Hosiya
4 Amumvwe jwi lyaJehova, inywe nima-Israyeli,
Nkaambo Jehova uyanda kubeteka bantu bakkala munyika eeyo,
Mbukunga munyika eeyo tamukwe kasimpe niluba luyando lutamani niluba luzibo luli atala aLeza.
2 Zikonke zyakubeja, kubeja akujayana
Akubba abumambe zyazula,
Alubo bantu baliswini kutila ganzi.
3 Nzizyo zitazoope kuti nyika ilile
Alubo bantu boonse bakkala mumo bazoonyonyooka.
Banyama bamusokwe abayuni bamujulu,
Nibaba baswi bamulwizi bazoonyonyooka.
4 “Nikuba oobo, kutabi muntu uukazya naakuti uululamika,
Nkaambo bantu bako bali mbuli aabo bakazyania aamupayizi.
5 Nkinkaako, iwe uzoolebwa zuba kalitwa mwaaba,
Mupolofita uzoolebwaamwi anduwe, mbuli kuti mansiku.
Mpawo ndizoobanyonyoona* banyoko.
6 Bantu bangu bazoonyonyoonwa,* nkaambo tabakwe luzibo pe.
Akaambo kakuti mwakaka luzibo,
Andime ndizoomukaka kuti mubeleke kamuli bapayizi.
Akaambo kakuti mwaluba mulawu waLeza* wanu,
Andime ndizoobaluba bana banu.
7 Nibakali kuvula, mpimpawo mpubakali kundibisizya kwaziindi zyiingi.
Ndizoochincha bulemu bwabo kuti bube masampu.*
8 Baneneya aachibi chabantu bangu
Alubo bayanda kuti bantu kabaswini kubisya.
9 Nzinditazoochite kubantu nzizyo nzinditazoochite kumupayizi,
Ndizoobapa mulandu akaambo kanzila zyabo,
Ndizoopa kuti baswaane mapenzi akaambo kamichito yabo.
10 Bazoolya, pesi tabazookkuti pe.
Bazoochita bwaamu,* pesi tabazoovuli pe,
Nkaambo tabamulemeki pe Jehova.
11 Buwuule* awayini, awayini mpya
Zimana chiyandisyo chakuchita zintu zilikabotu.
12 Bantu bangu babuzya makani kuli baleza bazisamu,
Kabachita nzibabuzigwa aamufunko* wabo,
Nkaambo muuya wabuwuule* upa kuti baleye,
Alubo tabayandi kulibombya kuli Leza wabo akaambo kabuwuule* bwabo.
13 Bapa zipayizyo aajulu aazilundu,
Alubo bapa kuti zipayizyo zisuke busi aajulu aatulundu,
Aansi aaminsamu yamu-okku ayamusitorakki alubo aansi aaminsamu yoonse mipati,
Nkaambo ili aamyeenzule* mibotu.
Nzizyo zipa kuti bana banu basimbi bachite buwuule*
Akuti bamukabana banu bachite bumambe.
14 Tandizoobapi mulandu pe bana banu basimbi akaambo kabuwuule* bwabo,
Abamukabana banu akaambo kabumambe bwabo.
Nkaambo baalumi beendaamwi amawuule
Alubo bapa zipayizyo kabalaamwi amawuule baatempele,
Bantu bali boobu batakwe maanu bazoonyonyoonwa.
15 Nikuba kuti ulikuchita buwuule,* iwe O Israyeli,
Juda atabi aamulandu pe.
Mutasiki pe kuGiligali nikuba kuBbeti-aveni,
Alubo mutakonki pe kamwaamba kuti, ‘AJehova muumi!’
16 Israyeli waba aamutwe muyumu mbuli ng’ombe iitaswiilili.
Jehova nga ulabeembela na mbuli kagutu kumachezezyo mapati?
17 Efremu anguwe waabukomba zibumbwa.
Mumusiye alikke!
Alubo beendelezi bakwe bayandisya* kuchita zintu zifwisya bweeme.
19 Guwo lizoomuvumba* amababa aalyo,
Alubo bazooba aabweeme akaambo kazipayizyo zyabo.”