Levitikko

12 Jehova wakayinkilila kunembo kubuzya Mozesi kuti: 2 “Buzya ma-Israyeli kuti, ‘Kuti mwanakazi waba aada mpawo watumbuka mwana mulombe, unoosofweede kwamazuba aali musanu aabili mbuli mbanga ulisofweede mumazuba nali kumweezi. 3 Mubuzuba bwamusanu aatatu, mwanaakwe ulapalulwa. 4 Nkinkaako, ulayinkilila kunembo kalisalazya kuganzi kwaamwi mazuba aali 33. Tayelede kuguma chintu chisalala nichiba chimwi alubo tayelede kunjila mundawu iisalala kusikila mazuba aakwe aakulisalazya akkwane.

5 “‘Kuti watumbuka mwana musimbi, ulasofwaala kwamazuba aali 14 mbuli mbanga ulisofweede chiindi nali kumweezi. Ulayinkilila kunembo kulisalazya kuganzi kwaamwi mazuba aali 66. 6 Kuti mazuba aakwe aakulisalazya akaambo kamwanaakwe mulombe naakuti mwanaakwe musimbi akkwana, weelede kweeta kagutu kali aamunyaka uumwi kachipo chitentwa amwana wankwilimba naakuti nziba yachipayizyo chachibi kumupayizi, kumulyango watente lyakuswaanganina. 7 Mupayizi ulazyeeta kunembo lyaJehova akuzipayizya kuti amaninsye milandu yamwanakazi ooyo mpawo mwanakazi ooyo ulasalala kukuzwa ganzi kwakwe. Ooyu nguumulawu uuli atala amwanakazi watumbuka mwana mulombe naakuti mwana musimbi. 8 Pesi kuti katakonzyi kujana mbelele, weelede kweeta nziba zibili naakuti bana bankwilimba babili. Umwi ulaba wachipo chitentwa mpawo umwi ulaba wachipayizyo chachibi alubo mupayizi ulazipayizya kuti amaninsye milandu yamwanakazi ooyo mpawo ulasalala.’”