Levitikko

27 Jehova wakayinkilila kunembo kwaambuula aaMozesi kati: 2 “Ambuula aama-Israyeli ubabuzye kuti, ‘Kuti muntu wachita chikonke chakuti uyanda kupa Jehova mali yeendelana aamuulo wamuntu, 3 kuti muntu ooyo kali mwaalumi uuli aaminyaka iili 20 kusika ku 60, muulo wakwe weelede kuba mashekeli* aansiliva aali 50 kweendelana ashekeli lyamundawu iisalala.* 4 Pesi kuti kali mwanakazi, muulo wakwe weelede kuba mashekeli aali 30. 5 Kuti kali aaminyaka iili 5 kusika ku 20 kali mwaalumi, muulo wakwe weelede kuba mashekeli aali 20. Kuti kali mwanakazi, muulo wakwe weelede kuba mashekeli aali 10. 6 Kuti kali aamweezi uumwi kusika kuminyaka iili musanu, kali mwaalumi, muulo wakwe weelede kuba mashekeli aansiliva aali musanu. Kuti kali mwanakazi, muulo wakwe weelede kuba mashekeli aansiliva aatatu.

7 “‘Kuti kali mwaalumi kali aaminyaka iili 60 kaziya kunembo, muulo wakwe weelede kuba mashekeli aali 15. Kuti kali mwanakazi, muulo wakwe weelede kuba mashekeli aali 10. 8 Pesi kuti muntu ooyo kafwaba loko zyakuti takonzyi pe kubbadala muulo uubikkidwe, muntu ooyo uzooyimikila kunembo lyamupayizi alubo mupayizi uzoomubikkila muulo. Mupayizi uzoowamba muulo ooyo kweendelana anzyakonzya kubbadala sikupanga chikonke.

9 “‘Pesi kuti chikonke eecho kachiswaanizya munyama weelela kupegwa kuli Jehova, kufumbwa chintu chipegwa kuli Jehova chilaba chintu chisalala. 10 Tayelede kweeta umwi munyama mundawu yayooyo alubo tayelede kuchinchanisya munyama mubotu mundawu yamubi, naakuti munyama mubi mundawu yamubotu. Pesi kuti wachinchanisya munyama awumwi munyama, ooyo wakusaanguna ayooyo ngwaachinchanisyaawe, boonse balasalala. 11 Kuti kali munyama uusofweede uuteelede kupegwa kali chipo kuli Jehova, muntu ooyo weelede kwiimikizya munyama ooyo kunembo lyamupayizi. 12 Mpawo mupayizi ulaamba muulo wamunyama ooyo kweendelana akuti mubotu na, naakuti mubi. Muulo uutaambwe aamupayizi ngunguwo. 13 Pesi kuti kayanda kumuula lubo munyama ooyo, weelede kuyungizya chipanzi chimwi chazipanzi zili musanu chamuulo wawo.

14 “‘Kuti muntu wapa ng’anda yakwe kuti ibe chintu chisalala kuli Jehova, mupayizi uzoowamba muulo wayo kweendelana akuti nimbotu na, naakuti nimbi. Muulo ngwataambe mupayizi, ngunguwo uutabe muulo wayo. 15 Pesi kuti muntu ooyo wapa ng’anda eeyo wayanda kwiiwula lubo, weelede kuyungizya chipanzi chimwi chazipanzi zili musanu zyamuulo wayo, kumuulo wayo wakusaanguna mpawo ilaba yakwe lubo.

16 “‘Kuti muntu wapa chipanzi chamuunda wakwe kuti chibe chintu chisalala kuli Jehova, muulo wawo weelede kweendelana aambuto iikkwana kubyalwa mumo. Homeri* yambuto yabbali izooba mashekeli aansiliva aali 50. 17 Kuti wapa muunda wakwe muMunyaka Walwaangunuko, muulo wawo tawuchinchi pe. 18 Kuti wapa muunda wakwe nwaayinda Munyaka Walwaangunuko, mupayizi uzoomubalila muulo wakwe kweendelana aminyaka yasyaala kuti kube umwi Munyaka Walwaangunuko mpawo muntu ulabbadala mali njajuba mupayizi kuzwa kumali yakusaanguna. 19 Pesi kuti ooyo wapa chipanzi chamuunda wakwe wayanda kuwuula lubo, weelede kuyungizya chipanzi chimwi chazipanzi zili musanu chamuulo wawo kumuulo wamuunda ooyo mpawo ulaba wakwe. 20 Kuti taawuula lubo muunda ooyo mpawo muunda ooyo wawuzigwa kuli umwi muntu, nga tazichichiti pe kuti awuwule lubo. 21 Kuti muunda ooyo waangununwa muMunyaka Walwaangunuko, ulaba chintu chisalala kuli Jehova mbuli muunda wakapegwa nguwe. Ulaba lukono lwabapayizi.

22 “‘Kuti muntu wapa muunda ngwaakawula uutali chipanzi chalukono lwakwe kuli Jehova, 23 mupayizi uzoobalila muntu ooyo muulo wamuunda kusikila muMunyaka Walwaangunuko mpawo muntu ooyo uzoobbadala muulo ooyo uubikkidwe mubuzuba mbuboobo. Nchintu chisalala kuli Jehova. 24 MuMunyaka Walwaangunuko, muunda weelede kubweeda kumuntu ooyo ngwaakawula kuzwa kuli munaamuunda.

25 “‘Muulo umwi awumwi weelede kubikkwa kweendelana ashekeli lyamundawu iisalala. Shekeli limwi lyeelede kuba magera* aali 20.

26 “‘Taakwe muntu weelede kupa munyama wakusaanguna kuzyalwa kuti abe chintu chisalala nkaambo banyama boonse bakusaanguna kuzyalwa mbibaJehova. Kazitakwe ndaba kuti ning’ombe naakuti nimbelele, boonse mbibaJehova. 27 Kuti kakuli munyama uutasalali ngwaanununa amuulo wawo, weelede kuyungizya chipanzi chimwi chazipanzi zili musanu zyamuulo wawo. Pesi kuti taawuula lubo, weelede kuuzigwa kweendelana amuulo wawo.

28 “‘Pesi taakwe chintu muntu nchaapa kuli Jehova kukabe kutamani* kuzwa kuzintu nzyalaazyo, cheelede kuuzigwa naakuti kuulwa lubo, kazitakwe ndaba kuti muntu naakuti munyama naakuti muunda wakwe. Zintu zyoonse zipegwa, nzintu zisalalisya kuli Jehova. 29 Kuyungizya waawo, taakwe muntu wakaambwa kuti uzoojayigwa, weelede kunununwa. Weelede kujayigwa nikuba kuti kwaba biyeni.

30 “‘Chipanzi chakkumi choonse chanyika, kazitakwe ndaba kuti mbutebuzi bwamuunda naakuti michelo yaminsamu, nchichaJehova. Nchintu chisalala kuli Jehova. 31 Kuti muntu kayanda kuula kufumbwa chipanzi kuzwa kuli chakkumi chakwe, weelede kuyungizya chipanzi chimwi chazipanzi zili musanu zyachintu eecho. 32 Banyama boonse bachi 10 batanga lyang’ombe naakuti lyambelele naakuti lyampongo, nkukwaamba munyama woonse wachi 10 wiinda munsi aankoli yamweembeli, weelede kuba chintu chisalala kuli Jehova. 33 Tayelede kuulanga-langa pe kuti mubotu na naakuti mubi, nikuba kuuchinchanisya. Banyama boonse, wakusaanguna ayooyo ngwaawuchinchanisyaawo balaba chintu chisalala. Tabeelede kuulwa lubo pe.’”

34 Eeyi milawu Jehova njaakabuzya Mozesi muChilundu chaSinayi kuti ibe yama-Israyeli.