Kuyungizya Luzibo Lwesu Mumulimu Wakukambawuka​—Kuchincha-chincha Zyiimo

NKAMBOONZI NIKUYANDIKANA?: MaKristu bananikidwe abambelele zimwi batamba bantu bamisyobo yoonse kuti banywe “maanzi aabuumi [kakutakwe] kubbadela.” (Ciy 22:17) Maanzi aakukozyanisya ayiminina nzila Jehova njabelesya kuti aangunune bantu bamuswiilila kuzwa kuchibi alufu. Kuti tukonzye kugwasya bantu balaaziyanza abasyoma njiisyo zisiyene-siyene, tweelede kubakambawukila “makani mabotu aatamani” munzila njibamvwisisisya.​—Ciy 14:6.

MBUTUKONZYA KUZICHITA:

• Sala mutwe alugwalo lubasika aamoyo bantu bamuchilawu mukkala. Ulakonzya kubelesya zikozyano zyakwaambuuzyania naakuti kubelesya zimwi nzila nzwaakabona kazizwidilila. Njiili mitwe amavesi ziyandwa abantu bamuchilawu chanu? Kuli zintu na zyakachitika lino-lino nzukonzya kubelesya? Baalumi abanakazi bamuchilawu mukkala bayandisya kumvwa atalaanzi?

• Belesya nzila yakujuzyania njibazi bantu bamuchilawu chanu.​—2Ko 6:3, 4

• Azibe kabotu mabbuku eesu amavidiyo aali muZibelesyo Nzitubelesya Kuyiisya Bantu kuti ukonzye kuzibelesya chiindi nwaswaanana aamuntu ulaachiyandisyo

• Dawuniloda mavidiyo amabbuku aayimwi milaka iiwambuulwa aabantu bamuchilawu chanu

• Chincha ntalisyo yako kweendelana achiimo chamwining’anda. (1Ko 9:19-23) Muchikozyano, kujana wabelesya ntalisyo iili kuti waziba kuti mwining’anda wakafwidwa lino-lino?

AMWEEBELE KAVIDIYO, MPAWO MUSANDULE MIBUZYO IITOBELA:

• Sikupupulula wasaanguna kwaambuula atalaanzi?

• Niinzi zyalikukataazya mwining’anda?

• Sikupupulula wayelede kubelesya lugwalo luli lweendelana aachiimo eechi alubo nkamboonzi?

• Niinzi chikonzya kukugwasya kuti uchinche ntalisyo kuchitila kuti yeendelane amwining’anda?