Niinzi Cijanika aWebbusayiti Yesu?

Jesu wakaambila basikwiiya bakwe kuti: “Mumuni wanu umunike kunembo lyabantu, kuti babone milimo yanu mibotu balemeke Usowanu uuli kujulu.” (Matayo 5:16) Kuti tukonzye kucita oobo, tulazibelesya zibelesyo zyasayensi mazuba aano zijatikizya Intaneti. Webbusayiti yesu, yajw.org, niwebbusayiti ili mumulawu yambuula atala anzibasyoma Bakamboni baJehova amilimu yabo. Niinzi zijanika awebbusayiti eeyi?

Nsandulo zyamibuzyo izwa muBbaibbele ibuzigwa loko abantu. Ulakonzya kujana nsandulo zyamibuzyo iyandika kapati inga yabuzigwa abantu. Mucikozyano kapepa kategwa Mapenzi Azoomana Na? akategwa Bafwide Bayoopona Lubo Na? tulajanika aaIntaneti mumilaka iinda ku600. Alimwi ulakonzya kujana Bbaibbele lyaNew World Translation mumilaka iinda ku130, aamwi mabbuku aBbaibbele abikkilizya ibbuku lyakuti What Does the Bible Really Teach? Alimwi amamagazini mapya aaNgaziyakulinda aSinsimuka! Bwiingi bwamabbuku aaya alabaligwa, kuswilizigwa aIntaneti naa kudawunilodwa kaali ma MP3, PDF, EPUB. Ulakonzya kupulinta mapepa mace biyo akupa muntu utondezya luyandisisyo muBbaibbele, mumulaka wakwe! Mavidiyo amulaka wakutondeka-tondeka alajanika aIntaneti. Ulakonzya kukkopa zisobano zyakuswiilila zyaBbaibbele, zisobano zisanwa zilimuBbaibbele alimwi anyimbo zinoneezya kuswiilila ciindi nomulyookezya.

Makani akasimpe aambula atala aBakamboni baJehova. Cimwi cijanika, makani mapya alimwi azibeela zyamavidiyo zilaatala amulimu wesu wamunyika yoonse, zyakacitika zijatikizya Bakamboni baJehova. Mukuyungizya waawo, ulakonzya kujana makani aamba zyalugwasyo lwesu ciindi nikwacitika ntenda. Alubo akujana zizibisyo zyamiswaangano mipati iitobela amakkeyala amawofesi eesu amitabi.

Kwiinda mukubelesya nzila eezi, tumunika mumuni wakasimpe kumasena aali kule amunyika yoonse. Bantu bazwa mumabazu oonse anyika, kubikkilizya abakuAntarctica balikugwasigwa. Tukombela kuti ‘ijwi lyaJehova lizumanane kumwayigwa cakufwambaana’ munyika yoonse kuti Leza alemekwe.​—2 baTesalonika 3:1.

• Webbusayiti yajw.org ilikubagwasya biyeni bantu biingi kuti bayiye kasimpe kamuBbaibbele?

• Niinzi ncunga ulayanda kuyanduula awebbusayiti yesu?