Babetesi
13 Ma-Israyeli bakachita lubo zintu zibi mumeso aaJehova, mpawo Jehova wakababikka mukuboko kwamaFilisiti kwaminyaka iili 40.
2 Aachiindi eecho, kwakali umwi mwaalumi wakuZora wamumpuli yakwaDani, wakali kutegwa Manowa. Mwanakazi wakwe taakali kuzyala pe alubo taakalikwe bana pe. 3 Mukuya kwachiindi, ngilozi yaJehova yakalibonia kumwanakazi ooyo mpawo yakamubuzya kuti: “Bona! Tuzyali pe alubo tukwe bana pe. Pesi uzoominta uzyale mwana mulombe. 4 Toyelede kunywa wayini pe nichiba chintu chikola, utalyi chintu nichiba chimwi chisofweede. 5 Bona! Uzoominta uzyale mwana mulombe. Taakwe mbeli yeelede kuguma mutwe wakwe pe, nkaambo mwana ooyo unooli muNaziri waLeza kuzwa natazoozyalwe.* Nguwe uutanooli kunembo mukuvuna ma-Israyeli mukuboko kwamaFilisiti.”
6 Mpawo mwanakazi ooyo wakayinka waakubuzya mulumaakwe kuti: “Muntu waLeza wakasimpe walizide kulindime. Wali mbuli ngilozi yaLeza wakasimpe, wali kuyoosya loko. Teendamubuzya pe kuti uzwa kuli anguwe taandibuzya pe zina lyakwe. 7 Pesi wandibuzya kuti: ‘Bona! Uzoominta uzyale mwana mulombe. Toyelede kunywa wayini pe nichiba chintu chikola, utalyi chintu nichiba chimwi chisofweede, nkaambo mwana ooyo uzooba muNaziri waLeza kuzwa natazoozyalwe,* kusika mubuzuba mbwafwa.’”
8 Manowa wakakombelezya Jehova kati: “Ikaka Jehova, asike lubo muntu waLeza wakasimpe uulya ngwaatumide, kuchitila kuti azootuyiisye nzitweelede kuchita kumwana uutazoozyalwe.” 9 Nkinkaako, Leza wakasimpe wakamumvwa Manowa, mpawo ngilozi yaLeza wakasimpe yakaboola lubo kumwanakazi naakakkede mumuunda; mulumaakwe Manowa taakalaamwi pe anguwe. 10 Mwanakazi ooyo wakachijaana waakubuzya mulumaakwe kuti: “Bona! Muntu uulya wakazide kulindime buzuba oobuya walibonia lubo kulindime.”
11 Mpawo Manowa wakabuka weenda amwanakazi wakwe. Wakasika kumwaalumi ooyo mpawo wakamubuzya kuti: “Iwe ndunduwe wakaambuula aamwanakazi wangu na?” Mpawo wakati: “Iiyi.” 12 Mpawo Manowa wakati: “Majwi aako aazuzikizigwe! Ani mwana ooyo uzoopona buumi buli biyeni? Uzoobeleka mulimuunzi?” 13 Mpawo ngilozi yaJehova yakabuzya Manowa kuti: “Mwanakazi wako weelede kuzitantamuka zintu zyoonse nzindakamubuzya. 14 Tayelede kulya kufumbwa chintu chipangwa aamasaansa, tayelede kunywa wayini nichiba chintu chikola, tayelede kulya chintu nichiba chimwi chisofweede. Weelede kubamba zintu zyoonse nzindakamulayilila.”
15 Mpawo Manowa wakabuzya ngilozi yaJehova kuti: “Jana bukkala tukubambile kapongo.” 16 Pesi ngilozi yaJehova yakati kuli Manowa: “Kuti ndikkale, tandikoochilya pe chakulya chako; pesi kuti kuyanda kupa chipo chitentwa kuli Jehova, ulakonzya kuchipa.” Manowa taakazi pe kuti muntu ooyo yakali ngilozi yaJehova. 17 Manowa wakabuzya ngilozi yaJehova kuti: “Nduweni zina kuchitila kuti tuzookulemeke ijwi lyako nilyazoozuzikizigwa?” 18 Nikuba oobo, ngilozi yaJehova yakati kulinguwe: “Ulibuzizyaanzi zina lyangu mbukunga lilagambya?”
19 Mpawo Manowa wakabweza mpongo iichili niini achipo chazilyo mpawo wakazipa Jehova aabbwe. Leza naakali kuchita zintu zigambya, Manowa amwanakazi wakwe bakalikweebela. 20 Mulilo nwaakali kuyaka kuya mujulu kawuzwa aachipayililo, ngilozi yaJehova yakayinka kujulu kayili mumulilo wakali kuyaka aachipayililo, Manowa amwanakazi wakwe kabalangide. Aachiindi eecho bakavuntama aansi. 21 Ngilozi yaJehova teeyakazoolibonia lubo kuli Manowa akumwanakazi wakwe. Mpawo Manowa wakaziba kuti yakali ngilozi yaJehova. 22 Manowa wakabuzya mwanakazi wakwe kuti: “Tulafwa, nkaambo twabona Leza.” 23 Pesi mwanakazi wakwe wakamubuzya kuti: “Kaansinga Jehova walikuyanda kutujaya, taalikunoochitambula pe chipo chitentwa achipo chazilyo chazwa mukuboko kwesu. Taalikunootutondeezya pe zintu zyoonse eezi nikuba kutubuzya zintu zyoonse eezi.”
24 Nikwakayinda chiindi, mwanakazi ooyo wakatumbuka mwana mulombe mpawo wakamuuzika kuti Samisoni; mulombe ooyo naakali kuya bukomena, Jehova wakayinkilila kunembo kumulongezya.* 25 Muuya waJehova wakazoosaanguna kubeleka mulinguwe kuMahane-dani, iili aakati kaZora a-Eshitayoli.