Makani Aantalisyo Achipaanzi 11
Chipaanzi eechi chitusisya kuMagwalo achiKristu achiGrikki. Jesu wakazyalilwa mumpuli yakatakwe zintu zyiingi alimwi bakali kukkala mumuunzi muniini. Wakali kuchita mulimu wakubeza amwi awisi. Jesu nguwe wakali kuyoofutula bantu. Alubo Jehova wakasala nguwe kuti abe Mwaami waBwaami bwakujulu. Ikuti kuli muzyali, gwasya mwanaako abone Jehova mbaakatondezya kubikkila maanu kwiinda mukusala kuti Jesu akomenene mumpuli yakali kuyanda Leza alimwi yakali kubotelwa. Bona Jehova mbaakakwabilila Jesu kuti atajayigwi aHerodi, zitondeezya kuti taakwe chintu chikonzya kukasya makanze aaJehova kuti azuzikizigwe. Yiya atala Jehova mbaakapa Johane mulimu wakuti abambile Jesu nzila. Mugwasye abone Jesu mbaakatondeezya kuti wakali kuyandisya mulawu waJehova kuzwa kubukubusi.