Makani Aakalembwa aaLukka
17 Mpawo wakati kuli basikwiiya bakwe: “Zilebyo tazizooleki pe kusika. Nikuba oobo, ulaapenzi muntu uupa kuti zisike! 2 Zinooli kabotu loko kuti muntu ooyo asungililwe ziyo munsingo mpawo awaalilwe mulwizi kwiinda kuti alebye umwi wabaniini aaba. 3 Amulichenjelele. Kuti mukombinyokwe wachita chibi, mukalalile alubo kuti walisola,* mulekelele. 4 Nikuba kuti wakubisizya ziindi zili musanu azibili mubuzuba bumwi mpawo waza kulinduwe ziindi zili musanu azibili kati, ‘Ndikumbila undilekelele,’ weelede kumulekelela.”
5 Mpawo baapostoli bakabuzya Mwaami kuti: “Tuyungizizye lusyomo.” 6 Mpawo Mwaami wakati: “Kaansinga mwali aalusyomo lweelene aanseke yamasitadi, mwali kunoobuzya mumabbulosi ooyu kuti, ‘Nyukuka ukalijimpike mulwizi,’ mpawo walikunoomuswiilila.
7 “Ngwani aakati kanu uuli aamuzike uulima naakuti weembela, uunga kuti mbatachayisye biyo, wamubuzya kuti, ‘Fwambaana, uzookuno, uzoolye aatebbulu’? 8 Tawo pe, pesi ulamubuzya kuti: ‘Ndijikile chilalilo mpawo uzwaate epuloni, undipe ndilye, ndinywe kusikila ndimaninsye, nutazoolye akunywa ime kandili ndamaninsya.’ 9 Kujana wamulumba na muzike wakwe kakuli wachita mulimu ngwayelede kuchita? 10 Munzila iikozyenie, andinywe kuti mwamaninsya kuchita zintu zyoonse nzimwakabuzigwa kuti muchite, amwaambe kuti: ‘Tuli bazike biyo, twachita nzitwayelede kuchita.’”
11 Naakali kuya kuJerusalema, wakayinda aakati kaSamariya aGalili. 12 Naakali kunjila mumuunzi, bamwi baalumi bali kkumi bakali aazipele bakasika kulinguwe, pesi bakayimikila kule-kule. 13 Mpawo bakoompolola kabati: “Jesu, Muyiisi, tufwide luzyalo!” 14 Naakababona, wakati kulimbabo: “Amwiinke mukalitondeezye kubapayizi.” Mpawo nibakali kuyabweenda, bakasalazigwa. 15 Umwi wabo naakabona kuti waponesegwa, wakabweeda kayabulumbayizya Leza ajwi pati. 16 Mpawo wakavuntama kumawulu aaJesu kalikumulumba. Mukuyungizya, mwaalumi ooyo wakali muSamariya. 17 Mpawo Jesu wakati: “Tabali kkumi na basalazigwa? Ani bamwi bali musanu abane bali kuli? 18 Taakwe umwi na waboola kuti azoolumbayizye Leza, kunze kwamwaalumi ooyu wakuli chimwi chisi?” 19 Mpawo wakati kulinguwe: “Nyampuka weende, lusyomo lwako lwakuponia.”
20 BaFarisi nibakamubuzya kuti Bwaami bwaLeza busika lili, wakabasandula kuti: “Bwaami bwaLeza tabuzoosiki munzila iitazoobonwe aabantu boonse pe, 21 alubo bantu tabakaambi kuti, ‘Mbobu aano,’ naakuti ‘Mbobuya aalya.’ Nkaambo amubone! Bwaami bwaLeza buli aakati kanu.”
22 Mpawo wakati kuli basikwiiya: “Azoosika mazuba nimutazooyande kubona bumwi bwamazuba aaMwanaamuntu pesi tamuzoobuboni pe. 23 Alubo bantu bazoomubuzya kuti, ‘Nguulya aalya’ naakuti ‘Nguuno ookuno.’ Mutazwi pe nikuba kubatobela. 24 Nkaambo mbuli mbukalaba kalabi kuzwa kuli limwi bbazu lyajulu kusika kuli limwi, anguwe Mwanaamuntu mbatazoobe mubuzuba bwakwe. 25 Nikuba oobo, weelede kusaanguna kuswaana mapenzi miingi alubo akakwe aazyalani eeli. 26 Mukuyungizya, mbuli mbuzyakachitika mumazuba aaNowa, mbukutazoobe mumazuba aaMwanaamuntu, 27 bakali kulya, bakali kunywa, baalumi bakali kukwata alubo banakazi bakali kukwatwa kusikila mubuzuba oobo, aawo Nowa naakanjila mubwaato alubo Zambangulwe lyakasika lyabanyonyoona boonse. 28 Munzila iikozyenie, mbuli mbuzyakachitika mumazuba aaLoti, bakali kulya, bakali kunywa, bakali kuula, bakali kuuzya, bakali kubyala, bakali kuyaka. 29 Pesi mubuzuba Loti mbwaakazwa muSodoma, kwakaloka mulilo asalufa kuzwa kujulu mpawo zyakabanyonyoona boonse. 30 Mbukutazoobe mubuzuba oobo Mwanaamuntu aakuyubununwa.
31 “Mubuzuba oobo, muntu uulaajulu aang’anda pesi kali aazintu zyakwe mung’anda, ataselukili kuyoozibweza, alubo muntu uuli mumuunda atabweedeli zintu zili musule. 32 Amuyeeye mwanakazi waLoti. 33 Kufumbwa muntu uuyanda kukwabilila buumi bwakwe, uzoosweekelwa aambubo pesi kufumbwa muntu uusweekelwa aabuumi bwakwe, uzoobubamba. 34 Ndimubuzya kuti, mansiku aayo, bantu babili banoolede aabulo bumwi, umwi uzoobwezegwa pesi umwi uzoosiigwa. 35 Kunooli banakazi babili banooziya aaziyo limwi, umwi uzoobwezegwa pesi umwi uzoosiigwa.” 36 *—— 37 Mpawo bakamubuzya kuti: “Ikuli Mwaami?” Mpawo wakabasandula kuti: “Ooko kuli mubili, nkwaatazoobungane magumbe.”