Kujana Wachita Biyeni Kuti Usaangune Kumvwanana Amweenzinyokwe?

Atuteedi ukkala muGalilaya kuchiindi chakapona Jesu. Wayinka kuJerusalemu kuti ukasekelele Pobwe lyaZilawu. Mumuunzi ooyu kuzwide bakombinyokwe bazwa kule. Mpawo ulikuyanda kupa chipayizyo kuli Jehova. Kujisi mpongo, uyabwiinda mutuzila tuzwide bantu, kuya kutempele. Nwaasika kutempele, wajana kuzwide bantu bayanda kupa zipayizyo. Mpawo, chasika chiindi chakuti upe mupayizi mpongo. Achiindi eecho, wayeeya kuti kuli mweenzinyokwe ngulaakaambo anguwe, uuli mukati kabantu bakaza kupobwe. Jesu wakaamba nzweelede kuchita muchiindi eecho. (Bala Matayo 5:24.) Kujana wachita biyeni kuti mumvwanane amweenzinyokwe mbuuli mbakaamba Jesu? Maka nsandulo zili kabotu zilembedwe munsi.

WEELEDE . . .

• kwaambuula amweenzinyokwe kuti kubonaanga nkikaambo kamupede kunyema

• kumubuzya kuti nzyalikuyeeya teenzizyo pe kuti kubonaanga nzizyo zimupede kunyema alubo umubuzye zyakakuchitikila

• kumuswiilila nalikwaambuula nikuba kutazimvwisisisyi zyoonse akukumbila lulekelelo akaambo kambalikulimvwa kuzintu nzwaakamuchitila

MWEENZINYOKWE WEELEDE . . .

• kubuzya bamumbungano atala anzwaakamuchitila

• kukwaambwida akukubuzya zibizyoonse nzwaakamuchitila akuti uzumine kuti wakabisya

• kuyeeya kulibombya akutayoowa nkwaachita kuti uzookumbile lulekelelo mpawo akulekelele amoyo woonse

Nikuba kuti mazubaano tatuchituuli zipayizyo zyabanyama, malayilile aJesu atondeezya biyeni kuti kuba aluumuno abakombima kuleendelana abukombi bwesu?