Lulayo Lutondeezya Kuti Jehova Ulatuyanda

Lulayo chaamba kululamika akuyiisya alubo luswaanizya chisubulo. Jehova ulatulaya nkaambo uyanda kuti tumukombe munzila njayanda. (Ro 12:1; Heb 12:10, 11) Chimwi chiindi, lulayo lulakonzya kutuchisa pesi lweeta zilongezyo. (Tu 10:7) Niinzi nzibeelede kuyeeya basikupa lulayo abasikulupegwa?

Sikupa lulayo. Baalu, bazyali abamwi baleezya kutobelezya chikozyano chaJehova chakufwida luzyalo akutondeezya luyando chiindi nibapa lulayo. (Je 46:28) Nikuba kuti muntu wachita chibi chipati biyeni, basikupa lulayo beelede kumululamika munzila yaluyando.—Tit 1:13.

Sikupegwa lulayo. Nikuba kuti twapegwa lulayo luli biyeni, tweelede kulutambula akulubelesya. (Tu 3:11, 12) Akaambo kakuti tulaachibi, toonse tuyandikana kululamikwa. Tulakonzya kujana lulayo chiindi nitubala Bbayibbele naakuti kumiswaangano yambungano. Chimwi chiindi tulakonzya kululamikwa abakkomiti yakubeteka. Kutambula lulayo kugwasya ndiswe.—Tu 10:17.

AMWEEBELE KAVIDIYO KATII, “AABO MBAYANDA JEHOVA ULABALAYA,” KUZWA WAAWO, MUSANDULE MIBUZYO IITOBELA:

• 

  Canon wakakomezegwa biyeni alubo buumi bwakwe bwakazoochincha biyeni?

• 

  Jehova wakamululamika biyeni munzila yaluyando?

• 

  Zyakachitika mubuumi bwakwe zituyiisyaanzi?