Myeelwe
26 Nilyakamana penzi, Jehova wakaambuula aaMozesi a-Eliyezari mwana wa-Aroni mupayizi kati: 2 “Amubale mbungano yoonse yama-Israyeli, boonse bali aaminyaka iili 20 kaziya kunembo, kweendelana amaanda aamawisi, mubale boonse bakonzya kubeleka kabali masooja mu-Israyeli. 3 Nkinkaako, Mozesi a-Eliyezari mupayizi bakaambuula aabantu kumabuwa aakuMowabbu, kumbali aaMulonga waJodani aafwiifwi aJerikko kabati: 4 “Amubale bantu boonse bali aaminyaka iili 20 kaziya kunembo, mbuli Jehova mbaalayilila Mozesi.”
Bana ba-Israyeli bakazwa munyika ya-Ijipita bakali: 5 Rubbeni, mwana wa-Israyeli wakusaanguna, bana baRubbeni bakali Hanokki, ooko kwakazwa mpuli yamaHanokki, Palu, kwakazwa mpuli yamaPalu, 6 Hezironi, kwakazwa mpuli yamaHezironi, Kkami, kwakazwa mpuli yamaKkami. 7 Eezi nzizyo zyakali mpuli zyamusyobo waRubbeni alubo aabo bakalembwa bakali 43 730.
8 Mwana waPalu wakali Eliyabbu. 9 Bana ba-Eliyabbu bakali Nemuyeli, Datani a-Abbiramu. Datani a-Abbiramu, aabo bakali baalumi basalidwe aakati kambungano, bakakazyania aaMozesi a-Aroni kabalaamwi akabunga kaKkora, chiindi nibakakazyania aaJehova.
10 Mpawo nyika yakaasama akubamena. Pesi Kkora wakafwa aamwi abaabo bakali kubbazu lyakwe, mulilo nwaakanyonyoona baalumi bali 250. Alubo bakaba nchenjezyo. 11 Nikuba oobo, bana baKkora teebakafwa pe.
12 Bana baSimiyoni kweendelana ampuli zyabo bakali: Nemuyeli, ooko kwakazwa mpuli yamaNemuyeli, Jamini, kwakazwa mpuli yamaJamini, Jakkini, kwakazwa mpuli yamaJakkini, 13 Zera, kwakazwa mpuli yamaZera, Shawulu, kwakazwa mpuli yamaShawulu. 14 Eezi nzizyo zyakali mpuli zyamusyobo waSimiyoni: bakali 22 200.
15 Bana baGadi kweendelana ampuli zyabo bakali: Zefoni, ooko kwakazwa mpuli yamaZefoni, Hagi, kwakazwa mpuli yamaHagi, Shuni, kwakazwa mpuli yamaShuni, 16 Ozini, kwakazwa mpuli yama-Ozini, Eri, kwakazwa mpuli yama-Eri, 17 Arodi, kwakazwa mpuli yama-Arodi, Areli, kwakazwa mpuli yama-Areli. 18 Eezi nzizyo zyakali mpuli zyabana baGadi alubo aabo bakalembwa bakali 40 500.
19 Bana baJuda bakali Ere a-Onani. Nikuba oobo, Ere a-Onani bakafwida kunyika yaKkenani. 20 Bana baJuda kweendelana ampuli zyabo bakali: Shela, ooko kwakazwa mpuli yamaShela, Perezi, kwakazwa mpuli yamaPerezi, Zera, kwakazwa mpuli yamaZera. 21 Bana baPerezi bakali: Hezironi, ooko kwakazwa mpuli yamaHezironi, Hamuli, kwakazwa mpuli yamaHamuli. 22 Eezi nzizyo zyakali mpuli zyaJuda alubo aabo bakalembwa bakali 76 500.
23 Bana ba-Isakkara kweendelana ampuli zyabo bakali: Tola, ooko kwakazwa mpuli yamaTola, Puva, kwakazwa mpuli yamaPuva, 24 Jashubbi, kwakazwa mpuli yamaJashubbi, Shimuroni, kwakazwa mpuli yamaShimuroni. 25 Eezi nzizyo zyakali mpuli zya-Isakkara alubo aabo bakalembwa bakali 64 300.
26 Bana baZebbuloni kweendelana ampuli zyabo bakali: Seredi, ooko kwakazwa mpuli yamaSeredi, Eloni, kwakazwa mpuli yama-Eloni, Jaleeli, kwakazwa mpuli yamaJaleeli. 27 Eezi nzizyo zyakali mpuli zyaZebbuloni alubo aabo bakalembwa bakali 60 500.
28 Bana baJosefa kweendelana ampuli zyabo bakali: Manase a-Efremu. 29 Bana baManase bakali: Makkiri, ooko kwakazwa mpuli yamaMakkiri alubo Makkiri wakazyala Giliyadi, kwakazwa mpuli yamaGiliyadi. 30 Aaba mbibakali bana baGiliyadi: Iyeze, ooko kwakazwa mpuli yama-Iyeze, Helekki, kwakazwa mpuli yamaHelekki, 31 Asiriyeli, kwakazwa mpuli yama-Asiriyeli, Shekkemu, kwakazwa mpuli yamaShekkemu, 32 Shemida, kwakazwa mpuli yamaShemida, Hefa, kwakazwa mpuli yamaHefa. 33 Zelofehadi mwana waHefa taakalikwe bana balombe pe, wakali aabana basimbi kupela. Alubo mazina aabana basimbi baZelofehadi bakali: Mala, Nowa, Hogila, Milikka aTiriza. 34 Eezi nzizyo zyakali mpuli zyaManase alubo aabo bakalembwa bakali 52 700.
35 Aaba mbibakali bana ba-Efremu kweendelana ampuli zyabo: Shutela, ooko kwakazwa mpuli yamaShutela, Bbekkeri, kwakazwa mpuli yamaBbekkeri, Tahani, kwakazwa mpuli yamaTahani. 36 Bana baShutela bakali: Erani, ooko kwakazwa mpuli yama-Erani. 37 Eezi nzizyo zyakali mpuli zyabana ba-Efremu alubo aabo bakalembwa bakali 32 500. Alubo aaba mbibakali bana baJosefa kweendelana ampuli zyabo.
38 Bana baBbenjamini kweendelana ampuli zyabo bakali: Bbela, ooko kwakazwa mpuli yamaBbela, Ashibbeli, kwakazwa mpuli yama-Ashibbeli, Ahiramu, kwakazwa mpuli yama-Ahiramu, 39 Shefufamu, kwakazwa mpuli yamaShufamu, Hufamu, kwakazwa mpuli yamaHufamu. 40 Bana baBbela bakali Aridi aNaamani: Aridi, ooko kwakazwa mpuli yama-Aridi, Naamani, kwakazwa mpuli yamaNaamani. 41 Aaba mbibakali bana baBbenjamini kweendelana ampuli zyabo alubo aabo bakalembwa bakali 45 600.
42 Aaba mbibakali bana baDani kweendelana ampuli zyabo: Shuhamu, ooko kwakazwa mpuli yamaShuhamu. Eezi nzizyo zyakali mpuli zyaDani. 43 Boonse bamumpuli zyamaShuhamu bakalembwa bakali 64 400.
44 Bana ba-Asha kweendelana ampuli zyabo bakali: Imina, ooko kwakazwa mpuli yama-Imina, Ishivi, kwakazwa mpuli yama-Ishivi, Bberiya, kwakazwa mpuli yamaBberiya, 45 bana baBberiya bakali: Hebberi, ooko kwakazwa mpuli yamaHebberi, Malikkiyeli, kwakazwa mpuli yamaMalikkiyeli. 46 Mwana musimbi wa-Asha wakali kutegwa Sera. 47 Eezi nzizyo zyakali mpuli zyabana ba-Asha alubo aabo bakalembwa bakali 53 400.
48 Bana baNafutali kweendelana ampuli zyabo bakali: Jazeeli, ooko kwakazwa mpuli yamaJazeeli, Guni, kwakazwa mpuli yamaGuni, 49 Jezeri, kwakazwa mpuli yamaJezeri, Shilemu, kwakazwa mpuli yamaShilemu. 50 Eezi nzizyo zyakali mpuli zyaNafutali alubo aabo bakalembwa bakali 45 400.
51 Ma-Israyeli boonse bakalembwa bakali 601 730.
52 Kuzwa waawo, Jehova wakati kuli Mozesi: 53 “Aakati kabantu aaba, nyika izoopambulwa kuti ibe lukono kweendelana amazina aabo aalembedwe.* 54 Kunkamu mpati, weelede kuyungizya lukono alubo kunkamu niini weelede kuchesya lukono. Nkamu imwi ayimwi yeelede kupegwa lukono kweendelana amweelwe wabantu bakalembwa. 55 Nikuba oobo, nyika izoowabanisigwa kakubelesegwa chisale.* Beelede kujana lukono kweendelana amazina aamisyobo yamawisi. 56 Lukono lumwi alumwi luzoopegwa kakubelesegwa chisale alubo luzoowabanisigwa kunkamu mpati akunkamu niini.”
57 Mazina aamaLevi bakalembwa kweendelana ampuli zyabo ngaya: Geshoni, ooko kwakazwa mpuli yamaGeshoni, Kkohati, kwakazwa mpuli yamaKkohati, Merari, kwakazwa mpuli yamaMerari. 58 Eezi nzizyo zyakali mpuli zyamaLevi: mpuli yamaLibbini, mpuli yamaHebburoni, mpuli yamaMali, mpuli yamaMushi, mpuli yamaKkora.
Kkohati wakazyala Amuramu. 59 Mwanakazi wa-Amuramu wakali kutegwa Jokkebbedi, mwana musimbi waLevi, ooyo mwanakazi wakwe ngwaakamuzyalila nibakali ku-Ijipita. Alubo kuli Amuramu, Jokkebbedi wakazyala Aroni, Mozesi amuchizi wabo Miriyemu. 60 Mpawo Aroni wakazyala Nadabbu, Abbihu, Eliyezari a-Itamara. 61 Pesi Nadabbu a-Abbihu bakafwa akaambo kakweeta mulilo uutazumizigwi kunembo lyaJehova.
62 Bantu boonse bakalembwa bakali 23 000, baalumi boonse bakali aamweezi uumwi kaziya kunembo. Teebakalembwa aakati kama-Israyeli nkaambo teebakalikwe lukono ndubakali kuzoopegwa aakati kama-Israyeli.
63 Aaba mbabo bakalembwa aaMozesi a-Eliyezari mupayizi chiindi nibakalemba ma-Israyeli kumabuwa aakuMowabbu, kumbali aaMulonga waJodani aafwiifwi aJerikko. 64 Pesi aakati kabo, taakwe wakachiliwo pe kubantu bakabalidwe aaMozesi a-Aroni mupayizi chiindi nibakabala ma-Israyeli munkanda yaSinayi. 65 Nkaambo Jehova wakali waamba kuti atala ambabo: “Boonse bazoofwida munkanda.” Nkinkaako, taakwe muntu wakasyeede kunze kwaKkalebbu mwana waJefune aJoshuwa mwana waNuni.