Makani Aabatanjile Muswaangano

Imwi Miswaangano Iiyandikana

KUBELEKELA KUBBETELI Basikupupulula bakabbabbatizigwa balaaminyaka iili 35 kaziyaansi, bayanda kubelekela kuBbeteli balakonzya kunjila muswaangano wabaabo bayanda kubelekela kuBbeteli uyoochitwa muli Bwasanu sikati. Chiindi abusena kuyoochitilwa muswaangano ooyu ziyoowambilizigwa.

CHIKOLO CHABAKAMBAWUSI BABWAAMI Mapayona balaaminyaka iili 23 kusika ku65 bayanda kuyungizya mulimu wabo wakukambawuka, balatambwa kuti bazoonjile muswaangano wabaabo bayanda kunjila Chikolo chaBakambawusi baBwaami, chiyoochitwa muNsondo sikati. Chiindi abusena kuyoochitilwa muswaangano ooyu ziyoowambilizigwa.

MAKANI AABATANJILE MUSWAANGANO

BALINDI Balindi mbakumugwasya. Tukumbila kuti mutobelezye nzibamubuzya kumakani aatobela: aakupaka moota, aakunjilila, aakukkala akuli zimwi.

KUBBABBATIZIGWA Zyuuno zyabaabo batazoobbabbatizigwe zinoobikkidwe kunembo, kunze kwakuti kwaambwa zimwi. Bayanda kubbabbatizigwa beelede kukkala azyuuno eezi nkani yakubbabbatizigwa kiitanasaanguna muMugibelo kuseni. Alubo beelede kuza atawulu lyakusambya azyakusama zipa bulemu nzibatakabelesye banoobbabbatizigwa.

KUSANGA ZIPO Kwabelesegwa mali kuti tukonzye kujana zyuuno, minchina yasawundi, minchina yakweebela mavidiyo azimwi zyagwasilizya kuti tukonzye kubotelwa amuswaangano ooyu watugwasya kuti tuswene afwiifwi aJehova. Zipo nzimusanga chakuliyandila zigwasilizya kuti tukonzye kubbadala zyoonse ziyandikana alubo zisumpula mulimu wakukambawuka uuchitwa munyika yoonse. Kuli tubbokesi twakusanga zipo tubikkidwe mundawu zisiyene-siyene ikuti kamuyanda kusanga. Tuzilumba loko zipo nzimusanga. Kabunga Keendelezya kamulumba loko akaambo kakusanga nkumuchita kuti mulimu waBwaami wiinkilile kunembo.

FIRST AID Dipatimenti eeyi igwasilizya BACHISILWA AMUSWAAGANO LUZUTU.

ZYASWEEKA Zintu zyoonse zitakwe bamulaazyo zyeelede kutolwa kuDipatimenti Yazintu Zyasweeka. Ikuti kamuli azintu zyakasweeka, mulakonzya kwiinka kudipatimenti eeyi kuti mukaziyanduule. Alubo bana basweeka beelede kutolwa nkuko. Nikuba boobo, dipatimenti eeyi teeyakulela bana pe. Nkinkaako, tukumbila kuti mukkale abana banu.

AAKUKKALA Tukumbila kuti mubabikkile maanu bamwi. Chiindi nimujata aakukkala, mweelede kujatila bamumpuli yanu, mbimweendaabo, mbimukkalaabo naa mbimwiiyaabo Bbayibbele luzutu. Mutabikki zintu azyuuno nzimutayandi kubelesya.

KUGWASILIZYA Bayanda kugwasilizya mumilimu iichitwa amuswaangano, balakonzya kwaambuula abaDipatimenti Yamakani (Information) naa baDipatimenti Yakugwasilizya (Volunteer Service Department).