Myeelwe
36 Bazulwidi bampuli yabana baGiliyadi, mwana waMakkiri mwana waManase, bamumpuli zyabana baJosefa, bakasika baambuula kunembo lyaMozesi abasilutwe, nkukwaamba bazulwidi bampuli zyama-Israyeli. 2 Bakati: “Jehova wakalayilila simaleleesu kuti aabanisye nyika kuti ibe lukono kuma-Israyeli kwiinda mukuuma chisale.* Mukuyungizya, simaleleesu wakalayililwa aaJehova kuti ape lukono lwaZelofehadi bbululu wesu kubana bakwe basimbi. 3 Kuti bakwatwa aabaalumi bamisyobo imwi yama-Israyeli, lukono lwabanakazi aaba luzoogwisigwa kuzwa kulukono lwamandeende mpawo luyungizigwe kulukono lwamusyobo nkubanookwetwe, zyakuti chimwi chipanzi chalukono lwesu chizoobwezegwa. 4 Kuti Munyaka Walwaangunuko wasika kuma-Israyeli, lukono lwabanakazi aaba luzooyungizigwa kulukono lwamusyobo nkubanookwetwe, zyakuti lukono lwabo luzoogwisigwa kulukono lwamusyobo wamandeende.”
5 Mpawo Mozesi wakalayilila ma-Israyeli nzyaakalayililwa aaJehova kati: “Nzibalikwaamba bantu bamusyobo waJosefa zilikabotu. 6 Ngaya majwi Jehova ngaalayilila atala abana basimbi baZelofehadi: ‘Balakonzya kukwatwa kufumbwa muntu. Nikuba oobo, beelede kukwatwa aamuntu uuzwa kumpuli yamusyobo wawisi. 7 Lukono lwama-Israyeli talweelede kuzwa kumusyobo umwi kaluya kumusyobo umwi, nkaambo ma-Israyeli beelede kukakatila kulukono lwamusyobo wamawisi. 8 Musimbi woonse uuli aalukono aakati kamisyobo yama-Israyeli, weelede kukwatwa aamuntu uuzwa kumusyobo wawisi kuchitila kuti ma-Israyeli babambe lukono lwamawisi. 9 Taakwe lukono lweelede kuzwa kuli umwi musyobo kaluya kuli umwi, nkaambo misyobo yama-Israyeli yeelede kukakatila kulukono lwayo.’”
10 Bana basimbi baZelofehadi bakachita mbuli Jehova mbaakalayilila Mozesi. 11 Nkinkaako, bana basimbi baZelofehadi, nkukwaamba, Mala, Tiriza, Hogila, Milikka aNowa bakakwatwa aabana bababbululu bawisi. 12 Bakaba banakazi babaalumi bakali kuzwa kumpuli zyabana baManase kuchitila kuti lukono lwabo lukkalilile kumusyobo wamawisi.
13 Eeyi njiimilawu anzila zyakubeteka Jehova nzyaakapa ma-Israyeli kwiinda muli Mozesi kumabuwa aakuMowabbu, kumbali aaMulonga waJodani aafwiifwi akuJerikko.