CHIIYO 5
Uyoojanaa Nzi Kumiswaangano Yesu?
kuArgentina
kuSierra Leone
kuBelgium
kuMalaysia
Bantu biingi baliikuleka kwiinka kuzikombelo akaambo kakuti tabalikujana cakulya cakumuuya, naa kuumbulizigwa pe. Nkaambo nzi ncoweelede kunjila miswaangano yabunaKristu ibambwa aBakamboni baJehova? Uyoojanaanzi kumiswaangano yesu?
Uyoojana kubotelwa kuba aakati kabantu balaluyando alimwi balandaba anduwe. Muminyaka yakusanguna, banaKristu bakabambidwe kabali mbungano, bakali kuswangana kuti bakombe Leza, kuti bayiiye Magwalo alimwi akuti basungwaazyanie. (baHebrayo 10:24, 25) Nibakali kubungana bakali aamuuya waluyando, cakali kubapa kuti balimvwe mbuli kuti bali aakati kabenzinyina bacoonzyo kuba aakati kabakwesu abacizi. (2 baTesalonika 1:3; 3 Johane 14) Tulikubotelwa aakambo kakutobela citondeezyo cabo.
Bubotu bwakwiiya kubelesya malayilile amuBbaibbele. Mbuli ciindi, baalumi, banakazi alimwi abana balaswaangana. Bayiisi beelela babelesya Bbaibbele kutegwa batugwasye kubelesya malayilile alyo mubuumi bwesu. (Deuteronomo 31:12; Nehemiya 8:8) Boonse balaangunukide kusandula, akwiimba, eezi zitupa kuti tutondeezye bulangilizi bwesu bwabunaKristu.—baHebrayo 10:23.
Uyoojana cilongezyo cakusimisigwa kwalusyomo lwako muliLeza. Mwapostolo Paulo wakaambila banaKristu bamumbungano imwi naakacili kupona: ‘Ndayandisya kumubona, . . . kutegwa kube kuyumizyania kwiinda mulusyomo lwaumwi amwenzinyina, nkokuti lwanu alwangu.’ (baRoma 1:11, 12) Ikunjila miswaangano ciindi coonse abakombima, kusimya lusyomo lwesu alimwi kupa kuti katupona mbuli banaKristu.
Tulokukutamba kumiswaangano yesu yamumviki iiza kuti uzoojanike alimwi uzoolibonene. Uzootambulwa amaanza obilwe. Miswaangano yoonse njamahala, taakwe mali iigwisigwa pe.
Imiswaangano yesu yambungano iyeeme aali?
Kunjila miswaangano yabunaKristu kutugwasya biyeni?