CHIIYO 18

Makani Aagwasya Baswiilizi

1 BaKorinto 9:19-23

CHIFWIINSYO: Gwasya baswiilizi kuti bayeeyesesye atala amakani ngulikwaambuula akuti basyaale kabali aachintu chiyandikana nchibayiya.

Yeeya atala azintu nzibazi kale baswiilizi. Muchiindi chakwaamba zintu nzibazi kale baswiilizi, pandulula twaambo munzila mpya njibatazibide pe.

Wamba twaambo ntubazi chakufwambaana pesi waambuule kabotu-kabotu nupandulula twaambo tupya.
Yanduulisisya alubo uyeeyesesye. Kuti kazikonzeka, nupandulula twaambo tupati, belesya twaambo ntubatazi baswiilizi naakuti zintu zilikuchitika mazubaano. Yeeyesesya atala amakani aako ambaayendelana atwaambo ntuyanda kubelesya.

Nulanga-langa makani, yeeyesesya atala amibuzyo iili mbuuli yakuti ‘niinzi, nkamboonzi, lili, kuli, ngwani, biyeni.’ Yiisya munzila iisika aamoyo kwiinda mukubelesya mibuzyo eeyi nwaambuula makani aako.
Tondeezya mbaagwasya makani aako. Pandulwida baswiilizi mbubakonzya kubelesya twaambo tuzwa muBbayibbele mubuumi bwabo. Wamba zyiimo nzibakonzya kuswaana baswiilizi, mbubakonzya kulimvwa anzibakonzya kuchita.