Kuyungizya Luzibo Lwesu Mumulimu Wakukambawuka—Kuleka Kwiiya Aabantu Batali Kwiinkilila Kunembo

NKAMBOONZI NIKUYANDIKANA?: Bantu beelede kwiita zina lyaJehova kuti bakafutulwe. (Rom 10:13, 14) Nikuba boobo, tabali boonse bayiya Bbayibbele bazumina kuchincha buumi bwabo kuti bapone kweendelana amalayilile aaJehova. Tuyanda kuchibelesya kabotu chiindi chesu mumulimu wakukambawuka kwiinda mukugwasya bantu bayanda kuchita zintu nzyayanda Jehova. Kuti twaba aachiindi chilamfu katwiiya aamuntu pesi katali kubelesya zintu nzyalikwiiya, tweelede kuleka kwiiyaawe kuchitila kuti tubelesye chiindi chesu kugwasya bantu Jehova mbakwelela kulinguwe akumbunga yakwe. (Joh 6:44) Kuti muntu ooyo wazoochincha akutondeezya kuba ‘aamoyo mubotu, kalibambilide kutambula buumi butamani,’ tweelede kutalika lubo kwiiyaawe Bbayibbele.—Inc 13:48.

MBUTUKONZYA KUZICHITA:

• Tweelede kumulumba akaambo kakuyanda kuba aaluzibo lwachoonzyo.—1Tim 2:4

• Tweelede kumubuzya mbukugwasya kubelesya zintu nzyaakayiya.—Lk 6:46-49

• Tulakonzya kwaambuuzyania atala achikozyano chaJesu chasikubyala mpawo tumubuzye kuti ayeeyesesye atala azintu zilikumukachizya kuti ayinkilile kunembo mubukombi.—Mt 13:18-23

• Chiindi nituli kumubuzya twaambo twapa kuti tuleke kwiiyaawe, tweelede kwaambuula munzila yabupampu

• Tweelede kumubuzya kuti tunoomuswaya chimwi chiindi kuti tuzoomusungwaazye akuti tuzoosanguna kwiiya lubo kuti zyiimo zyamuzumizya

AMWEEBELE KAVIDIYO MPAWO MUSANDULE MIBUZYO IITOBELA:

• Muchikozyano eechi, niinzi zitondeezya kuti chiiyo chaBbayibbele tachilikwiinkilila kunembo?

• Sikupupulula wamugwasya biyeni muntu ngwayiyaawe kuti abone kuti weelede kuchincha maponeno aakwe?

• Niinzi nzyaachita sikupupulula zitondeezya kuti ulilibambilide kwiiyaawe kuti wayanda lubo?