Kulwana Kuzoomana Lili?—Nzilyaamba Bbayibbili

“Lino chaba chiindi chakuti chiimo eechi chibambuluwe. Alubo chaba chiindi chakuti tubweze ntaamu,” akaambwa aa-Secretary-General António Guterres waku-United Nations atala akubukila Israyeli nkwiilikuchita Iran Saturday, 13 April 2024.

Nkondo ilikuchitika ku-Middle East itondeezya kuti munyika yoonse kuli nkondo zyiingi zilikuchitika.

“Lino kuli nkondo zyiingi zilikuchitika munyika kwiinda chiindi chaNkondo Yanyika Yabili alubo bantu bali 2 bbiliyoni bali kuswaana mapenzi chaamba kuti muntu uumwi akati kabantu bali 4, uswaana mapenzi ayetwa ankondo.”—United Nations Security Council, January 26, 2023.

Nyika zilikuswaana nkondo ziswaanizya, Israel, Gaza, Syria, Azerbaijan, Ukraine, Sudan, Ethiopia, Niger, Myanmar, a-Haiti.a

Kulwana kuzoomana na? Beendelezi banyika bazooyeeta luumuno na? Bbayibbili lityeni?

Nyika izwide nkondo

Zintu zilikuchitika munyika zitondeezya kuti yaba aafwiifwi nkondo itazoomaninsye nkondo zyoonse. Nkondo zilikuchitika munyika zilikuzuzikizya bupolofita buli muBbayibbili buli atala achiindi nchitulikupona. Bbayibbili lyaamba kuti chiindi nchitulikupona ‘mamanino aabwiime bwazintu.’—Mateyo 24:3.

• Chisi chizoobukila chimwi chisi, alubo bwaami buzoobukila bumwi bwaami.”—Mateyo 24:6, 7.

Bala chiiyo chiti “Ino Citondezyo ‘Camazuba Aamamanino,’ naa ‘Ciindi Camamanino’ Ninzi?” kuti ubone nkondo zilikuchitika mazubaano mbuzilikuzuzikizya bupolofita bwamuBbayibbili.

Nkondo itazoomaninsye nkondo zyoonse

Bbayibbili litubuzya atala ambuzitazoomane nkondo zili munyika. Ziyoomana biyeni? Tazikamani akaambo kanguzu zyabantu pe pesi zizoomaninsigwa aa-Amagedoni, “[nkondo] yabuzuba bupati bwaLeza Singuzuzyoonse.” (Chiyubunuzyo 16:14, 16) Niyakumana nkondo eeyi, Leza uzoozuzikizya chisyomezyo chakwe kwiinda mukupa kuti bantu babotelwe muluumuno.—Intembauzyo 37:10, 11, 29.

Kuti uyiiye atala ankondo yaLeza itazoomaninsye nkondo zyoonse, bala chiiyo chiti “Ino Nkondo ya Amagedoni Ninzi?”