BUUMI BWAMAKRISTU
Kukambawukila Bantu Akubayiisya—Kupa Kuti Babe Basikwiiya
Jesu wakalayilila batobeli bakwe kuti bakagwasye bantu kuti babe basikwiiya. (Mt 28:19) Eezi ziswaanizya kukambawuka akuyiisya. Tweelede kulibuzya kuti, ‘Kujana ndachita biyeni kuti ndichite zyiingi mumulimu wakugwasya bantu kuti babe basikwiiya?’
KUKAMBAWUKA
Tweelede kuzumanana kuyanduula bantu ‘beelela’ kutali kubalindila kuti batuzide. (Mt 10:11) Chiindi nitukambawuka, tulawubelesya na mweenya wakukambawukila bantu ‘mbituswaana’ munzila? (Inc 17:17) Akaambo kakuba musungu mumulimu wakukambawuka, mwaapostolo Pawulu wakagwasya Lidiya kuti abe sikwiiya.—Inc 16:13-15.
“Cifumofumo byala imbuto zyako, aciindi cagoko utalesyi maanza aako” (Muk 11:6)
AMWEEBELE KAVIDIYO KATI, AMUKAMBAWUKE ‘CHAKUTALEKA’—KAMUTALIBAMBILIDE AKUNG’ANDA ANG’ANDA MPAWO MUSANDULE MIBUZYO IITOBELA:
Naakali kumulimu, Samiyele wakatondeezya biyeni kuti wakali kuyanda kubyala mbuto yakasimpe mubantu?
Nkamboonzi nitweelede kuzumanana kubelesya nzila zisiyene-siyene zyakukambawuka?
Ngwani ngukonzya kukambawukila mulumbe waBwaami chiindi nuchita mulimu wabuzuba abuzuba?
KUYIISYA
Kuti tugwasye bantu kuti babe basikwiiya, tweelede kuchita zyiingi kutali kubapa mabbuku luzutu. Kuti bayande Jehova, tweelede kunoobweeda akuzumanana kubayiisya Bbayibbele. (1Kor 3:6-9) Pesi kujana twachita biyeni kuti muntu ngutwiiyaawe Bbayibbele katatondeezyi kuti ulamuyanda Jehova? (Mt 13:19-22) Tweelede kuzumanana kuyanduula bantu bali amyoyo iili mbuuli ‘seele bbotu.’—Mt 13:23; Inc 13:48.
‘Mebo ndakazikkila, Apolo nguwakatiliila, pele Leza nguwakakomezya’ (1Kor 3:6)
AMWEEBELE KAVIDIYO KATI, AMUKAMBAWUKE ‘CHAKUTALEKA’ ANTANGANANA AKUCHITA BASIKWIIYA MPAWO MUSANDULE MIBUZYO IITOBELA:
Solomoni amukayintu wakwe bakayitiliila biyeni mbuto yakasimpe yakabyalwa mumoyo waEzekkiyele amukayintu wakwe?
Makanzeenzi ngitweelede kubaawo nituchita mulimu wakukambawuka kuswaanizya abukambawusi bwaantanganana?
Kujana twachita biyeni kuti tuyiisye kasimpe munzila imvwisisika?