Chifanikisyo: Peji 3: Kokkinakis v. Greece: Droit réservé
Kuzwa aajulu kuchimweensyi: West Virginia State Board of Education v. Barnette; Kokkinakis v. Greece; Taganrog LRO and Others v. Russia; Cha and Others v. South Korea
BUUMI BWAMAKKRISTU
“Kwiiminina Makani Mabotu Akuti Akambawukwe Zili Mumulawu”
Chiindi basikukazya nibakeezya kukasya ma-lsrayeli kuti bayakulule tempele, ma-lsrayeli bakachita zyoonse nzibakonzya kuti bazumizigwe kuyakulula zili mumulawu. (Ezr 5:11-16) Ambulisunu maKkristu bali kwiiminina makani mabotu akuti akambawukwe zili mumulawu. (Flp 1:7) Kuti bakonzye kuchita oobo, mu1936 kwakapangwa Dipatimenti lyaMulawu kumawofesi eesu mapati. Mazubaano, bakwesu bali muDipatimenti lyaMulawu kumawofesi mapati mbabo bakwabilila makani mabotu aaBwaami munyika yoonse. Dipatimenti eeli lilikugwasilizya biyeni mulimu wakukambawuka kuswaanizya abakombi baLeza?
AMWEEBELE KAVIDIYO KATII KUSWAAYA DIPATIMENTI LYAMULAWU LILI KUMAWOFESI MAPATI, KUZWA WAAWO, MUSANDULE MIBUZYO IITOBELA:
Mbuubuli buyumu-yumu mbubalikuswaana Bakamboni baJehova munkuta?
Nkuukuli kuzunda nkutwakabaako munkuta? Amba chikozyano
Niinzi umwi awumwi wesu nzyakonzya kuchita kuti ayiminine makani mabotu akuti akambawukwe zili mumulawu?
Mpaali loko aawebbusayiti yesu mputukonzya kujana makani aali atala mbubali kulikwabilila kunkuta bakombi baLeza amputukonzya kujana mazina aaBakamboni baJehova bakasungwa akaambo kalusyomo lwabo?