Kujana Twayibambila Kabotu Biyeni Miswaangano?

Ikuti kwiiya Bbaibbele aKamboni waJehova, ulakonzya kulibambila kakucili ciindi awulikke nzimuya kwiiya kuciiyo cimwi acimwi. Kucita oobo kulakonzya kukugwasya kutanayinka kumiswaangano yambungano. Kuba mpindu mbotu ikuti twabelesya kabotu mabambe aakulibambila.

Bona kuti nkuukuli alimwi ndiilili nunga ulalibambila. Ndiilili numvwisisisya loko? Nkuseni loko na kutanatalisya milimu yabuzuba, naa kuti ndigoko bana kabali balala? Nikuba kuti tukonzyi kubala kwaciindi cilamfu, yeeyela kuti inga ulalipa ciindi cilamfu biyeni, alimwi weezye kuti kutabi cintu niciba cimwi citakucelezye. Yanduula ndawu uzime zintu zyoonse zisabila zili mbuli wayilesi, cepekupeku, afooni. Kukomba ciindi nulibambila kwiiya, kulakuumbulizya mumapenzi aabuzuba abuzuba kucitila kuti umvwisisisye kabotu iJwi lyaLeza.​—baFilipi 4:6, 7.

Libambile kutola lubazu alimwi akweenga ziyooyiigwa. Talisya kumvwisisisya kuti ciiyo caambuula atala anzi. Yeeya atala amutwe wamakani wacibalo, mpawo langa kuti mitwe miniini iyendelana biyeni amutwe wamakani. Langa-langa zifanikisyo alimwi uyeeyesesye mibuzyo iitondeezya twaambo tupati. Ubale mincali iipedwe alimwi uyanduule nsandulo zyamibuzyo ilaansi. Bala magwalo oonse aali mukati kacibalo, mpawo uyeeye kuti ayendelana biyeni aciiyo. (Incito 17:11) Niwayijana nsandulo yamubuzyo, yenga mabala mapati aali mumincali aatakuyeezye nsandulo cakufwambaana. Mpawo kumiswaangano ulakonzya kutambika luboko, akusandula kwiinda mumajwi aako.

Kwiinda mukwiiya zintu zisiyene-siyene ziyiigwa kumiswaangano mviki amviki ulakonzya kuyungizya luzibo lwako lwamuBbaibbele.​—Matayo 13:51, 52.

• Nkulizibizya nzi nkweelede kubaako kukulibambila miswaangano?

• Kujana walibambila biyeni kusandula kumiswaangano?