BUUMI BWAMAKRISTU
Mbotukonzya Kubelesya Bbuku Litegwa IBbayibbele Nga Lilatuyiisyaanzi?
Bbuku litegwa IBbayibbele Nga Lilatuyiisyaanzi? litugwasya kuti tuyiisye bantu kasimpe kazwa muBbayibbele. Bbuku eeli lilembedwe munzila nguba. Lilaamakani aakumamanino alaabupanduluzi bwamabala amwi aajanika muzyaandano. Zyaandano tazikwe mibuzyo iijanika kumatalikilo achaandano naa kabbokesi kamibuzyo yakwiindulula. Pesi zilaa zifwiinsyo zilaatusimpe tujanika muBbayibbele tupandululwa muchaandano. Bbuku litegwa Nzilituyiisya lilakonzya kubelesegwa kufumbwa chiindi, nikuba kakutalembedwe mweezi wakulibelesya. Kujana twalibelesya biyeni bbuku eeli chiindi nituchitisya chiiyo chaBbayibbele?
CHIFWIINSYO: Tulakuyanda kubala mafuka akubuzya mibuzyo chiindi nituchitisya chiiyo. Pesi, niinzi nchitukonzya kuchita kuti muntu ngutwiyaawe Bbayibbele katawukonzyi kabotu mulaka naa kuti katakonzyi kubala kabotu? Tulakonzya kubelesya chifwiinsyo chachaandano kukuyiisya muntu alimwi tulakonzya kumusungwaazya kuti alibalile chaandano choonse alikke. Kasimpe kamwi akamwi kamuBbayibbele kalakonzya kunooyiigwa mumaminiti aali 15. Sikupupulula weelede kulibambila kabotu alimwi weelede kuziba mbabede muntu ngwayiyaawe, mbukunga zifwiinsyo tazikwe makani oonse aajanika muchaandano. Ikuti sikupupulula kabelesya mafuka aajanika muchaandano kukuchitisya chiiyo, ulakonzya kubelesya zifwiinsyo kukwiindulula zyayiigwa.
MAKANI AAKUMAMANINO: Mabala aajanika mumakani aakumamanino alembedwe kweendelana ambuzitobelana zyaandano. Sikupupulula ulakonzya kulisalila kubelesya makani aajanika kumakani aakumamanino, chiindi nachitisya chiiyo.