibe kabotu, chita kweendelana ambuwakapulana. Nikuba katuli aamaboneno alikabotu, “zintu zitalangilwi” zilakonzya kutuchitikila. (Mukambausi 9:11) Alubo chimwi chiindi zintu zibi nzitunga tulikuyeeyela tazichitiki pe. Bbayibbele lyaamba kuti: “Kosyanga mbuto zyako cifwumofwumo alimwi utalekeli maanza aako kulyookezya kusikila mane kumangolezya; nkaambo tozyi naa nzili zitiikomene kabotu, ikuti naa nzyeezyi naa nzyeziya, naa zyoonse zyobilo zilakomena kabotu.”—Mukambausi 11:6.
NSANDULO ZYAMIBUZYO IIKATAAZYA MUBUUMI
NZILYAAMBA BBAYIBBELE: “Kondipa maano . . . Ijwi lyako lyoonse mbolibede nkasimpe.”—Intembauzyo 119:144, 160.
CHAAMBAANZI?: Bbayibbele lilaansandulo zyamibuzyo iikataazya bantu biingi mazubaano, mbuuli yakuti:
Twakazwa kuli?
Tuponenaanzi?
Niinzi chichitika kuti muntu wafwa?
Buumi oobu mbubo na abulikke buliwo?
Kujana nsandulo zizwa muBbayibbele zyamibuzyo eeyi ayimwi kuli kugwasya mamiliyoni abantu munyika yoonse kuti bapone buumi bulikabotu.
NZUKONZYA KUCHITA: Langa-langa ziyiisigwa aaBbayibbele. Kumbila umwi wabaKamboni baJehova kuti akugwasye kumvwisisisya Bbayibbele. Njila aawebbusayiti yesu itegwa jw.org naakuti unjile miswaangano yesu, tayibbadalisigwi pe alubo muntu woonse ulakonzya kwiinjila.
ZIMWI NJIISYO ZYAMUBBAYIBBELE
Yebela kavidiyo kati Nkamboonzi Nitweelede Kwiiya Bbayibbele? Kalajanika aajw.org mumilaka yiinda ku880
YANDUULA LUZIBO ATALA ALEZA.
“Balikkomene aabo bazyi kuti bayandika kusololelwa a Leza.”—MATAYO 5:3.
YIYA ZYIINGI ATALA ALEZA.
‘Amuyandaule Leza . . . mulamujana ncobeni . . . Tali kulamfwu kuli umwi aumwi wesu.’—MILIMO 17:27.
BALA BBAYIBBELE MPAWO UYEEYESESYE ATALA ANZWABALA.
“Ukkomanina mulawo wa Jehova,a alimwi ulazinzibala kuyeeya mulawo wakwe syikati amasiku. . . . Zyoonse nzyacita ziyoozwidilila.”—INTEMBAUZYO 1:2, 3, makani aamunsi.
a Jehova ndizina lyaLeza lijanika muBbayibbele.