Uchiyeeyede Na?

Mwakaamvwisisisya na makani aaNgaziyakulinda zyakiinda? Kujana mwayisandula biyeni mibuzyo iitobela?

Tweelede kubabona biyeni maKristu bananikidwe?

Tweelede kutobelezya chikozyano chabo pesi tatubaboni kabasumpukide kwiinda bamwi. Tatweelede ‘kubalumbayizya zyiindilide.’ (Jud. 16) Alubo tatweelede kubabuzya mibuzyo iili atala abulangilizi bwabo.—w20.01, p. 29.

Niinzi chikonzya kupa kuti ube aachoonzyo chakuti Jehova ulaandaba anduwe?

Bbayibbele lyaamba kuti Jehova wakakuziba kutanazyalwa. Ulaziswiilila nkombyo zyako. Ulizizi zili mumoyo wako, nzuyeeya alubo nzuchita zilakonzya kumuchisa naakuti kumubotezya. (1 Mak. 28:9; Tus. 27:11) Alubo wakakukwelela kulinguwe.—w20.02, p. 12.

Ndiilili nitweelede kwaambuula alubo ndiilili nitweelede kuumuna?

Nitukambawuka atala aJehova. Nitwabona kuti mukombima watalika kuchita zintu zikonzya kumunjizya mumapenzi. Alubo baalu balapa bamwi lulayo kuti kakuyandikana. Tatweelede kwaamba pe kuti twamanikizigwa kuti twaambe makani aali atala ambuchitwa mulimu wesu muzisi mutazumizigwi. Alubo tatweelede kwaamba makani aansiswa.—w20.03, pp. 20-21.

Nsozi zijanika muli Joeli chaandaano 2 zisiyene biyeni azijanika muli Ciyubunuzyo chaandaano 9?

Joeli 2:20-29 yaamba kuti Leza uyootanda nsozi akuti uyoojolela zintu zyakanyonyoonwa ansozi eezyo. Kuzwa waawo, Leza wakatila muuya wakwe uusalala. Zintu eezi zyakazuzikizigwa chiindi masoja aakuBbabbiloni naakalwana maIsrayeli. Ciyubunuzyo 9:1-11 yaamba maKristu bananikidwe baambilizya atala akunyonyoonwa kwanyika eeyi mbi zipa kuti bantu bali kulubazu lwayo bakataazikane.—w20.04, pp. 3-6.

Ngwani mwaami wakunyika mazubaano?

NiRussia anyika nzimvwanana aazyo. Bakapenzya bakombi baLeza akukasya mulimu wakukambawuka alubo tababayandi pe Bakamboni. Alubo mwaami wakunyika amwaami wakumusanza balikulwanina bupati.—w20.05, p. 13.

Buntu bwaambidwe muli Bagalatiya 5:22, 23 mbubo na abulikke bupanga “mucelo wamuuya”?

Peepe. Muuya uusalala ulakonzya kutugwasya kuti tube abumwi buntu bubotu mbuli bululami. (Ef. 5:8, 9)—w20.06, p. 17.

Niinzi nzweelede kuziba atala azintu nzubikka aaIntaneti zili atala anduwe?

Zintu nzubikka aaIntaneti zilakonzya kutondeezya kuti ulalisumpula naakuti ulalibombya.—w20.07, pp. 6-7.

Niinzi nzibayiya maKristu kubazubi babaswi balaaluzibo?

Bateya muchiindi akundawu nkubajanika baswi. Balizi kubelesya zibelesyo zyabo. Alubo batondeezya chibindi kwiinda mukubeleka muzyiimo ziyumu. Andiswe tulakonzya kuchita oobo nituli mumulimu wakukambawuka.—w20.09, p. 5.

Kujana wabagwasya biyeni bantu mbwiiyaabo kuti bayungizye kuyanda Leza?

Basungwaazye kuti babale Bbayibbele akuti bayeeyesesye atala anzibabala. Alubo bayiisye kuti bakombe kuli Jehova.—w20.11, p. 4.

Mbaani baswaanizidwe muli “boonse bayoopegwa buumi”?—1 Kor. 15:22.

Mwaapostolo Pawulu taakali kwaamba kuti bantu boonse bayoobusigwa. Bantu baambwa muvesi eeyi baswaanizya maKristu bananikidwe aabo ‘bakasalazyigwa kuba basikwiiya ba Kristo Jesu.’ (1 Kor. 1:2; 15:18)—w20.12, pp. 5-6.

Mulimuunzi ngubatazoochite aabo basanduka “mukulaba kwaliso muciindi cakulila kwamweembo wamamanino”?—1 Kor. 15:51-53.

Bayoochita mulimu uuchitwa aKristu wakweembela zisi ankoli yabutale. (Ciy. 2:26, 27)—w20.12, pp. 12-13.