BUUMI BWAMAKKRISTU
Jehova Ulatugwasya Nituli Mumapenzi
Mumazuba aaya aakumamanino, tuswaana mapenzi miingi aasiyene-siyene. Chimwi chiindi, tulakonzya kubonaanga tatukonzyi pe kulisimya kumapenzi aaya. Nikuba oobo, kuti twayinkilila kunembo kuswena aafwiifwi aaJehova, ulatugwasya kuti tulisimye kumapenzi mayumu ngituswaana. (Is 43:2 4) Niinzi chikonzya kutugwasya kuti tuswene afwiifwi aaJehova nituli mapenzi?
Kukomba. Kuti twabuzya Jehova zyoonse zili mumyoyo yesu, ulatupa luumuno amanguzu akuti tulisimye.—Flp 4:6, 7; 1Te 5:17.
Miswaangano yambungano. Muchiindi eechi nchitulikupona, tuchiyanda loko chakulya chamubukombi akuliswaanizya abakombima kumiswaangano yambungano. (Heb 10:24, 25) Chiindi nitulibambila miswaangano yambungano, nitwiinjila anitutola lubazu kulinjiyo, nga tulikuzumizya muuya uusalala uuzwa kuli Jehova kuti utugwasye.—Chi 2:29.
Mulimu wakukambawuka. Kuti twaba bantu basungweete mumulimu wakukambawuka, kulatuubila kubikkila maanu kuzintu zili kabotu. Alubo kuchita oobo kupa kuti bweenzuma mbutulaabo abakombima abweenzuma mbutulaabo aaJehova busime.—1Ko 3:5-10.
AMWEEBELE VIDIYO ITII JEHOVA UYOOKUGWASYA, KUZWA WAAWO, MUSANDULE MIBUZYO IITOBELA:
Niinzi chakagwasya Malu kuti akkale kali aafwiifwi aaJehova naakali kuswaana buyumu-yumu?
Mbuli zyakachitika kuli Malu, majwi aajanika muli Intembauzyo 34:18 atuumbulizya biyeni nituli mumapenzi?
Zyakachitika kuli Malu, zitondeezya biyeni kuti Jehova utupa “manguzu aayinda manguzu eesu” nituswaana mapenzi?—2Ko 4:7