BUUMI BWAMAKRISTU
Chenjelela Kwaamba Makani Aakubeja
Mazubaano kwakawuba kuti makani azule munyika yoonse kakubelesegwa mabbuku, malediyo, maTV alntaneti. Aabo bakomba “Leza wakasimpe” tabayandi kwaamba makani aakubeja. (In 31:5; Ku 23:1) Makani aakubeja achisa bamwi. Chiindi nuyanda kuziba kuti makani ngwaamvwa ngachoonzyo na, libuzye kuti:
‘Ndilamusyoma na muntu waamba makani aaya?’ Kulakonzeka kuti muntu uulikwaamba makani aayo, tazi makani miingi pe atala ankani eeyo. Kuti makani aawambwa aabantu basiyene-siyene alakonzya kuchincha, nkinkaako tatweelede kwaamba makani ngitutazi. Bakwesu bali aazilongezyo mumbungano mbabo banga bali aamakani ngitweelede kusyoma alubo bakwesu aaba beelede kuchenjelela kuti batabuzyi bamwi atala ayimwi nkani iitakwe bumboni.
‘Makani aayo ngakubejelezya na?’ Kuti makani aayo kaapa kuti umwi muntu abe aampuwo mbi, tatweelede kwaambuula atala angawo.—Tu 18:8; Flp 4:8
‘Makani aaya ngachoonzyo na?’ Tweelede kubikkila maanu chiindi nitwamvwa atala aamwi makani aali atala azintu zyakachitika
AMWEEBELE KAVIDIYO KATII, KUJANA NDACHITA BIYENI KUTI NDILEKE KUVWIYA? KUZWA WAAWO, MUSANDULE MIBUZYO IITOBELA:
Majwi aali muli Tusimpi 12:18, atondezyaanzi atala anzitwaambuula?
Lugwalo lwa Bafilipi 2:4 lutugwasya kuti twaambuule zintu zili biyeni atala abamwi?
Tweelede kuchitaanzi kuti bamwi batalika kwaambuula zintu zitali kabotu atala abamwi?
Njiili mibuzyo njitweelede kulibuzya chiindi nituyanda kwaambuula atala abamwi bantu?