Jana Zyiiyo Nzukonzya Kubelesya

Chiindi nitubala Bbayibbili, tweelede kuyanduula zyiiyo kwiinda mukuyanduulisisya. Pesi niinzi nzitweelede kuchita kuti tujane zyiiyo eezyo?

Yanduulisisya zyiingi atala ankani yamuBbayibbili njulikubala. Muchikozyano, yanduula kuti ngwani wakalemba nkani eeyo, wakali kulembelani akuti wakayilemba lili. Zyiimo zyakali biyeni muchiindi eecho, niinzi zyakali zyachitika alubo niinzi zyakazoochitika?

Yanduula zyiiyo kwiinda mukuyanduulisisya atala amibuzyo iitobela: ‘Bakalimvwa biyeni bantu mbindili kubala atala ambabo? Mbuubuli buntu mbubakatondeezya? Nkamboonzi nindeelede kutobelezya naakuti kutabutobelezya buntu oobo?’

Belesya zyiiyo nzwaajana mumulimu wakukambawuka naakuti nulikwaambuuzyania aabantu. Kuti wachita oobo, nga ulikutondeezya kuti ulaabusongo buzwa kuli Leza. Bbayibbili lyaamba kuti: “Kufwumbwa muntu musongo uyoozibikkila maano zintu eezyi.”—Int. 107:43.

• Nzukonzya kuchita: Bona kuti makani aajanika muchipanzi chaLubono Luzwa muJwi lyaLeza atugwasya biyeni kuti tubelesye zintu nzitwiiya. Chipanzi eechi chili aamibuzyo iitondeezya zintu nzitweelede kuyeeyesesya azifanikisyo nzitweelede kulangisisya.