BUUMI BWAMAKKRISTU

Gwasya Bantu Batakombi Kuti Bazibe Mulengi Wabo

Ngawaleka na kukambawukila bantu batakombi kuyeeya kuti tabakooswiilila mulumbe ngubakambawukila? Kuti kakuli boobo, utalubi kuti bantu batakombi kuswaanizya abaabo basyoma kuti taakwe mulengi, kumamanino bamwi bakazooba Bakamboni baJehova. Chiindi chiingi bantu aaba bayanda kugwasigwa kuti basyome kuti Leza mpali.—Ro 1:20; 10:14.

AMWEEBELE VIDIYO IITI BANTU BATAKWE LUSYOMO BALAKONZYA KUBAALUSYOMO!—BANTU BATAKOMBI, KUZWA WAAWO, MUSANDULE MUBUZYO UUTOBELA:

Chikozyano cha-Tommaso chikugwasya biyeni kuti ube aamaboneno aalikabotu chiindi nukambawukila bantu batakombi?

Lemba nsandulo yako

Mbuukonzya kuzichita

Kuti muntu waamba kuti tasyomi pe muli Leza, baaluzyalo abupampu alubo utondeezye kuti ulaandaba anzila njayeeyaayo, ambalimvwa atala ankani eeyo. (2Ti 2:24) Amwaambuuzyanie atala amakani akonzya kupa kuti abe achiyandisyo. Muntu ooyo ulayanda na kuti mwaambuuzyanie atala abukamboni bwakapa kuti bamwi basyome kuti kuli Mulengi? Kuti kakuli boobo, belesya mabbuku amavidiyo akabambilwa nkani eeyi. Kabbuku kati Was Life Created? akati The Origin of Life—Five Questions Worth Asking twaabujanika muZibelesyo Nzitubelesya Kuyiisya Bantu kuti kube kuuba kutubelesya.

Kumasaangunino ulakonzya kuwaya-waya kukambawukila bantu batasyomi muli Leza. Kuti kakuli boobo, kumbila sikupupulula ulaaluzibo kuti akugwasye. Utalubi kuti Jehova nguwe utugwasya kuti tukambawukile bantu balaamyoyo ibombede, nikuba kuti kumasaangunino teebakali kusyoma pe kuti Leza mpali.—Mil 13:48.