Myeelwe
15 Jehova wakayinkilila kunembo kwaambuula aaMozesi kati: 2 “Ambuula aama-Israyeli ubabuzye kuti: ‘Mwaakunjila munyika njinditamupe kuti mukakkale mulinjiyo 3 akupa chipo chitentwa aamulilo kuli Jehova kuzwa kutanga lyang’ombe naakuti lyambelele, kazitakwe ndaba kuti nchipo chitentwa naakuti nchipayizyo chakuzuzikizya chikonke chiyandikana naakuti nchipo chakuliyandila naakuti nchipo chipegwa nikuchitwa mapobwe aaLeza kuti chibe bweema bununkilila* kuli Jehova, 4 ooyo uulikweeta chipo chakwe weelede kweeta achipo chazilyo, chakkumi cha-efa* yafulawa nante iiswaanizidwe aachipanzi chimwi chazipanzi zine zyahini* yamafuta kuli Jehova. 5 Alubo mweelede kweeta wayini kuti ibe chipo chinywigwa, chipanzi chimwi chazipanzi zine zyahini chiindi nimupa chipo chitentwa naakuti chipayizyo chamugutu umwi awumwi. 6 Naakuti, kuti kamulikupa mugutu, mweelede kupa chipo chazilyo chazipanzi zibili zyazipanzi zili kkumi zya-efa yafulawa nante iiswaanizidwe aachipanzi chimwi chazipanzi zitatu zyahini yamafuta. 7 Alubo mweelede kweeta wayini kayili chipo chinywigwa, chipanzi chimwi chazipanzi zitatu zyahini chili aabweema bununkilila* kuli Jehova.
8 “‘Pesi kuti kulikweeta pule wang’ombe kuti abe chipo chitentwa naakuti abe chipayizyo chakuzuzikizya chikonke chiyandikana naakuti zipayizyo zyalumvwanano kuli Jehova, 9 pule ooyo wang’ombe weelede kumweeta aamwi achipo chazilyo chazipanzi zitatu zyazipanzi zili kkumi zya-efa yafulawa nante iiswaanizidwe aahafu yahini yamafuta. 10 Alubo mweelede kweeta wayini kayili chipo chinywigwa, hafu yahini kayili chipo chitentwa aamulilo chili aabweema bununkilila* kuli Jehova. 11 Eezi nzizyo zyeelede kuchitwa kuli pule wang’ombe umwi awumwi naakuti kumugutu umwi awumwi naakuti kukagutu kamwi akamwi naakuti kumpongo imwi ayimwi. 12 Kubanyama boonse mbutape, mbubo mbweelede kuchita kumunyama umwi awumwi kweendelana amweelwe wabo. 13 Oobu mbubo mu-Israyeli umwi awumwi mbayelede kupa chipo chakwe chitentwa aamulilo chili aabweema bununkilila* kuli Jehova.
14 “‘Kuti mweenzu uukkede aandinywe naakuti ooyo wakkala aandinywe kwamazyalani miingi wapa chipo chitentwa aamulilo chili aabweema bununkilila* kuli Jehova, weelede kuchita mbuli mbumuchita. 15 Inywe moonse bambungano amweenzu uukkede aandinywe, mulaba aamulawu uumwi. Unooli mulawu wamazyalani aanu woonse kukabe kutamani. Mweenzu weelede kuba mbuli ndinywe kunembo lyaJehova. 16 Kweelede kuba mulawu uumwi anzila iimwi yakubeteka kulindinywe akumweenzu uukkala aandinywe.’”
17 Jehova wakayinkilila kunembo kwaambuula aaMozesi kati: 18 “Ambuula aama-Israyeli ubabuzye kuti, ‘Mwaakunjila munyika njinditamutole kulinjiyo 19 akulya chinkwa* chanyika eeyo, mweelede kweeta chipo kuli Jehova. 20 Mweelede kupa chipo chazinkwa zyalawundi zili aampako aakati zyabusu buli aanseke bwazilyo zyakusaanguna. Mweelede kuchipa mbuli mbumupa chipo chazilyo zizwa kundawu yakupolela. 21 Bumwi busu buli aanseke bwazilyo zyakusaanguna, mweelede kubupa kabuli chipo kuli Jehova, kwamazyalani aanu woonse.
22 “‘Kuti mwapambanisya akukachilwa kubamba milawu yoonse Jehova njaakamupa kwiinda muli Mozesi, 23 zintu zyoonse Jehova nzyaakamulayilila kwiinda muli Mozesi kuzwa mubuzuba Jehova mbwaakamulayilila kaziya kunembo kumazyalani aanu, 24 kuti teezyakachitwa aachaali pe alubo mbungano kayitazi, mbungano yoonse yeelede kupa pule wang’ombe uuchili muniini kali chipo chitentwa chili aabweema bununkilila* kuli Jehova, aamwi achipo chakwe chazilyo achipo chinywigwa kweendelana ambuzipegwa akana kampongo kamwi kuti kabe chipayizyo chachibi. 25 Mupayizi ulamaninsya milandu yambungano yoonse yama-Israyeli mpawo balalekelelwa nkaambo teebakachita aachaali alubo beeta chipo chitentwa aamulilo kuli Jehova achipayizyo chabo chachibi kunembo lyaJehova akaambo kakupambanisya kwabo. 26 Mbungano yoonse yama-Israyeli amweenzu uukkede aakati kabo balalekelelwa nkaambo bantu boonse bakapambanisya kabatazi pe.
27 “‘Kuti umwi muntu wabisya katazi, weelede kweeta kapongo kapwizi kali aamunyaka uumwi kachipayizyo chachibi. 28 Mupayizi ulamaninsya mulandu wamuntu ooyo wakapambanisya kwiinda mukuchita chibi katazi pe kunembo lyaJehova, kuchitila kuti chibi eecho chimane mpawo muntu ooyo ulalekelelwa. 29 Kumakani aali atala akubisya muntu katazi, kweelede kuba mulawu uumwi kuma-Israyeli akumweenzu uukkede aakati kanu.
30 “‘Pesi muntu uubisya aachaali kazitakwe ndaba kuti mu-Israyeli naakuti mweenzu, nga ulikusampula Jehova alubo weelede kujayigwa aakati kabantu bakulimbabo. 31 Akaambo kakuti wawubaansya jwi lyaJehova akutyola mulawu wakwe, muntu ooyo weelede kujayigwa. Chibi chakwe chili aalinguwe.’”
32 Chiindi ma-Israyeli nibakali munkanda, bakajana umwi mwaalumi wakali kutebba nkuni mubuzuba bwaSabata. 33 Aabo bakamujana kalikutebba nkuni, bakamutola kuli Mozesi a-Aroni akumbungano yoonse. 34 Bakamujalila nkaambo teekwakalinazibinkana pe kuti achitwe biyeni.
35 Jehova wakati kuli Mozesi: “Muntu ooyu weelede kujayigwa alubo mbungano yoonse yeelede kumutulula mabwe aanze aakkeempu.” 36 Nkinkaako, mbungano yoonse yakamweeta aanze aakkeempu alubo yakamutulula mabwe kusikila wafwa, mbuli Jehova mbaakalayilila Mozesi.
37 Jehova wakayinkilila kunembo kwaambuula aaMozesi kati: 38 “Ambuula aama-Israyeli ubabuzye kuti beelede kulipangila mayayila aamupeto wazigogo zyabo kumazyalani aabo woonse. Alubo beelede kusuminina ntambo yabbuluu aasaangunina mayayila aazigogo zyabo. 39 ‘Zigogo zyanu zyeelede kuba aamayayila kuchitila kuti mwanoowabona muyeeye milawu yoonse yaJehova akwiibamba. Tamweelede kutobela myoyo yanu ameso aanu, eezyo zipa kuti mutasyomeki* kulindime. 40 Mulawu ooyu ulamugwasya kuti muyeeye akubamba milawu yangu yoonse akuti kamusalala kuli Leza wanu. 41 Ndime Jehova Leza wanu wakamugwisya kuzwa munyika ya-Ijipita kuchitila kuti ndimutondeezye kuti ndime Leza wanu. Ndime Jehova Leza wanu.’”