Myeelwe

7 Mubuzuba Mozesi naakamaninsya kwiimikizya tente lyakukombela, wakalinanika akulisalazya, kuswaanizya azintu zyalyo zyoonse, chipayililo azibelesyo zyacho zyoonse. Naakananika akusalazya zintu eezi, 2 basilutwe bama-Israyeli, nkukwaamba basilutwe bamaanda aamawisi, bakapa chipo. Basilutwe aaba bamaanda aamawisi bakali kuzulwida mukulemba bantu, 3 bakeeta chipo chabo kuli Jehova changolo zivumbidwe zili musanu ayimwi abapule bang’ombe bali 12, basilutwe babili bakali aangolo iimwi alubo umwi awumwi wabo wakali aapule wang’ombe uumwi mpawo bakazyeeta kunembo lyatente lyakukombela. 4 Jehova wakati kuli Mozesi: 5 “Tambula zintu eezi kuzwa kulimbabo nkaambo zizoobelesegwa kumilimu yaatente lyakuswaanganina alubo weelede kuzipa maLevi, umwi awumwi kweendelana amulimu wakwe.”

6 Mozesi wakazitambula ngolo eezyo ang’ombe mpawo wakazipa maLevi. 7 Wakapa bana baGeshoni ngolo zibili abapule bang’ombe bane, kweendelana azyakali kuyandikana kumilimu yabo. 8 Alubo wakapa bana baMerari ngolo zine abapule bang’ombe bali musanu abatatu kweendelana azyakali kuyandikana kumilimu yabo, kabazulwidwa aa-Itamara mwana wa-Aroni mupayizi. 9 Pesi bana baKkohati taakwe nzyaakabapa pe, nkaambo milimu yabo yakali yamundawu iisalala alubo bakali kunyampula zintu zisalala aamagwezyo aabo.

10 Mpawo basilutwe bakeeta chipo chabo nikwakali kupedwa chipayililo mubuzuba nichakananikwa. Basilutwe nibakeeta chipo chabo kunembo lyachipayililo, 11 Jehova wakati kuli Mozesi: “Silutwe umwi awumwi weelede kupa chipo chakwe chakupeda chipayililo mubuzuba bumwi abumwi.”

12 Wakeeta chipo chakwe mubuzuba bwakusaanguna, wakali Nashoni mwana wa-Aminadabbu wamusyobo waJuda. 13 Chipo chakwe chakali dishi limwi lyansiliva lilema mashekeli* aali 130 andido iimwi yansiliva iilema mashekeli aali 70 kweendelana ashekeli lyamundawu iisalala,* zyoonse zyakazwide fulawa nante yachipo chazilyo iiswaanizidwe aamafuta, 14 nkomeki* iimwi yangolida iilema mashekeli aali 10 iizwide tununkilizyo, 15 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 16 kana kampongo kamwi kachipayizyo chachibi, 17 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo chaNashoni mwana wa-Aminadabbu.

18 Mubuzuba bwachibili, Netaneli mwana waZuwari, silutwe wamusyobo wa-Isakkara wakeeta chipo chakwe. 19 Wakapa dishi lyansiliva lilema mashekeli aali 130 andido iimwi yansiliva iilema mashekeli aali 70 kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 20 nkomeki iimwi yangolida iilema mashekeli aali 10 iizwide tununkilizyo, 21 pule wang’ombe uumwi uuchili muniini, mugutu uumwi, akagutu kali aamunyaka uumwi, zyachipo chitentwa, 22 kana kampongo kamwi kachipayizyo chachibi, 23 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi, zyachipayizyo chalumvwanano. Eechi nchicho chakali chipo chaNetaneli mwana waZuwari.

24 Mubuzuba bwachitatu, silutwe wabana baZebbuloni, Eliyabbu mwana waHeloni, 25 wakeeta chipo chakwe chadishi limwi lyansiliva lilema mashekeli aali 130 andido iimwi yansiliva iilema mashekeli aali 70 kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 26 nkomeki iimwi yangolida iilema mashekeli aali 10 iizwide tununkilizyo, 27 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 28 kana kampongo kamwi kachipayizyo chachibi, 29 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo cha-Eliyabbu mwana waHeloni.

30 Mubuzuba bwachine, silutwe wabana baRubbeni, Elizure mwana waShedawuri, 31 wakeeta chipo chakwe chadishi limwi lyansiliva lilema mashekeli aali 130 andido iimwi yansiliva iilema mashekeli aali 70, kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 32 nkomeki iimwi yangolida iilema mashekeli aali 10 iizwide tununkilizyo, 33 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 34 kana kampongo kamwi kachipayizyo chachibi, 35 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo cha-Elizure mwana waShedawuri.

36 Mubuzuba bwamusanu, silutwe wabana baSimiyoni, Shelumiyeli mwana waZurishadayi, 37 wakeeta chipo chakwe chadishi limwi lyansiliva lilema mashekeli aali 130 andido iimwi yansiliva iilema mashekeli aali 70 kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 38 nkomeki iimwi yangolida iilema mashekeli aali 10 iizwide tununkilizyo, 39 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 40 kana kampongo kamwi kachipayizyo chachibi, 41 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo chaShelumiyeli mwana waZurishadayi.

42 Mubuzuba bwamusanu awumwi, silutwe wabana baGadi, Eliyasafu mwana waDeyuweli, 43 wakeeta chipo chakwe chadishi limwi lyansiliva lilema mashekeli aali 130 andido iimwi yansiliva iilema mashekeli aali 70 kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 44 nkomeki iimwi yangolida iilema mashekeli aali 10 iizwide tununkilizyo, 45 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 46 kana kampongo kamwi kachipayizyo chachibi, 47 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo cha-Eliyasafu mwana waDeyuweli.

48 Mubuzuba bwamusanu aabili, silutwe wabana ba-Efremu, Elishama mwana wa-Amihudi, 49 wakeeta chipo chakwe chadishi limwi lyansiliva lilema mashekeli aali 130 andido iimwi yansiliva iilema mashekeli aali 70 kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 50 nkomeki iimwi yangolida iilema mashekeli aali 10 iizwide tununkilizyo, 51 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 52 kana kampongo kamwi kachipayizyo chachibi, 53 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo cha-Elishama mwana wa-Amihudi.

54 Mubuzuba bwamusanu aatatu, silutwe wabana baManase, Gamaliyeli mwana waPedazuri, 55 wakeeta chipo chakwe chadishi limwi lyansiliva lilema mashekeli aali 130 andido iimwi yansiliva iilema mashekeli aali 70 kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 56 nkomeki iimwi yangolida iilema mashekeli aali 10 iizwide tununkilizyo, 57 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 58 kana kampongo kamwi kachipayizyo chachibi, 59 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo chaGamaliyeli mwana waPedazuri.

60 Mubuzuba bwamusanu aane, silutwe wabana baBbenjamini, Abbidani mwana waGidiyoni, 61 wakeeta chipo chakwe chadishi limwi lyansiliva lilema mashekeli aali 130 andido iimwi yansiliva iilema mashekeli aali 70 kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 62 nkomeki iimwi yangolida iilema mashekeli aali 10 iizwide tununkilizyo, 63 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 64 kana kampongo kamwi kachipayizyo chachibi, 65 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo cha-Abbidani mwana waGidiyoni.

66 Mubuzuba bwakkumi, silutwe wabana baDani, Ahiyezeri mwana wa-Amishadayi, 67 wakeeta chipo chakwe chadishi limwi lyansiliva lilema mashekeli aali 130 andido iimwi yansiliva iilema mashekeli aali 70 kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 68 nkomeki iimwi yangolida iilema mashekeli aali 10 iizwide tununkilizyo, 69 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 70 kana kampongo kamwi kachipayizyo chachibi, 71 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo cha-Ahiyezeri mwana wa-Amishadayi.

72 Mubuzuba bwachi 11, silutwe wabana ba-Asha, Pagiyeli mwana wa-Okkirani, 73 wakeeta chipo chakwe chadishi limwi lyansiliva lilema mashekeli aali 130 andido iimwi yansiliva iilema mashekeli aali 70 kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 74 nkomeki iimwi yangolida iilema mashekeli aali 10 iizwide tununkilizyo, 75 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 76 kana kampongo kamwi kachipayizyo chachibi, 77 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo chaPagiyeli mwana wa-Okkirani.

78 Mubuzuba bwachi 12, silutwe wabana baNafutali, Ahira mwana wa-Enani, 79 wakeeta chipo chakwe chadishi limwi lyansiliva lilema mashekeli aali 130 andido iimwi yansiliva iilema mashekeli aali 70 kweendelana ashekeli lyamundawu iisalala, zyoonse zyakazwide fulawa nante yachipo chazilyo iiswaanizidwe aamafuta, 80 nkomeki iimwi yangolida iilema mashekeli aali 10 iizwide tununkilizyo, 81 pule wang’ombe uumwi uuchili muniini, mugutu uumwi akagutu kali aamunyaka uumwi, zyachipo chitentwa, 82 kana kampongo kamwi kachipayizyo chachibi, 83 ng’ombe zibili, bagutu bali musanu, bapule bampongo bali musanu atugutu tuli musanu tuli aamunyaka uumwi zyachipayizyo chalumvwanano. Eechi nchicho chakali chipo cha-Ahira mwana wa-Enani.

84 Eezi nzizyo zyakali zipo zyakupeda chipayililo zyakazwa kuli basilutwe bama-Israyeli nichakali kunanikwa: madishi aansiliva aali 12, ndido zyansiliva zili 12, nkomeki zyangolida zili 12, 85 dishi limwi alimwi lyansiliva lyakali kulema mashekeli aali 130 alubo ndido imwi ayimwi yakali kulema mashekeli aali 70. Nsiliva yoonse yakabelesedwe kupanga zibelesyo zyansiliva, yakali kulema mashekeli aali 2 400 kweendelana ashekeli lyamundawu iisalala, 86 nkomeki zili 12 zyangolida zizwide tununkilizyo, imwi ayimwi yakali kulema mashekeli aali 10 kweendelana ashekeli lyamundawu iisalala, ngolida yoonse yakabelesedwe kupanga nkomeki, yakali kulema mashekeli aali 120. 87 Banyama boonse bakapegwa kabali chipo chitentwa bakali ng’ombe zili 12, bagutu bali 12, tugutu tuli 12 tuli aamunyaka uumwi achipo chato chazilyo abana bampongo bali 12 bachipayizyo chachibi. 88 Alubo banyama boonse bachipayizyo chalumvwanano bakali bapule bang’ombe bali 24, bagutu bali 60, bapule bampongo bali 60 atugutu tuli 60 tuli aamunyaka uumwi. Eechi nchicho chakali chipo chakupeda chipayililo nichakananikwa.

89 Chiindi Mozesi naakali kunjila mutente lyakuswaanganina kuti aambuule aaLeza,* wakali kumvwa jwi lyakali kwaambuula aanguwe kuzwa aachivumbyo chabbokesi lyaBukamboni aakati kamakkerubbi aabili alubo Leza wakali kwaambuula aanguwe.