Samiyele Wakusaanguna
9 Kwakali mwaalumi wamusyobo waBbenjamini wakali kutegwa Kkishi, mwana wa-Abbiyeli, mwana waZerori, mwana waBbekkorati, mwana wa-Afiya wakali wamusyobo waBbenjamini alubo wakali mwaalumi uunotede loko. 2 Wakali aamwana uutegwa Sawulu. Mwana ooyo wakachili mulombe alubo wakali mubotu. Taakwe umwi muntu aakati kama-Israyeli wakali mubotu kwiinda nguwe. Wakali mulamfu zyakuti taakwe muntu wakali kukonzya kwiinda aamagwezyo aakwe.
3 Chiindi madonki* aaKkishi, wisi waSawulu naakasweeka, Kkishi wakati kumwanaakwe Sawulu: “Bweza umwi wababelesi mukayanduule madonki.” 4 Bakayinda muchilawu chili aazilundu cha-Efremu amunyika yaShalisha, pesi teebakaajana pe. Bakayinda munyika yaShalimu, pesi madonki taakaliwo pe. Bakazyunguluka nyika yoonse yamusyobo waBbenjamini, pesi teebakaajana pe.
5 Bakasika munyika yaZufi mpawo Sawulu wakati kumubelesi wakwe ngwaakalaawe: “Atubweede kuchitila kuti ndeende atasaanguni kukataazikana atala andiswe kutali kuti akataazikane atala amadonki.” 6 Pesi mubelesi wakwe wakati: “Bona! Muli muntu waLeza mumuunzi ooyu, mwaalumi uulemekwa. Zyoonse nzyaamba zilachitika. Atwiinke kulinguwe lino. Amwi ulakonzya kutubuzya kuti tuye kuli.” 7 Mpawo Sawulu wakati kumubelesi wakwe: “Tulamupaanzi kuti twayinka kulinguwe? Tatukwe chinkwa muzikwama zyesu alubo taakwe chipo nchitukonzya kupa muntu waLeza wakasimpe. Niinzi nchitulaacho?” 8 Mubelesi wakamusandula lubo Sawulu kati: “Bona! Muli chipanzi chane chashekeli* lyansiliva mukuboko kwangu. Ndiyoochipa muntu waLeza wakasimpe mpawo ulatubuzya nkutweelede kwiinka.” 9 (Kumazuba aachiindi mu-Israyeli, nzezi zintu muntu nzyaakali kwaamba naakali kuyanduula Leza: “Kuza tuye kuli sikubona zili kunembo.” Nkaambo muntu waambwa kuti mupolofita mazubaano, chiindi, wakali kwaambwa kuti ngusikubona zili kunembo.) 10 Nkinkaako, Sawulu wakati kumubelesi wakwe: “Nzwaamba zilikabotu. Tweende.” Kuzwa waawo, bakayinka mumuunzi, oomo muntu waLeza wakasimpe mwaakabede.
11 Nibakali kutanta kuti banjile mumuunzi, bakaswaana basimbi bakali kuya kukuteka maanzi. Nkinkaako, bakababuzya kuti: “Mwali na sikubona zili kunembo mundawu eeyi?” 12 Bakasandula kuti: “Mwali. Ulikunembo lyanu biya. Amufwambaane, nkaambo sunu wasika mumuunzi akaambo kakuti bantu balikupa zipayizyo aandawu iili aajulu. 13 Mbumutanjile biyo mumuunzi, mulamujana katanatanta kuti aye aandawu iili aajulu kuti akalye. Bantu tabakoolya pe kusikila asike, nkaambo nguwe uulongezya* chipayizyo. Kuti eezi zyachitwa, aabo batambidwe balakonzya kulya. Nkinkaako, lino amufwambaane mutante mulamujana.” 14 Nkinkaako, bakayinka mumuunzi. Nibakali baba aafwiifwi kusika aakati kamuunzi, Samiyele wakazwa kuti akabatambule mpawo batante baye aandawu iili aajulu.
15 Buzuba bwakali bwayinda, Sawulu katanasika, Jehova wakali wabuzya Samiyele kuti: 16 “Juunza mbuleeno, ndizootuma mwaalumi kuti aze kulinduwe kazwa kunyika yaBbenjamini. Weelede kumunanika kuti abe muzulwidi wabantu bangu ma-Israyeli alubo uzoofutula bantu bangu kuzwa mukuboko kwamaFilisiti. Nkaambo ndaabona mapenzi aabantu bangu alubo kulila kwabo kwasika kulindime.” 17 Samiyele naakabona Sawulu, Jehova wakamubuzya kuti: “Ngoyu mwaalumi ngundakakubuzya kuti, ‘Ooyu ngunguwe uuteendelezye bantu bangu.’”
18 Mpawo Sawulu wakayinka kuli Samiyele aakati kageedi lyamuunzi mpawo wakati: “Ikaka, ndibuzye, ilikuli ng’anda yasikubona zili kunembo?” 19 Samiyele wakasandula Sawulu kuti: “Ndime sikubona zili kunembo. Yenda kunembo lyangu uye kundawu iili aajulu mpawo ulalya aandime sunu. Juunza ndizookubuzya kuti weende mpawo ndizookubuzya zyoonse nzuyanda kuziba.* 20 Utakataazikani pe atala amadonki aakasweeka mazuba aatatu ayinda, nkaambo aboneka. Zintu zyoonse ziyandikana mu-Israyeli nzizyani? Teezyako na abantu boonse bamung’anda yawuso?” 21 Mpawo Sawulu wakasandula kati: “Tandili muBbenjamini na uuzwa kumusyobo muniini aakati kamisyobo yoonse ya-Israyeli alubo mpuli yangu teeniini loko na kumpuli zyoonse zyamusyobo waBbenjamini? Nkinkaako, nkamboonzi nwaambuula aandime munzila eeyi?”
22 Kuzwa waawo, Samiyele wakabweza Sawulu amubelesi wakwe, wabeeta mung’anda yakulida mpawo wakabapa ndawu iisumpukide kwiinda bamwi boonse bakatambidwe. Kwakali baalumi basika ku 30. 23 Samiyele wakati kuli sikujika: “Yeta nyama iilya njindakakupa akukubuzya kuti, ‘Ibikke aambali.’” 24 Mpawo sikujika wakagwisya mweendo woonse wawubikka kunembo lyaSawulu. Mpawo Samiyele wakati: “Zintu zyabambilidwe nduwe zyabikkwa kunembo lyako. Lya, nkaambo zyabambilidwe nduwe mubuzuba oobu buyandikana. Nkaambo ndali ndababuzya kuti, ‘Ndatamba beenzu.’” Nkinkaako, Sawulu wakalyaamwi aSamiyele mubuzuba oobo. 25 Kuzwa waawo, bakakunuka kuzwa aandawu iili aajulu, banjila mumuunzi alubo Samiyele wakayinkilila kunembo kwaambuula aaSawulu kali aajulu aang’anda. 26 Bakafuma mpawo zuba kalili lyaba aafwiifwi kuzwa, Samiyele wakayita Sawulu kali aajulu aang’anda kati: “Libambile, weende.” Nkinkaako, Sawulu wakalibambila mpawo boonse kabali babili Sawulu aSamiyele bakazwa aanze. 27 Nibakali kukunuka kuti bazwe aanze aamuunzi, Samiyele wakati kuli Sawulu: “Buzya mubelesi wako kuti aye kunembo lyesu,” nkinkaako, wakayinka kunembo lyabo. “Pesi iwe yimikila ndikubuzye jwi lyaLeza.”