Levitikko

23 Jehova wakayinkilila kunembo kwaambuula aaMozesi kati: 2 “Ambuula aama-Israyeli ubabuzye kuti, ‘Mapobwe aaJehova aasalidwe mumunyaka ngimweelede kwaambilizya, miswaangano iisalala. Aaya ngiimapobwe aangu aasalidwe mumunyaka:

3 “‘Mulakonzya kubeleka milimu mumazuba aali musanu alimwi, pesi buzuba bwamusanu aabili mbuzuba bwasabata bwakupumuna chakumaninina, muswaangano uusalala. Tamweelede kubeleka kufumbwa mulimu. Lyeelede kuba sabata lyaJehova kufumbwa nkumukkala.

4 “‘Aaya ngiimapobwe aaJehova aasalidwe mumunyaka, miswaangano iisalala njimweelede kwaambilizya aziindi zyawo zibikkidwe. 5 Mubuzuba bwachi 14 bwamweezi wakusaanguna goko,* ndiPasika lyaJehova.

6 “‘Mubuzuba bwachi 15 bwamweezi ooyu, mbuzuba bwaPobwe lyaZinkwa Zitakwe Bumena lichitilwa Jehova. Mweelede kulya zinkwa zitakwe bumena kwamazuba aali musanu aabili. 7 Mubuzuba bwakusaanguna, muzoochita muswaangano uusalala. Tamweelede kubeleka mulimu uumizya pe. 8 Pesi muzoopa chipo chitentwa aamulilo kuli Jehova kwamazuba aali musanu aabili. Mubuzuba bwamusanu aabili kunooli muswaangano uusalala. Tamweelede kubeleka mulimu uumizya pe.’”

9 Jehova wakayinkilila kunembo kwaambuula aaMozesi kati: 10 “Ambuula aama-Israyeli ubabuzye kuti, ‘Nimwaakunjila munyika njindili kumupa alubo nimwatyola butebuzi bwayo, mweelede kuzooyeta musunta wazilyo zyakusaanguna zyabutebuzi bwanu kumupayizi. 11 Mpawo mupayizi uzooyumba musunta ooyu ooku akooku kunembo lyaJehova kuti mutambulike. Mupayizi uzooyumba musunta ooyu mubuzuba butobela Sabata. 12 Mubuzuba musunta nutazooyumbwe, mweelede kupa kagutu kalikabotu kali aamunyaka uumwi kakali chipo chitentwa kuli Jehova. 13 Chipo chazilyo chipegwa aamwi akagutu aako cheelede kuba zipanzi zibili zyazipanzi zili kkumi zya-efa* yafulawa nante iiswaanizidwe aamafuta kachili chipo chitentwa aamulilo kuli Jehova, chili aabweema bununkilila.* Chipo chinywigwa chipegwa aamwi akagutu aako, cheelede kuba chipanzi chimwi chazipanzi zine zyahini* yawayini. 14 Tamweelede kulya kufumbwa chinkwa, zilyo ziyokedwe naakuti zilyo zipya kusikila mubuzuba oobu, kusikila nimweeta chipo chaLeza wanu. Ooyu mulawu wamazyalani aanu woonse kukabe kutamani, kufumbwa nkumukkala.

15 “‘Mweelede kubala masabata aali musanu aabili kuzwa mubuzuba butobela sabata, kuzwa mubuzuba mbumweeta musunta wakuyumba. Zyeelede kuba mviki zikkwene. 16 Mweelede kubala mazuba aali 50 kusika mubuzuba butobela Sabata yamusanu aabili mpawo mweelede kweeta chipo chazilyo zipya kuli Jehova. 17 Mweelede kweeta zinkwa zibili zyachipo chakuyumba kuzwa mundawu zyanu mumukkala. Zyeelede kujikwa aazipanzi zibili zyazipanzi zili kkumi zya-efa* yafulawa nante. Mweelede kuzijika kazili aabumena, muzyeete kuli Jehova kazili zilyo zisaanguna kubizwa. 18 Zinkwa eezi mweelede kuzyeeta aamwi atugutu tulikabotu tuli musanu atubili tuli aamunyaka uumwi apule wang’ombe uumwi abagutu babili. Zilaba chipo chitentwa kuli Jehova aamwi achipo chazilyo achipo chinywigwa, kazili chipo chitentwa aamulilo chili aabweema bununkilila* kuli Jehova. 19 Alubo mweelede kweeta kapongo kakali chipayizyo chachibi atugutu tubili tuli aamunyaka uumwi katuli chipayizyo chalumvwanano. 20 Mupayizi uzooziyumba ooku akooku aamwi azinkwa zyazilyo zisaanguna kubizwa kazili chipo chakuyumba kunembo lyaJehova. Uzooziyumba aamwi atugutu tubili, zyeelede kuba zintu zisalala kuli Jehova, zipegwa mupayizi.

21 “‘Mubuzuba mbuboobo, mweelede kwaambilizya kuti kube muswaangano uusalala. Tamweelede kubeleka mulimu uumizya pe. Ooyu mulawu wamazyalani aanu woonse kukabe kutamani mundawu zyanu zyoonse nkumukkala.

22 “‘Nimwaakutyola butebuzi bwanu kunyika yanu, tamweelede kuzityola chakumaninina pe zili kumamanino aamyuunda yanu alubo tamweelede kuzibwezelela pe zyasyaala kubutebuzi bwanu. Mweelede kuzisiila muntu uufwaba* amweenzu. Ndime Jehova Leza wanu.’”

23 Jehova wakayinkilila kunembo kwaambuula aaMozesi kati: 24 “Buzya ma-Israyeli kuti, ‘Mubuzuba bwakusaanguna bwamweezi wamusanu ayibili, mweelede kupumuna chakumaninina. Buzuba oobu bweelede kwaambilizigwa kwiinda mukulizya mweembo kuchitila kuti muyeeye kuti muswaangano uusalala. 25 Tamweelede kubeleka mulimu uumizya pe alubo mweelede kweeta chipo chitentwa aamulilo kuli Jehova.’”

26 Jehova wakayinkilila kunembo kwaambuula aaMozesi kati: 27 “Nikuba oobo, buzuba bwachi 10 bwamweezi ooyu wamusanu ayibili, Mbuzuba Bwakumaninsya Milandu. Mweelede kuchita muswaangano uusalala akuusa mumyoyo yanu* alubo mweete chipo chitentwa aamulilo kuli Jehova. 28 Taakwe mulimu ngumweelede kubeleka mubuzuba oobu, nkaambo mbuzuba bwakumaninsya milandu kuchitila kuti mulekelelwe zibi zyanu kunembo lyaJehova Leza wanu. 29 Kufumbwa muntu uuleka kuusa mubuzuba oobu, uzoojayigwa aakati kabantu bakulimbabo. 30 Alubo kufumbwa muntu uubeleka mulimu mubuzuba oobu, ndizoomunyonyoona aakati kabantu bakulimbabo. 31 Taakwe mulimu ngumweelede kubeleka pe. Ooyu mulawu wamazyalani aanu woonse kukabe kutamani, kufumbwa nkumukkala. 32 Eeli ndisabata lyakuti mulyookezye chakumaninina alubo mweelede kuusa mumyoyo yanu. Mubuzuba bwamusanu aane bwamweezi, goko, mweelede kubamba sabata lyanu kuzwa goko kusika goko.”

33 Jehova wakayinkilila kunembo kwaambuula aaMozesi kati: 34 “Buzya ma-Israyeli kuti, ‘Buzuba bwachi 15 bwamweezi ooyu wamusanu ayibili, mbuzuba bwaPobwe Lyazivututu lyamazuba aali musanu aabili lyakulemeka Jehova. 35 Kunooli muswaangano uusalala mubuzuba bwakusaanguna alubo tamweelede kubeleka mulimu uumizya pe. 36 Mweelede kweeta chipo chitentwa aamulilo kuli Jehova kwamazuba aali musanu aabili. Mubuzuba bwamusanu aatatu, mweelede kuchita muswaangano uusalala mpawo mweete chipo chitentwa aamulilo kuli Jehova. Muswaangano uuyandikana loko. Taakwe mulimu uumizya ngumweelede kubeleka pe.

37 “‘Aaya ngiimapobwe aaJehova aasalidwe mumunyaka ngimweelede kwaambilizya kaali miswaangano iisalala aakupa zipo zitentwa aamulilo kuli Jehova: Chipo chitentwa achipo chazilyo chipegwa aamwi achipayizyo azipo zinywigwa kweendelana azyeelede kuchitwa buzuba oobo. 38 Eezi zyeelede kupegwa kuyungizya aazipo zipegwa mumasabata aaJehova alubo zyeelede kupegwa kuyungizya kuzipo zyanu, kuzipo zyazikonke akuzipo zyakuliyandila nzimweelede kupa Jehova. 39 Nikuba oobo, mubuzuba bwachi 15 bwamweezi wamusanu ayibili kamuli mwabunganizya kale butebuzi bwanu munyika yanu, mweelede kusekelela pobwe lyaJehova kwamazuba aali musanu aabili. Mubuzuba bwakusaanguna, mweelede kupumuna chakumaninina alubo amubuzuba bwamusanu aatatu mweelede kulyookezya chakumaninina. 40 Mubuzuba bwakusaanguna, mweelede kubweza michelo yaminsamu mibotu amangwalala aamakunka, ntabi zyaminsamu iili aamatu miingi azyamupopula uumena mumbali aamulonga. Alubo muzoobotelwa kunembo lyaJehova Leza wanu kwamazuba aali musanu aabili. 41 Muzoolisekelela kalili pobwe lyaJehova kwamazuba aali musanu aabili munyaka amunyaka. Mweelede kulisekelela mumweezi wamusanu ayibili nkaambo ooyu mulawu wamazyalani aanu woonse kukabe kutamani. 42 Mweelede kukkala muzivututu kwamazuba aali musanu aabili. Ma-Israyeli woonse ayelede kukkala muzivututu, 43 kuchitila kuti mazyalani aanu woonse aachiza, azoozibe kuti ndakapa kuti ma-Israyeli akkale muzivututu nindakabagwisya munyika ya-Ijipita. Ndime Jehova Leza wanu.’”

44 Nkinkaako, Mozesi wakabuzya ma-Israyeli atala amapobwe aaJehova aasalidwe mumunyaka.