MIBUZYO IIBUZIGWA ABACHIKULA
Kujana Bbayibbele Lyandigwasya Biyeni?—Chipanzi 2: Noneezegwa Akubala Bbayibbele
Umwi mulombe uutegwa Will, wakaamba kuti: “Kubala Bbayibbele kulakonzya kubonekaanga kulabbowa kuti kutazi nzila iilikabotu yakulibala.”
Ulayanda na kuziba zintu zikonzya kupa kuti kubala Bbayibbele kukunoneezye? Chiiyo eechi chilakugwasya.
Chita kuti nzulikubala muMagwalo zikunoneezya
Libone kuliwo kazilikuchitika zintu nzulikubala. Ulakonzya kuchita zitobela:
Sala nkani iili muBbayibbele njuyanda kubala. Ulakonzya kusala zimwi zyakachitika zili muMabbuku Aamakani Mabotu naakuti ulakonzya kusala imwi nkani iili muzisobano zyakubalwa kwaBbayibbele zijanika aajw.org.
Bala nkani eeyo. Ulakonzya kubala awulikke naakuti kubalila aajulu kulaamwi abeenzinyokwe naakuti bamumpuli. Mulakonzya kubala kamuli kuchinchaana umwi kali sikuluula mpawo bamwi kabali kubala zipanzi zyawumwi muntu uuli mulwaano oolo.
Yezya kuchita chimwi chazintu zitobela:
Dilowa mapikicha atondeezya zyakachitika mulwaano oolo. Naakuti udilowe mapikicha atondeezya zintu zyakachitika kazitobelene mpawo ulembe majwi kumbali apandulula zilikuchitika muchifanikisyo chimwi achimwi.
Dilowa madayagilamu. Muchikozyano, chiindi nubala atala awumwi muntu wakali kusyomeka, lemba buntu bubotu mbwaakalaabo, zintu nzyaakachita azilongezyo nzyaakajana.
Buzya bamwi atala azyakachitika nzuwakabala. Kuli kusaangunina kuzipanzi zisiyene-siyene zyankani eeyo alubo lemba nkani eeyo kayili muchiimo chambuzisisyo abantu bali mulwaano oolo abakazibona kazilikuchitika.
Kuti umwi muntu uuli mulwaano oolo kali wakasala munzila iitali kabotu, yeeya zyakali kuyoochitika nikuli muntu ooyo wakasala munzila iisiyene anjaakachitaayo. Muchikozyano, yeeya atala aPetro naakakaka Jesu. (Marko 14:66-72) Niinzi zyakali kuyoochitika kaansinga Petro taakayoowa bantu pe?
Kuti kuli aachiyandisyo chakuchita zyiingi, yezya kulemba chisobano kuli kubelesya lwaano lwamuBbayibbele ndulikubala. Swaanizya azyiiyo zijanika mulwaano oolo.—Baroma 15:4.
Ulakonzya kupa kuti kubala Bbayibbele kukunoneezye!
Yanduulisisya!
Kuti wayanduulisisya atala ayimwi nkani, ulakonzya kujana amwi makani aayandikana munkani eeyo. Chimwi chiindi, bbala limwi naakuti aabili lilakonzya kupa kuti ubone chimwi chintu chiyandikana atala ankani eeyo.
Muchikozyano, kozyanisya Matayo 28:7 a Marko 16:7.
Nkamboonzi Marko naakalemba kuti Jesu wakali kuyoobonana abamwi basikwiiya kuswaanizya “a Petro”?
Chikonzya Kukugwasya: Marko taakazibona kazilikuchitika pe zintu nzyaakalemba, pesi kulakonzeka kuti wakajana makani aayo kuli Petro.
Nzukonzya kujana: Nkamboonzi Petro naakasungwaazigwa chiindi naakamvwa kuti Jesu wakali kuyanda kumubona lubo? (Marko 14:66-72) Jesu wakatondeezya biyeni kuti wakali mweenzinyina wachoonzyo kuli Petro? Nga ulachitobelezya biyeni chikozyano chaJesu kuti ube mweenzinyina wachoonzyo kuli bamwi?
Kuti wapa kuti zintu nzulikubala zikunoneezye mpawo wayanduulisisya, kubala Bbayibbele kuyookunoneezya loko.