CHIIYO 12

Kusalangalizya Akutondeezya Lubomba

1 BaTesalonika 2:7, 8

CHIFWIINSYO: Wambuula munzila yaluyando, iitondeezya kuti ulabayanda baswiilizi.

Yeeya atala abaswiilizi. Libambile kabotu kwiinda mukuyeeyesesya buyumu-yumu mbubaswaana baswiilizi. Yezya kubona mbubalimvwa.
Sala mabala aali kabotu. Wambuula munzila iisangalizya, iiwumbulizya alubo iisungwaazya. Chenjelela kuti utaambi majwi aapa kuti baswiilizi babe abweeme naakuti majwi aatali kabotu kubantu batasyomi Jehova akuzintu nzibasyoma.
Tondeezya chiyandisyo. Tondeezya kuti uli aaluyando kubaswiilizi kwiinda mukwaambuula aajwi libombede akunyanyaasya mubili munzila iili kabotu. Tondeezya kubotelwa kubusyu alubo umwemwetele.

Utatondeezyi mbulimvwa munzila yiindilide naakuti kulyeenienia. Nulikubala, tondeezya mbulimvwa kweendelana anzulikubala pesi utabali munzila iipa kuti baswiilizi babikkile maanu kulinduwe. Wambuula munzila iibombede alubo iitondeezya kuti uli aaluyando kubaswiilizi.