Atubelesye Mavidiyo Chiindi Nitwiiya Aabantu Bbayibbele

Zifanikisyo zigwasya muntu kuti amvwisisisye akuti atalubi zintu nzyaakiiya. Jehova Muyiisi wesu Mupati, wakabelesya zintu ziboneka aameso kuti agwasye bakombi bakwe kuti bamvwisisisye nzyaakali kwaamba. (Matl 15:5; Jer 18:1-6) Nikuba Jesu Muyiisi Mupati, wakabelesya zintu nzibakali kubona bantu naakali kuyiisya. (Mt 18:2-6; 22:19-21) Imwi nzila iilikuzwidilila loko mukuyiisya bantu mazubaano nkubelesya mavidiyo. Mulikwaabelesya na mavidiyo chiindi nimwiiya Bbayibbele azyiiyo zyanu?

Kuli tuvidiyo tuli 10 tukonzya kutugwasya chiindi nitulikwiiya Bbayibbele azyiiyo zyesu katubelesya kabbuku kategwa Makani Mabotu Aazwa Kuli Leza! Kavidiyo kamwi akamwi keendelana aawumwi wamibuzyo iilembedwe aamabala aasiyisya iili mukabbuku aaka. Kabbuku kaMakani Mabotu kali aajw.org kali aamalinki aakonzya kutugwasya kuti tuzibe chiindi nitweelede kutondeezya muntu kavidiyo. Kuyungizya waawo, amwi mavidiyo alaamakani aambi aajanika mumabbuku aali muZibelesyo Nzitubelesya Kuyiisya Bantu.

Kuli chiiyo nchatamvwisisisyi na muntu ngwiiyaawe Bbayibbele, naakuti kuli amwi masunko ngalikuswaana? Ulakonzya kubelesya mavidiyo ngubonaanga alakonzya kumugwasya aajanika aajw.org® akuJW Broadcasting.® Chimwi chiindi, ulakonzya kusala kuti muzooyebele imwi vidiyo kamulaamwi mpawo muzoowambuuzyanie atala anjiyo.

Mweezi amweezi kuzwa mavidiyo mapya. Chiindi nitweebela mavidiyo aaya, tweelede kuyeeya mbutukonzya kwaabelesya kuti tugwasye bantu mbitwiiyaabo Bbayibbele.