Zyakachitika Mubuumi

Kweetelela Bantu Boonse

Limwi zuba, umwi muchizi wakuNew Zealand wakeebela vidiyo itii, ‘Amubikkilane Maano.’ Vidiyo eeyi yaambuula atala aJehova mbatweetelela ambatondeezya kuti ulatweetelela. (Is. 63:7-9) Muchizi ooyu wakasala kubelesya nzyaakayiya kwiinda mukugwasya uumwi muntu. Mubuzuba mbuboobo, wakaya kuzintoolo kuti akawule chakulya mpawo wakaswaanana aawumwi mwanakazi wakatalikwe kwakukkala pe. Wakabuzya mwanakazi ooyo kuti wakali kuyanda kumuulila chakulya. Mwanakazi ooyo wakazumina. Muchizi ooyu naakatola chakulya kumwanakazi ooyo, wakamukambawukila kabelesya kapepa kati, Mapenzi Azoomana Na?

Mwanakazi ooyo wakalila. Kuzwa waawo, wakabuzya muchizi ooyo kuti bazyali bakwe bakamuyiisya kasimpe pesi taakwe naakayinkilila kunembo pe. Mwanakazi ooyo wakati wakali kukomba kuli Jehova kayanda kuti abweede kulinguwe. Muchizi ooyo wakapa mwanakazi ooyo Bbayibbili mpawo bakachita mabambe aakuti bayiye Bbayibbili.a

Tulakonzya kutobelezya chikozyano chaJehova chakweetelela bantu kuswaanizya ababbululu besu abakwesu abachizi bamumbungano. Alubo tulakonzya kubeetelela bamwi kwiinda mukuyanduula myeenya yakubakambawukila.