Tekkinoloji Iyinyongania Biyeni Nzila Njuyeeyaayo?

Bantu bali kwiinkilila kunembo kwiiya zintu zyiingi ziswaanizya zintu zyakuchikolo, zyakumulimu naakuti zimwi. Tekkinoloji ilakonzya kugwasya bantu kuti bayiye zintu zyiingi. Mazubaano, kwakawuba kujana makani miingi kukkede aang’anda yako naakuti kufumbwa mpubede.

Bantu biingi bakanjilwa muganzi atekkinoloji . . .

balakachilwa kubikkila maanu kuzintu nzibali kubala.
ngabalibboyinkene chiindi nibali aabalikke.
balakachilwa kuchita chintu chimwi aachiindi chimwi.

NZWEELEDE KUZIBA

Musimbi ulikuchita zintu zyiingi aachiindi chimwi. Ulikusenda meseji aafooni yakwe, ulikufoonenana aamweenzinyina kalikubelesya vidiyo alubo ulikubelesya kkompiyuta aabbuku lyakuchikolo chiindi nalikubala.

KUBALA

Bamwi bantu babelesya mafooni naakuti matabbuleti chiindi nibali kubala tabalipi pe chiindi chakuti bamvwisisisye zintu nzibali kubala pesi ngabachijaanina kuyanduula kaambo kapati luzutu.

Kubala kuchijaana kulikabotu kuti kuyanda kufwambaana kujana nsandulo. Pesi kubala munzila iili boobu takuli kabotu pe nkaambo kupa kuti utakonzyi kumvwisisisya zintu nzulikubala.

NZWEELEDE KUYEEYA: Ulakonzya na kubala zintu zyiingi? Kuti kakuli boobo, kubala kutachijaani nga kulakugwasya biyeni kuti ukonzye kumvwisisisya zintu zyiingi?—TUSIMPI 18:15.

KUBIKKILA MAANU KUZINTU NZULIKUBALA

Bamwi bantu babonaanga tekkinoloji ibagwasya kuchita zintu zyiingi aachiindi chimwi. Muchikozyano, bamwi babonaanga balakonzya kusendelana mameseji abamwi kumwi kabali kubala. Pesi chiliwo nchakuti, tabakonzyi pe kuzichita kabotu zintu zyoonse eezi kazili zibili ikapati kuti zyoonse kaziyanda kuti babikkile maanu.

Nikuba kuti nkuyumu kubikkila maanu kuzintu nzulikubala pesi kulayandikana nkaambo kukugwasya kuti uzimvwisisisye. Umwi musimbi uuli aaminyaka iili 14 uutegwa Grace wakaamba kuti: “Kubikkila maanu kuzintu nzuchita kukugwasya kuti utapambanisyi zintu zyiingi akuti utakataazikani loko. Alubo ndakabona kuti kuchita chintu chimwi aachiindi chimwi kulagwasya.”

NZWEELEDE KUYEEYA: Kuchita zintu zyiingi aachiindi chimwi kupa kuti ukachilwe kumvwisisisya zintu nzwali kubala na akuziyeeya?—TUSIMPI 17:24.

KUTI KULI AWULIKKE

Bamwi bantu babelesya tekkinoloji kuti ibagwasye kuti batalendelelwi nkaambo kulabayumina kukkala kabali aabalikke. Umwi mwanakazi uutegwa Olivia wakaamba kuti: “Kulandiyumina kukkala kwamaminiti aali 15 kanditajisi fooni, tabbuleti naakuti kweebela TV.”

Pesi chiindi nuli aawulikke, weelede kubona mweenya ooyo kachili chiindi chakuti ukonzye kuyeeyesesya atala azintu nzwaalikubala.

NZWEELEDE KUYEEYA: Chiindi nuli aawulikke, ubelesya mweenya ooyo na kuti uyeeyesesye atala azintu nzwaalikubala?—1 TIMOTEYO 4:15.

NZUKONZYA KUCHITA

LANGA-LANGA NZILA NJUBELESYAAYO TEKKINOLOJI

Nga ulayibelesya biyeni tekkinoloji kuti ikugwasye kwiiya zintu zyiingi? Tekkinoloji nga ilakukachizya biyeni kuti ubikkile maanu kuzintu nzulikubala?

MALAYILILE AAMUBBAYIBBELE: “Kobambilila busongo bugwasya alimwi akuyeeya kabotu.”—TUSIMPI 3:21.

LIBUZYE KUTI . . .

Kuti kandili kubala kandibelesya fooni naakuti kkompiyuta kulandiyumina na kuti ndibikkile maanu kuzintu nzindilikubala? Kuti kakuli boobo, niinzi chipa kuti kundiyumine?
Niinzi nzindikonzya kuchita kuti zintu eezyo zitandinyonganyi?

Zintu zikonzya kukugwasya: Chiindi nulikubala, saanguna kubala mapalagilafu mache mpawo uzooyungizye mukuya kwachiindi. Balila aajulu, ubale mbichaani-mbichaani kuchitila kuti ubikkile maanu kuzintu nzulikubala.

Mpaali mpundelede kubambulula kuchitila kuti ndijane chiindi chiingi chakuyeeyesesya atala azintu nzindali kubala?

Zikonzya kukugwasya: Kuti wabona kuti waba aafwiifwi kumaninsya kubala, belesya maminiti aali 10 aanga asyaala kuti uyindulule zintu nzwaabala kuchitila kuti ubone kuti wamvwisisisya na.

Mpaali mpundinga ndazoolibona ndaabuchita zintu zyiingi aachiindi chimwi?
Niinzi nzindikonzya kuchita kuchitila kuti ndikonzye kuchita chintu chimwi aachiindi chimwi?

Zikonzya kukugwasya: Gwisya zintu zyoonse aabusena mpubalila zikonzya kukupambanisya kuchitila kuti utazooliboni wabuchita zintu zyiingi aachiindi chimwi.

MALAYILILE AAMUBBAYIBBELE: “Kolijanina busongo, kolijanina maano.”—TUSIMPI 4:5.