Mukambawusi
1 Aaya ngiimajwi aasikubunganizya, mwana waDavida, mwaami muJerusalema.
2 Sikubunganizya wakati: “Taakwe chigwasya pe!*
Taakwe chigwasya pe! Zintu zyoonse nzyabuyo!”
3 Muntu ujanaanzi kumilimu yoonse njabeleka changuzu,
Iimizya njachita aansi aano?
4 Zyalani lilikweenda, zyalani lilikuza,
Pesi nyika inooliwo* kukabe kutamani.
6 Luuwo lulaya kubbazu lyakumusanza mpawo lulazyunguluka luye kubbazu lyakunyika,
Lunooswini kaluzyunguluka, taluleki pe kuunga.
7 Tulonga* toonse tutila mulwizi, pesi lwizi taluzuli pe.
Tulonga tulabweeda nkutuzwa kuchitila kuti tweete lubo.
8 Zintu zyoonse zilamizya,
Taakwe uukonzya kwaambuula atala anzizyo.
Liso talikkuti pe kubona,
Akutwi takukkuti pe kumvwa.
9 Zyakaliwo nzizyo zitazoobewo,
Alubo zyakachitwa zizoochitwa lubo,
Taakwe chipya pe aansi aano.
10 Kuli chintu na muntu nchanga ulaamba kuti, “Langa eechi nchipya”?
Chakaliwo kuzwa chiindi,
Chakaliwo katutanazyalwa pe.
11 Taakwe uuyeeya bantu bachiindi pe,
Nibaba batazooze, taakwe uutazoobayeeye pe,
Abaabo batazooze musule lyabo, tabazooyeeyegwi pe.
12 Ime ndisikubunganizya, ndali mwaami wama-Israyeli muJerusalema. 13 Abusongo bwangu boonse, ndakalanga-langa akuyanduulisisya zintu zyoonse zichitwa aanyika, imulimu uumizya Leza ngwapede bana babantu uupa kuti bakkale kabali aazyakuchita.
14 Ndakabona milimu yoonse yakali kuchitwa aansi aano,
Kwaamba choonzyo, zintu zyoonse tazigwasyi pe, nkwaandilila biyo moya.
15 Zipilingene tazikonzyi pe koololwa,
Alubo zitawo tazikonzyi pe kubalwa.
16 Mpawo mumoyo wangu ndakalibuzya kuti: “Bona, ndaba aabusongo bwiingi kwiinda muntu woonse wakandisaangunina kubawo muJerusalema alubo moyo wangu waba aabusongo bwiingi aluzibo.” 17 Ndakabikka moyo wangu kuti ndizibe busongo, kupenga* abufuba-fuba. Azeezi lubo nkwaandilila biyo moya.
18 Nkaambo kuvula kwabusongo kupa kuti kube makataazyo miingi,
Zyakuti kufumbwa uuliyungizizya luzibo, uliyungizizya machise.