Nkamboonzi Bantu Nibatachilemekani Mumpuli?
NKAMBOONZI NIKUYANDIKANA KUTI BANTU MUMPULI BALEMEKANE?
Mumpuli ngakwaba luumuno kuti boonse mumpuli kabalemekana.
Bbuku litegwa The Seven Principles for Making Marriage Work lyakaamba kuti mwanakazi amwaalumi bakwetene balemekana, batondeezyania luyando muzintu “ziniini azipati, buzuba abuzuba.”
Kuyanduulisisya kwakachitwa, kwakatondeezya kuti bana bakayiisigwa kuti balemeke bamwi, bali aachibindi chakuchita zintu, balamvwanana abazyali babo alubo tabakataazikani loko pe.
NZUKONZYA KUCHITA
Amubambe zyakuchita kamuli mpuli. Saanguna kupandulula kuti kulemeka chaambaanzi loko kuchitila kuti boonse mumpuli bazibe. Chachibili, muzilembaansi zintu zitondeezya kulemeka azintu zitatondeezyi kulemeka. Chachitatu, mwaambuuzyanie kamulaamwi kuti niinzi nzimweelede kuchita nibazyali kuswaanizya abana kuti mulemekane mumpuli.
Ba chikozyano chilikabotu. Toyelede kubabuzya majwi aachisa bamumpuli kuti bapambanisya, toyelede kubonaanga nzibayeeya tazigwasyi pe alubo toyelede kuchitaanga tomvwide pe kuti umwi ulikwaambuula aanduwe naakuti kunjila bamwi munkanwa nibalikwaambuula aanduwe.
Nchenjezyo: Tondeezya kuti ulamulemeka ngukwetenaawe abana nikuba kubonaanga toyelede kubalemeka pe.
Weelede kulemeka bamwi nikuba kutazuminani aanzibaamba. Chiindi nwaamba maboneno aako, toyelede kwaamba majwi aakuti, “ukkala kuchita” naakuti “tochiti eezi.” Majwi aali oobu, alakonzya kubachisa bamumpuli akupa kuti kantu kaniini kabe chintu chipati loko.
ZILIKUCHITWA AABAKAMBONI BAJEHOVA
Bakamboni baJehova basungwaazya bamumpuli kuti balemekane, bakkala kabasimya kaambo aaka, muzyiiyo, mumabbuku, mutubbuku amumavidiyo ngibapupulula. Alubo zibelesyo zyoonse eezi nzyamahala.
ZIGWASYA BAKWETENE: Zyiiyo zili aachipanzi chitii, Lugwasyo Kumukwasyi zigwasya mwaalumi amwanakazi bakwetene kuti . . .
babe baswiilizi balikabotu
baleke chiyanza chakutaambuuzyania
baleke kukazyania
(Yanduula chipanzi chitii, “Cikwati Alimwi Amukwasyi” aajw.org)
ZIGWASYA BAZYALI: Zyiiyo zili aachipanzi chitii, Lugwasyo Kumukwasyi zilakonzya kugwasya bazyali kuti bayiisye bana babo kuti . . .
baswiilile
babagwasilizye milimu yaang’anda
bakonzye kwaamba kuti “ndikumbila” akuti “ndalumba”
(Yanduula chipanzi chitii, “Kukomezya Bana” achiti, “Kukomezya Bakubusi” aajw.org)
Alubo langa makani aakumamanino aachipanzi chitii, “Questions Parents Ask,” mubbuku litii, Questions Young People Ask—Answers That Work, Voluyumu 1. (Yanduula chipanzi chitii, “Questions Parents Ask” aajw.org)
ZIGWASYA BACHIKULA: Chipanzi chitii, Bakubusi chili aajw.org chili aazyiiyo, mavidiyo amapepa aakulembela aakonzya kugwasya bachikula kuti . . .
bamvwanane aabazyali, bakulana abanike babo
balemeke bazyali babo chiindi nibaambuula atala amilawu njibababikkila
bazyali babo basaangune kubasyoma
(Yanduula chipanzi chitii, “Bakubusi” aajw.org)
Njila aawebbusayiti yajw.org mahala. Alubo toyelede kuba aakakkaadi pe kuti unjile naakuti kukumbila kuti ufile makani aali atala anduwe kuti ukonzye kunjila aawebbusayiti eeyi.