Zakkariya
1 Mumweezi wamusanu ayitatu, mumunyaka wachibili wabweendelezi bwaDariyasi, ijwi lyaJehova lyakasikila mupolofita Zakkariya* mwana waBberekkiya mwana wa-Ido, kaliti: 2 “Jehova wakabanyemena loko mawuso.
3 “Babuzye kuti, ‘Nzezi nzyaamba Jehova wamakamu: “‘Amuboole kulindime,’ mbaamba Jehova wamakamu, ‘mpawo andime ndilaboola kulindinywe,’ mbaamba Jehova wamakamu.”’
4 “‘Mutabi mbuli mawuso pe, aabo bakali kubuzigwa aabapolofita bachiindi kuti: “Nzezi nzyaamba Jehova wamakamu, ‘Ikaka, amusiye nzila* zyanu zibi amichito yanu mibi.’”’
“‘Pesi teebakaswiilila pe, nikuba kubikkila maanu kumajwi aangu,’ mbaamba Jehova.
5 “‘Lino ali kuli mawuso? Ani bapolofita bakapona kukabe kutamani na? 6 Nikuba oobo, majwi aangu amalayilile aangu ngindakalayilila babelesi bangu bapolofita, mawuso teebakakubona na kuzuzikizigwa kwawo aali mbabo?’ Nkinkaako, bakaboola kulindime bandibuzya kuti: ‘Jehova wamakamu watuchitila kweendelana anzila zyesu amichito yesu mbuli mbaakakanzide kuchita.’”
7 Mubuzuba bwachi 24 mumweezi wachi 11, nkukwaamba mweezi waShebbati,* mumunyaka wachibili wabweendelezi bwaDariyasi, ijwi lyaJehova lyakasikila mupolofita Zakkariya mwana waBberekkiya mwana wa-Ido, kaliti: 8 “Ndakabona chilengaano mansiku. Kwakali mwaalumi wakatantide aabbiza lisalala, alubo wakaliimvwi mumumpata aakati kaminsamu yamimayiteli; kusule lyakwe kwakali mabbiza aasalala, aasalala-salala, aatuba.”
9 Mpawo ndakabuzya kuti: “O mwaami wangu, mbaani aaba?”
Ngilozi yakali kwaambuula aandime yakasandula kuti: “Ndilakutondeezya kuti mbaani aaba.”
10 Mwaalumi ooyo wakayimvwi aakati kaminsamu yamimayiteli wakati: “Aaba mbimbabo Jehova mbaatuma kuti beendeende munyika.” 11 Mpawo bakabuzya ngilozi yaJehova yakayimvwi aakati kaminsamu yamimayiteli kuti: “Tweendeenda munyika, twajana kuti nyika yoonse ili muluumuno, taakwe lupyopyongano pe.”
12 Nkinkaako, ngilozi yaJehova yakati: “O Jehova wamakamu, kuyoosika lili kutayifwidi luzyalo Jerusalema amyuunzi yaJuda eeyo njuchinyemenede muminyaka eeyi iili 70?”
13 Jehova wakasandula ngilozi yakali kwaambuula aandime kabelesya majwi aalikabotu alubo aawumbulizya. 14 Ngilozi yakali kwaambuula aandime yakandibuzya kuti: “Wompolola kuti, ‘Nzezi nzyaamba Jehova wamakamu: “Ndilikusungwaalila Jerusalema anjiyo Ziyoni ndilikwiisungwaalila abusungu bupati. 15 Ndizinyemenede aabukali bupati zisi zilyiibide, nkaambo bantu bangu teendakabanyemenede loko pe, pesi zisi eezi zyakabayungizizya mapenzi.”’
16 “Nzezi nzyaamba Jehova: ‘“Ndizooboola kuJerusalema ndiifwide luzyalo, alubo ng’anda yangu izooyakwa mulinjiyo,” mbaamba Jehova wamakamu, “alubo Jerusalema izoopimwa aantambo yakupimya.”’
17 “Wompolola lubo kuti, ‘Nzezi nzyaamba Jehova wamakamu: “Myuunzi yangu izoozula bubotu lubo; alubo Jehova uzooyuumbulizya lubo Ziyoni, alubo uzooyisala lubo Jerusalema.”’”
18 Ndakabusya mutwe, mpawo ndakabona meja aane. 19 Mpawo ndakabuzya kungilozi yakali kwaambuula aandime kuti: “Niinzi eezi?” Yakavwiila kuti: “Aaya ngiimeja aakamwaya Juda, Israyeli, aJerusalema.”
20 Mpawo Jehova wakanditondeezya baalumi bane bali aaluzibo lwakupanga zintu. 21 Ndakabuzya kuti: “Bantu aaba baza kuzoochitaanzi?”
Wakati: “Aaya ngiimeja aakamwaya Juda zyakuti teekwakachilikwe muntu naba uumwi wakachili kukonzya kubusya mutwe. Baalumi bamwi aaba bazoosika kuti babayoosezye, kuti baawaalile aansi meja aazisi eezyo zyakanyampula meja aazyo kuti zilwane nyika yaJuda, kuchitila kuti zimwaye bantu bamulinjiyo.”