Yiisya Munzila Iimvwisisika

Nzyaakachita Jesu

KAVIDIYO: Jesu Ulikuyiisya Kabelesya Chikozyano Chitondeezya Jehova Mbali Aandaba Andiswe

1. Yebela KAVIDIYO naakuti ubale Mateyo 6:25-27, mpawo ulange-lange mibuzyo iitobela:

1. Jesu wakabelesya chikozyano chili chitondeezya Jehova mbalaandaba aandiswe?

2. Nikuba kuti Jesu wakazi zyiingi atala abayuni, pesi niinzi nzyaakaamba atala abayuni zizibikene aabantu boonse? Nkamboonzi nzila eeyi njaakabelesya Jesu niyakali kumvwisisika?

Twiiyaanzi Kuzwa Kuli Jesu?

2. Kuti twayiisya bantu munzila iimvwisisika, banooziyeeya zintu nzitubayiisya alubo zinoobasika aamoyo.

Tobelezya Jesu

3. Utaambuulisyi loko. Kwiinda kuti waambe zintu zyoonse nzuzi atala ankani njimulikwiiya, mwaambuuzyanie atala azintu zili mubbuku ndimuliikwiiya aachiindi eecho. Nwaamana kubuzya mubuzyo, lindila kuti muntu ngulikwiiyaawe asandule. Kuti nsandulo katayizi pe naakuti waamba zintu zikazyania aanjiisyo yamuBbayibbili, buzya imwi mibuzyo iikonzya kumugwasya kuti ajate kaambo nkulikuyanda kuti azibe. Kuti muntu ngulikwiiyaawe wakamvwisisisya kaambo kapati nkimulikwiiya, amwiinkilile kunembo.

4. Gwasya muntu ngwiiyaawe kuti abone mbuzinjililana zintu zipya nzyaayiya anzyazi kale. Muchikozyano, kamutanatalika chiiyo chaambuula atala abubuke, mubufwiifwi mulakonzya kwiindulula zintu nzyakayiya zili atala achiimo chabantu bafwide.

5. Belesya zikozyano zimvwisisika. Kutanabelesya chikozyano, libuzye kuti:

1. ‘Chikozyano eechi chilamvwisisika na?’

2. ‘Muntu ngundiiyaawe uyoochimvwisisisya na?’

3. ‘Chikozyano eechi chiyoomugwasya kuti akkale kayeeya kaambo kapati na?’