Gwasya Bantu Mbuyiyaabo Kuti Baleke Michito Iitali Kabotu

Bantu balijata munzila iilikabotu mbabo luzutu bakonzya kuba beenzinyina baJehova. (1Pe 1:14-16) Kuti bantu bayiya Bbayibbele, bazunda michito iitali kabotu balakonzya kubotelwa mumpuli, kupona buumi bulikabotu akwiibelesya kabotu mali.

Zipandulule kabotu zyeelelo zyaJehova zyakulijata, twaambo tupa kuti tupone kweendelana azyeelelo eezyo ambutugwasigwa kuti twazitobelezya. Bikkila maanu kukugwasya bantu mbuyiyaabo Bbayibbele kuti bachinche nzila njibayeeyaayo, eezi ziyoopa kuti bachinche michito yabo. (Ef 4:22-24) Basyomezye kuti Jehova ulakonzya kubagwasya kuti bazunde michito iitali kabotu yakazyata mumizeezo yabo. (Flp 4:13) Bayiisye kuti bakombe kuli Jehova chiindi nibasunkwa kuti bachite chibi. Bagwasye kuti babone zyiimo zikonzya kubanjizya mumasunko ambubeelede kuzitantamuka. Basungwaazye kuti bachite zintu zilikabotu zitabagwasye kuti basiye michito mibi. Kulatubotezya kubona bantu mbitwiiyaabo Bbayibbele kabalikugwasigwa aaJehova kuti bachinche maponeno aabo.

AMWEEBELE KAVIDIYO KATII, GWASYA BANTU MBUYIYAABO KUTI BALEKE MICHITO IITALI KABOTU, KUZWA WAAWO, MUSANDULE MIBUZYO IITOBELA:

• 

  Baalu aNeeta bakatondeezya biyeni kuti bakali aalusyomo lwakuti Maluba ulakonzya kuzunda muchito uutali kabotu?

• 

  Neeta wakamugwasya biyeni Maluba?

• 

  Maluba wakatondeezya biyeni kuti uyanda kugwasigwa aaJehova?