Amwabelesye Kabotu Mabbuku Eesu

Jesu wakayiisya kuti: “Mwakapegwa buyo, anywe amupe buyo.” (Mt 10:8) Tulawatobelezya malayilile aaya kwiinda mukutabbadalisya maBbayibbele amabbuku ngitubapa bantu. (2Kor 2:17) Nikuba boobo, mabbuku aaya alaakasimpe kayandikana kazwa muJwi lyaLeza. Kuli mulimu mupati alimwi kubelesegwa mali nyingi kuti mabbuku aaya adindwe akutumizigwa kumbungano zili munyika yoonse. Nkinkaako, kulayandikana kuti katubweza ngituyanda kubelesya luzutu.

Tweelede kubelesya bupampu chiindi nituyanda kupa muntu bbuku achiindi nituchita bukambawusi bwantanganana. (Mt 7:6) Mutapi mabbuku kufumbwa muntu wiinda, pesi amweezye kwaambuulaawe kuchitila kuti mubone naa ulaachiyandisyo. Kulibuzya mibuzyo iili mukabbokesi kulakonzya kumugwasya kubona naa muntu ulaachiyandisyo. Ikuti mwabona kuti umwi muntu takwe chiyandisyo mulakonzya kumupa kapepa. Pesi kuti wakumbila magazini naa limwi bbuku tulakonzya kumupa.​—Tus 3:27, 28.