Nehemiya
7 Mbuwakamana biyo kuyakululwa muduli, ndakabikka makoma mpawo kwakasalwa balindi bamageedi, bayimbi amaLevi. 2 Mpawo ndakabikka Hanani mwanikaangu* kuti alanganie Jerusalema kalaamwi aHananiya silutwe waNg’anda Iisimide, nkaambo wakali mwaalumi uusyomeka loko wakali kuyoowa Leza wakasimpe kwiinda bantu biingi. 3 Mpawo ndakababuzya kuti: “Mageedi aaJerusalema taayelede kujulwa pe kusikila zuba nilyabala, kabachilinda, beelede kujala makoma baakkiye. Ababikke bantu bakkala muJerusalema kuti babe balindi, umwi awumwi kalikulinda mpapedwe, umwi awumwi kali kunembo aang’anda yakwe.” 4 Lino muunzi wakali kwankwamukide kawuli mupati, mulinguwo mwakali kukkala bantu bache, maanda taakalinayakululwa pe.
5 Pesi Leza wakali wabikka muzeezo mumoyo wangu wakuti ndibunganizye baalumi balemekwa, batobeli babeendelezi abantu boonse kuti balembwe kweendelana amazyalani aabo, mpawo ndakajana bbuku lili aabantu bakasaanguna kusika bakalembedwe kweendelana amazyalani aabo. Mubbuku eeli mwakalembedwe kuti:
6 Aaba mbiibantu bamuchilikiti* bakazwa mubuzike, aabo Mwaami Nebbukkadineza waBbabbiloni mbaakatolede mubuzike bakazoobweeda kuJerusalema akuJuda, umwi awumwi kumuunzi wakwe, 7 aabo bakaza aaZerubbabbeli, Jeshuwa, Nehemiya, Azariya, Raamiya, Nahamani, Modekkayi, Bbilishani, Misipereti, Bbigivayi, Nehumu, aBbaana.
Mweelwe wabaalumi bachi-Israyeli wakali kuswaanizya: 8 bana baParoshi bakali 2 172; 9 bana baShefatiya bakali 372; 10 bana ba-Ara bakali 652; 11 bana baPahati-mowabbu, aabo bakali bana baJeshuwa aJowabbu bakali 2 818; 12 bana ba-Elamu bakali 1 254; 13 bana baZatu bakali 845; 14 bana baZakkayi bakali 760; 15 bana baBbinuyi bakali 648; 16 bana baBbebbayi bakali 628; 17 bana ba-Azigadi bakali 2 322; 18 bana ba-Adonikkamu bakali 667; 19 bana baBbigivayi bakali 2 067; 20 bana ba-Adini bakali 655; 21 bana ba-Ata wamumpuli yaHezekkiya bakali 98; 22 bana baHashumu bakali 328; 23 bana baBbezayi bakali 324; 24 bana baHarifu bakali 112; 25 bana baGibbiyoni bakali 95; 26 baalumi bakuBbetelehema akuNetofa bakali 188; 27 baalumi baku-Anatoti bakali 128; 28 baalumi bakuBbeti-azimaveti bakali 42; 29 baalumi bakuKkiriyati-jeyarimu, Kkefira, aBberoti bakali 743; 30 baalumi bakuRama akuGebba bakali 621; 31 baalumi bakuMikkimasi bakali 122; 32 baalumi bakuBbeteli aku-Ayi bakali 123; 33 baalumi bakuNebbo imwi bakali 52; 34 bana ba-Elamu umwi bakali 1 254; 35 bana baHarimu bakali 320; 36 bana baJerikko bakali 345; 37 bana baLodi, Hadidi, a-Ono bakali 721; 38 bana baSenaya bakali 3 930.
39 Bapayizi mbaba: bana baJedaya wamung’anda yaJeshuwa bakali 973; 40 bana ba-Imeri bakali 1 052; 41 bana baPashuri bakali 1 247; 42 bana baHarimu bakali 1 017.
43 MaLevi mbaba: bana baJeshuwa wampuli yaKkadimiyeli, bana baHodeva, bakali 74; 44 Bayimbi mbaba: bana ba-Asafu bakali 148. 45 Balindi bamageedi mbaba: bana baShalumu, bana ba-Ata, bana baTalimoni, bana ba-Akkubbi, bana baHatita, bana baShobbayi, bakali 138.
46 Babelesi baatempele* mbaba: bana baZiha, bana baHasufa, bana baTabbawoti, 47 bana baKkerosi, bana baSiya, bana baPadoni, 48 bana baLebbana, bana baHagabba, bana baSalumayi, 49 bana baHanani, bana baGideli, bana baGahari, 50 bana baReyayiya, bana baRezini, bana baNekkoda, 51 bana baGazamu, bana ba-Uza, bana baPasiya, 52 bana baBbesayi, bana baMewunimu, bana baNefushesimu, 53 bana baBbakkibbukki, bana baHakkufa, bana baHahuri, 54 bana baBbaziliti, bana baMehida, bana baHarisha, 55 bana baBbarikkosi, bana baSisera, bana baTema, 56 bana baNeziya, bana baHatifa.
57 Bana bababelesi baSolomoni mbaba: bana baSotayi, bana baSofereti, bana baPerida, 58 bana baJaala, bana baDarikkoni, bana baGideli, 59 bana baShefatiya, bana baHatili, bana Pokkereti-hazebbayimu, bana ba-Amoni. 60 Babelesi baatempele* boonse abana bababelesi baSolomoni bakali 392.
61 Aaba mbabo bakayinka kabazwa kuTeli-mela, Teli-hasha, Kkerubbi, Adoni, aku-Imeri, pesi bakakachilwa kupa bukamboni butondeezya maanda aamawisi ankubazwa, kuti bakali ma-Israyeli: 62 bana baDelaya, bana baTobbiya, bana baNekkoda, bakali 642. 63 Kubapayizi kwakali: bana baHabbaya, bana baHakkozi, bana baBbazilayi ooyo wakakwata umwi wabana basimbi baBbazilayi muGiliyadi alubo wakali kwiitwa aazina lyabo. 64 Aaba bakayanduula mumabbuku aabo kuti bazibe mulongo wamazyalani aabo, pesi teebakajanika pe. Nkinkaako, bakagwisigwa kuba bapayizi.* 65 Mweendelezi* wakababuzya kuti tabeelede kulya zintu zisalalisya kusikila nikwakali kuzooba mupayizi uubuzya makani kabelesya Urimu aTumimu.
66 Namba yabantu bamumbungano yoonse yakali 42 360, 67 kutaswaanizya abazike babo bachaalumi abachanakazi bakali 7 337; alubo bakali aabayimbi bachaalumi abachanakazi bali 245. 68 Mabbiza aabo akali 736, myuulu* zyabo zyakali 245, 69 nkamela zyabo zyakali 435, madonki aabo akali 6 720.
70 Basilutwe bamwi bamaanda aamawisi bakapa zintu zyakugwasilizya kumulimu. Mweendelezi* wakapa madrakkima* aangolida aali 1 000 muchibikkilo chamali, ndido zili 50 azigogo zyabapayizi zili 530. 71 Bamwi basilutwe bamaanda aamawisi bakapa zintu zyakugwasilizya kumulimu wakuyaka, madrakkima aangolida aali 20 000 muchibikkilo chamali amamayina* aansiliva aali 2 200. 72 Mpawo bantu boonse bakapa madrakkima aangolida aali 20 000, mamayina aansiliva aali 2 000 azigogo zyabapayizi zili 67.
73 Mpawo bapayizi, maLevi, balindi bamageedi, bayimbi, bamwi bantu, babelesi baatempele,* abamwi boonse ma-Israyeli bakakkala mumyuunzi yabo. Mumweezi wamusanu ayibili, ma-Israyeli bakali bakkala mumyuunzi yabo.