Baalweetelelo

Malayilile: “Amubotelwe abaabo babotelwa, amulile abaabo balila.”—Rom. 12:15

Nzyaakachita Jesu

Jesu abasikwiiya bakwe balikuzwa kubboodi lyabo kabayabuya kunkamu yabantu babalindide kubbichi.

KAVIDIYO: Jesu Wakeetelela Nkamu Yabantu

1. Yebela KAVIDIYO naakuti ubale Makko 6:30-34, mpawo ulange-lange mibuzyo iitobela:

Niinzi chakapa kuti Jesu abaapostoli bakwe bayande ‘kuba aabalikke’?
Niinzi chakapa kuti Jesu ayiisye nkamu yabantu?

Twiiyaanzi Kuzwa Kuli Jesu?

2. Lweetelelo lupa kuti tuyande kugwasya bantu, kutali kubakambawukila luzutu.

Tobelezya Jesu

3. Bamuntu uuswiilila. Lekela muntu kuti aambe maboneno aakwe. Utamunjili munkanwa nalikwaambuula naakuti kutondeezya kutaba aandaba azintu nzyalikwaambuula. Kuti wamuswiilila, nga ulikutondeezya kuti ulaandaba anguwe.

4. Yeeya atala amuntu wakatondeezya chiyandisyo. Kweendelana anzubona chiindi nimwiiya, libuzye kuti:

‘Nkamboonzi nayanda kumvwa kasimpe?’
‘Kwiiya Bbayibbili kujana kwamugwasya biyeni mubuumi bwakwe lino amuchiindi chili kunembo?’

5. Mwaambuule atala azintu zikonzya kumugwasya. Kuti kakweelela, fwambaana kumubuzya mbikonzya kusandulwa mibuzyo yakwe akuti Bbayibbili lilakonzya kumugwasya munzila zisiyene-siyene.

ALUBO LANGA

Rom. 10:13, 14; Flp. 2:3, 4;1 Pet. 3:8