Zili Kulinduwe Kuti Uyanda Kuzoopona Buumi Bulibiyeni Kunembo

Muminyaka iili 3 500 yayinda, Jehova wakabuzya bakombi bakwe kuti bapone buumi bulikabotu, wakati: “Ndabikka buumi alufwu, cilongezyo akusinganya kumbele lyanu; aboobo mweelede kusala buumi kutegwa muzumanane kupona, nywebo abana banu.”​—Deuteronomo 30:19.

Bakombi baLeza bachiindi bakeelede kusala munzila yabusongo kuti bapone buumi bulikabotu. Nzizyo nzitweelede kuchita andiswe mazubaano. Bbayibbele lilatubuzya nzitweelede kuchita kuti tuzoopone buumi bulikabotu kunembo, lyaamba kuti: “Kwiinda mukuyanda Jehova Leza wanu, kuswiilila jwi lyakwe.”​—Deuteronomo 30:20.

KUJANA TWATONDEEZYA BIYENI KUTI TULAMUYANDA JEHOVA AKUMUSWIILILA?

YIYA BBAYIBBELE: Kuti uyande Jehova, weelede kusaanguna kwiiya atala anguwe kazizwa muBbayibbele. Kuti wayiya Bbayibbele uyoobona kuti nguLeza siluyando akuti uyanda kuti zintu zikweendele kabotu mubuumi. Leza uyanda kuti ukombe kulinguwe nkaambo ‘ulakubikkila maano.’ (1 Petro 5:7) Bbayibbele lisyomezya kuti, kuti twaswena aafwiifwi aLeza, “awalo ulaswena kulindinywe.”​—Jakobo 4:8.

BELESYA NZUYIYA: Tutondeezya kuti tulamuswiilila Leza kwiinda mukupona kweendelana amalayilile aali muBbayibbele. Kuti wachita oobo, “uyoozwidilila munzila yako alimwi unoocita zintu cabusongo.”​—Joshua 1:8.