Uwambuuzyania Aabantu Bali Biyeni aaIntaneti?

Mweenzinyokwe muntu ngumvwananaawe alubo nguyanda kazizwa aansi amoyo. Muchikozyano, Jonatani aDavida bakamvwanana loko chiindi Davida naakajaya Goliyati. (1Sa 18:1) Umwi awumwi wakali aabuntu mbwaakali kweemuzya kumweenzinyina. Kumuziba kabotu muntu kupa kuti mumvwanane loko. Kuti ukonzye kumuziba kabotu muntu, zitola chiindi akubeleka changuzu. Pesi aaIntaneti, ulakonzya kuba aadwi lyabeenzinyokwe mukulaba kwaliso. Nkaambo bantu baaIntaneti balikuzi kwaamba majwi aakwelelezya bamwi kabalichitaanga mbubabede pesi nga balikulisisa. Nkinkaako, kulayandikana kulibikkila migaano kubantu mbitwaambuuzyania aabo aaIntaneti. Toyelede kuyoowa pe kukaka kwaambuula aamuntu ngutazi pe aaIntaneti kuyoowa kuti ulamunyemya. Akaambo kakuyoowa mapenzi aakonzya kuba, bamwi bakasala kuleka kubelesya zimwi nzila zyakwaambuuzyania zyaaIntaneti. Kuti wasala kubelesya imwi nzila yakwaambuuzyania kubelesya Intaneti, niinzi nzweelede kubikkila maanu?

AMWEEBELE KAVIDIYO KATII, ABELESYE KABOTU MASOCIAL-NETWORK, KUZWA WAAWO, MUSANDULE MIBUZYO IITOBELA:

• 

  Niinzi nzweelede kuyeeya kutanalemba zimwi zintu naakuti kusenda mapikicha?

• 

  Nkamboonzi nweelede kusala kabotu beenzinyokwe mbuwambuulaabo aaIntaneti?

• 

  Nkamboonzi nuteelede kumaninsya chiindi chiingi kulikwaambuula aabantu aaIntaneti?​—Ef 5:15, 16