Aajanika Makani aaKabbuku Kamuswaangano waBuumi Amulimu Wesu
NOVEMBER 4-10
LUBONO LUZWA MUJWI LYALEZA | 1 JOHANE 1-5
“Mutayandi Nyika Noziba Zintu Zili Munyika”
w05 1/1 10 ¶13
Tobelezya Chikozyano chaJesu
13 Bamwi balakonzya kuyeeya kuti teezyoonse pe zintu zili munyika zitali kabotu. Nikuba boobo, zintu zili munyika zilakonzya kutukachizya kuti tukombe Jehova. Zintu zili munyika tazipi kuti tuswene aafwiifwi aLeza. Nkinkaako, kuti twayanda zintu zili munyika nikuba kuti zintu eezyo kazilikabotu kumamanino zilakonzya kutunjizya mumapenzi. (1 Timoteyo 6:9, 10) Zintu zyiingi zili munyika tazili kabotu pe zilakonzya kutupambanisya. Kuti katweebela mamuvi naakuti mapulogilamu aaTV aatondeezya zyankondo, kuyandisya bunoti abwaamu zintu eezi zilakonzya kubonekaanga taakwe chibi pe kuzichita. Kuti twaliswaanizya aabantu bayanda kupona buumi bwaajulu naakuti bayandisya zyamabbizinesi andiswe tulakonzya kuzoozibikka mubusena bwakusaanguna zintu eezi.—Matayo 6:24; 1 Bakorinto 15:33.
w13 8/15 27 ¶18
Weelede Kuba Muntu Uulibiyeni?
18 Chimwi chintu chipa kuti tutantamuke “zintu zili munyika” majwi ngaakazulwidwa kulemba Johane aakuti: “Nyika ilamana antoomwe azisusi zyanjiyo, pele ooyo uucita kuyanda kwa Leza unooliko lyoonse mane kukabe kutamani.” (1 Johane 2:17) Zintu zili munyika yaSaatani zibonekaanga zinooliwo kusikila kukabe kutamani. Pesi, limwi zuba zizoomana. Zintu zyoonse zisumpulwa aaSaatani taakwe nkuziya pe. Makani aaya atugwasya kuti tutayenwi aazintu zili munyika eeyi yaDyabbulosi.
Kuyanduula Lubono muJwi lyaLeza
w13 9/15 10 ¶14
Milawu yaJehova Ilasyomeka
14 Magwalo aachiKristu aachiGrikki mujanika milawu iitondeezya kuti tuyande bamwi. Jesu wakaamba kuti mulawu mupati wachibili ngwakuyanda “simukobonyoko mbubonya mbuli mboliyanda omwini.” (Mt. 22:39) Alubo Jakkobo wakawuwamba kuti “mulawo wamwami.” (Jak. 2:8) Mwaapostolo Johane wakalemba kuti: “Nobayandwa, tandimulembeli mulawo mupya pe, pele mulawo wakaindi ooyo ngomwajisi kuzwa kumatalikilo.” (1 Johane 2:7, 8) Johane wakali kwaambaanzi naakati “mulawo wakaindi”? Wakali kwaamba mulawu wakuyanda bamwi. Wakali ‘wachiindi’ akaambo kakuti Jesu wakawuwamba kakwiindide minyaka, “kuzwa kumatalikilo.” Alubo waambwa kuti “mupya” akaambo kakuti kutondeezya luyando kuyanda kulipeda, nkinkaako basikwiiya bakwe bakali kuyootondeezyania luyando lwakulipeda nibakali kuyooswaana zyiimo zipya. Mulawu ooyu ulatugwasya toonse mbuuli basikwiiya baKristu kuti tutabi aamuuya uuzwide munyika mazubaano wakutayanda bamwi ikapati basimayakilane.
it-1 862 ¶5
Kulekelela
Kulayandikana kukombela bamwi kuti Leza abalekelele nikuba kukombela mbungano yoonse. Mozesi mbaakachita chiindi naakali kukombela chisi chaIsrayeli, Jehova wakamumvwa. (My 14:19, 20) Alubo chiindi nikwakali kupedwa tempele, Solomoni wakakomba kakumbila Jehova kuti alekelele maIsrayeli nibakali kubisya akusiya zibi zyabo. (1Ba 8:30, 33-40, 46-52) Ezra alakwe wakakombela maJuda bakali babweeda kuli mbabo kuti balekelelwe zibi zyabo. Nkombyo yakwe yakapa kuti bantu babweze ntaamu kuchitila kuti balekelelwe aaJehova. (Ezr 9:13–10:4, 10-19, 44) Jakkobo wakasungwaazya muntu wakali kuchiswa mubukombi kuti ayite baalu bamumbungano kuti bamukombele “ikuti naa wakacita zibi, ulalekelelwa.” (Jak 5:14-16) Nikuba boobo, kuli “cibi ciletela lufwu,” kuti muntu wabisizya muuya uusalala kwiinda mukubisya aachaali takonzyi pe kulekelelwa. Nkinkaako, muKristu tayelede kukombela muntu uubisya aachaali.—1Jo 5:16; Mt 12:31; Heb 10:26, 27; langa CHIBI, I; MUUYA.
NOVEMBER 11-17
LUBONO LUZWA MUJWI LYALEZA | 2 JOHANE 1-13; 3 JOHANE 1-14–JUDA 1-25
“Atubeleke Changuzu Kuti Tukkale Mukasimpe”
w04 9/15 11-12 ¶8-9
“Amuzumanane Kuyuma mu Mwami”
8 Tulizizi nzila zyaSaatani zyabuchenjezu nkaambo Magwalo alatuyubunwida nzila zyakwe. (2 Bakorinto 2:11) Dyabbulosi wakachita kuti lubono lwamwaalumi uusyomeka Jobu lunyonyooke, afwidwe abayandwa bakwe, kukazigwa abamumpuli, kuchiswa akubuzigwa zyakubeja abeenzinyina. Jobu wakakataazikana loko, eezi zyakapa kuti alimvwe mbuuli kuti Leza wamulekelezya. (Jobu 10:1, 2) Nikuba kuti Saatani talikubelesya nzila eezi mazubaano, pesi maKristu balikuswaanana aabuyumu-yumu alubo Dyabbulosi ubelesya mapenzi aaya kuti maKristu balimvwe mbuuli kuti balekelezegwa aLeza.
9 Kumazubaano aakumamanino bantu biingi balikuwa mubukombi. Tupona munyika iisumpula zintu zyakumubili kutali zyabukombi. Mapulogilamu aamuTV atondeezya kuti koonana nchintu chipa kuti muntu abotelwe kutali kuti alisole. Bantu biingi “bayandisya zyakulikondelezya kwiinda kuyandisya Leza.” (2 Timoteyo 3:1-5) Kuti twaleka ‘kuyuma kulwanina lusyomo’, mizeezo iili boobu ilakonzya kupa kuti tuwe mubukombi.—Juda 3.
Kuyanduula Lubono muJwi lyaLeza
it-2 279
Mapobwe Aaluyando
Bbayibbele talyaambi zyiingi pe atala amapobwe aaluyando nikuba kuti akali kuchitwa muziindi zili biyeni. (Juda 12) Mwaami Jesu Kristu naakuti baapostolo bakwe teebakabikka mulawu pe wakuti kakuchitwa mapobwe nkinkaako mapobwe aaluyando akali kuchitwa chakuliyandila. Bamwi baamba kuti mapobwe aaya akali kuchitwa aamaKristu bakali aazintu zyiingi nibakali kutamba bakombinyina bakali aazintu ziche. Bamuchaala, bamukabafu, banotede abamwi batakwe zintu zyiingi bakali kujana chiindi chakubaamwi.
it-2 816
Bbwe
Bbala lyachiGrikki lyakuti spi·lasʹ lyaamba bbwe lili mumaanzi litalibonyi. Bbala eeli lyakabelesegwa aaJuda naakali kukozyanisya muntu wasiya kasimpe akunyongania mbungano yachiKristu. Mbuuli mabwe aali mumaanzi atalibonyi mbakonzya kubbewula bwaato, mbubabede bantu basiya kasimpe banyongania bamwi mumbungano. Juda wakaamba kuti: “Aaba bantu mabwe aatalibonyi mumaanzi mumapobwe aanu aaluyando ciindi nobalya andinywe.”—Juda 12.
wp17.1 12 ¶1
“Wakabotezya Leza”
Bupolofita bwaInokki bwaambaanzi? Wakati: “Amubone! Jehova wakaboola amakumi-makumi aazyuulu zyabangelo bakwe basalala kuti abeteke bantu boonse, akubazula boonse basampaula Leza mumicito yabo iisampaula Leza njobakacita munzila iisampaula Leza, alimwi akujatikizya zintu zyoonse ziyumya mate nzyobakali kumwaamba basizibi basampaula Leza.” (Juda 14, 15) Inokki wakaamba mbuuli kuti bupolofita oobu Leza wakabuzuzikizya kale. Bupolofita bwiingi bulembedwe munzila eeyi. Inokki wakalemba mbuuli kuti bupolofita oobu bwakazuzikizigwa kale akaambo kakuti wakali aachoonzyo chakuti buyoozuzikizigwa!—Isaya 46:10.
wp17.1 12 ¶3
“Wakabotezya Leza”
Lusyomo lwaInokki lupa kuti tube amaboneno aali mbuuli aaLeza atala azintu zili munyika. Inokki wakali kukambawuka mulumbe wakuti basizibi bamuchiindi chakwe bakali kuzoonyonyoonwa amazubaano mulumbe ooyu uchibeleka nkaambo basizibi bazoonyonyoonwa. Kweendelana azyakwaambwa aaInokki, Jehova wakanyonyoona bantu bataswiilili Leza kabelesya Zambangulwe. Eezi zyakali kutondeezya kuti Leza uzoonyonyoona basizibi boonse muchiindi chili kunembo. (Matayo 24:38, 39; 2 Petro 2:4-6) Lino-lino, Leza amakumi-makumi aazyuulu zyabangelo bakwe bazoonyonyoona bantu batayandi kumuswiilila. Toonse tweelede kuswiilila nchenjezyo yaInokki akubuzya bamwi atala anjiyo. Bamumpuli abeenzuma balakonzya kutusansa. Eezi zilakonzya kupa kuti tulimvwe katulendeledwe. Jehova taakwe naakamuluba pe Inokki alubo takabalubi pe babelesi bakwe basyomeka!
NOVEMBER 18-24
LUBONO LUZWA MUJWI LYALEZA | CIYUBUNUZYO 1-3
“Ndiliizyi Milimo Yako”
w12 10/15 14 ¶8
Utondeezya Muuya Uulibiyeni?
8 Kuyeeya kuti Jesu ujisi ‘nyenyeezi zili ciloba mujanza lyakwe lyalulyo’ kupa kuti tutantamuke muuya ooyu. “Nyenyeezi” zyiiminina balangizi bananikidwe kuswaanizya abalangizi bamumbungano. Jesu ulakonzya kuzulwida “nyenyeezi” zili mujanza lyakwe munzila yeelede. (Ciy. 1:16, 20) Mbukunga Jesu Mutwe waMbungano, nguwe uuzulwida tubunga twabaalu. Kuti umwi wamukabunga kabaalu kayanda kululamikwa, Ooyo uuli ‘ameso aali mbuli mulilo uuvwilima’ ulazibona alubo ulamululamika aachiindi Chakwe cheelede. (Ciy. 1:14) Pesi tweelede kulemeka aabo boonse bakasalwa amuuya uusalala mbuuli mbaakaamba Pawulu naakati: “Kamubamvwida aabo basololela akati kanu alimwi kamulibombya, nkaambo balanganya ndinywe kabali baabo ibayoobuzyigwa makani, ikutegwa kabacita oobu cakukondwa ikutali cakuusa pe, nkaambo eeci inga camuletela mapenzi.”—Heb. 13:17.
w12 4/15 29 ¶11
Jehova Ulatukwabilila Kuti Tukafutuke
11 Chilengaano chili muli Ciyubunuzyo zyaandaano 2 a3, zitondeezya kuti Jesu Kristu nguwe uulangania mbungano zili 7 zyakuAsiya Mayina. Chilengaano eechi chitondeezya kuti Kristu ulazibona zintu zichitika kutali kuyeeyela biya. Muli zimwi ziindi, wakali kwiita bamwi amazina alubo chimwi chiindi wakabalumbayizya naakuti kubapa lulayo. Zitondeezyaanzi eezi? Mukuzuzikizigwa kwachilengaano, mbungano zili 7 zyiiminina maKristu bananikidwe bakaliwo nikwakayinda 1914 alubo lulayo lwakapegwa kumbungano zili 7 luchibeleka kumbungano zyoonse zyabakombi baLeza mazubaano zili munyika yoonse. Akaambo kazeezi, tulakonzya kwaamba kuti Jehova ulikubelesya Mwanaakwe kuzulwida bakombi bakwe. Tugwasigwa biyeni amabambe aaya?
w01 1/15 20-21 ¶20
Yenda Aambunga yaJehova
20 Kweenda aambunga yaJehova kuyanda kuti tuzibe mulimu uuchitwa aaJesu Kristu mbukunga “mutwe wambungano.” (Baefeso 5:22, 23) Muli Isaya 55:4 kulembedwe kuti: “Amubone! [Ime ndeJehova] Ndakamupa kuba kamboni kumasi, kuba musololi alimwi mweendelezi kumasi.” Jesu muzulwidi uli kabotu. Ulizizi mbelele zyakwe amilimu yazyo. Chiindi naakali kulangania mbungano zili 7 zyakuAsiya Mayina, kwaziindi zili 5 wakaamba kuti: “Ndiliizyi milimo yako.” (Ciyubunuzyo 2:2, 19; 3:1, 8, 15) Jesu uli mbuuli Wisi nkaambo uliizi milimu yesu. Katanayiisya atala aNkombyo yaMwaami, Jesu wakati: “Uso ulizyi zintu nzyomuyandika kamutaninga akumulomba.”—Matayo 6:8-13.
Kuyanduula Lubono muJwi lyaLeza
kr 226 ¶10
Bwaami bwaLeza Buyoonyonyoona Basinkondonyina
10 Kwaambilizigwa kwalubeta. Basinkondonyina baLeza bayoobona chimwi chintu chitakape kuti balisole naakuti bakataazikane. Jesu wakaamba kuti: “Bayoobona Mwanaamuntu kaboola mumakumbi kajisi nguzu zinji abulemu.” (Marko 13:26) Majwi aaya atondeezya kuti Jesu waba aafwiifwi kuti azoobeteke bantu. Mubupolofita oobu bwakumazuba aakumamanino, Jesu wakaamba amwi makani aatondeezya mbayoobeteka bantu bamuchiindi eecho. Makani aaya alembedwe muchikozyano chambelele ampongo. (Bala Matayo 25:31-33, 46.) Bantu bazumina kweendelezegwa aaBwaami bwaLeza bayooba kubbazu ‘lyambelele’ alubo ‘bayoolanga mujulu’, nkaambo “lufwutuko [lwabo] lunooswenede afwaafwi.” (Luka 21:28) Nikuba boobo, basinkondoniyana baLeza bayoobetekwa mbuuli “mpongo” alubo “bayoolyuuma acamba akulila” nkaambo “bayoonyonyoonwa kukabe kutamani.”—Mt. 24:30; Ciy. 1:7.
w09 1/15 31 ¶1
Makani Aazwa Mubbuku lyaCiyubunuzyo
2:7—‘Paradayizi yaLeza’ niinzi? Mbukunga majwi aaya aamba maKristu bananikidwe, mulugwalo oolu alakonzya kwaamba paradayizi yakujulu kukkala Leza. MaKristu bananikidwe basyomeka bayoolya “kucisamu cabuumi.” Bayooba aamibili iitafwi.—1 Kor. 15:53.
NOVEMBER 25–DECEMBER 1
LUBONO LUZWA MUJWI LYALEZA | CIYUBUNUZYO 4-6
“Basikutanta Mabbiza Bali 4”
wp17.3 4 ¶3
Basikutanta Mabbiza Bali 4 Mbaani?
Ngwani sikutanta bbiza lituba? Nsandulo yamubuzyo ooyu ijanika mubbuku ndileeli lyaCiyubunuzyo, lyakaamba kuti sikutanta bbiza eeli wiitwa kuti, “Jwi lya Leza.” (Ciyubunuzyo 19:11-13) Bbala lyakuti Ijwi lyaamba Jesu Kristu nkaambo nguwe uuwambuulila Leza. (Johane 1:1, 14) Kuyungizya waawo, wiitwa kuti “Mwami wabami alimwi Simalelo wabasimalelo” alubo waambwa kuti “Uusyomeka alimwi Wamasimpe.” (Ciyubunuzyo 19:16) Zilaantanganana kuti uli aamanguzu aakulwana alubo tabelesyi manguzu aakwe munzila yalunya. Pesi kuli mibuzyo iisyaala.
wp17.3 4 ¶5
Basikutanta Mabbiza Bali 4 Mbaani?
Bakasaanguna lili kutanta mabbiza aabo? Jesu wakasaanguna kutanta bbiza lyakwe chiindi naakapegwa musini. (Ciyubunuzyo 6:2) Jesu wakabupegwa lili Bwaami? Taakabupegwa chiindi naakabusigwa akubweeda kujulu. Bbayibbele litondeezya kuti wakasaanguna kulindila naakazoobupegwa. (Bahebrayo 10:12, 13) Jesu wakabuzya batobeli bakwe zintu zyakali kuyoochitika zyakali kuyootondeezya kuti wasaanguna kweendelezya kujulu. Wakaamba kuti naakali kuyoosaanguna kweendelezya, bwiime bwazintu munyika bwakali kuyooyindilila kubija. Kwakali kuyooba nkondo, kubulika kwachakulya amalwazi. (Matayo 24:3, 7; Luka 21:10, 11) Niyakatalika-talika Nkondo Yanyika Yakusaanguna mu1914, zyakaba aantanganana chiindi chamapenzi chasika, chiindi chaambwa aaBbayibbele kuti ‘mazuba aamamanino.’—2 Timoteyo 3:1-5.
wp17.3 5 ¶2
Basikutanta Mabbiza Bali 4 Mbaani?
Sikutanta bbiza eeli wiiminina nkondo. Upa kuti bantu bali munyika yoonse batabi aaluumuno. Mu1914, kwakachitika nkondo mpati iitanaba aabuzuba yachitika pe. Mpawo kwakatobela nkondo yanyika yabili yakanyonyoona zintu zyiingi loko. Bamwi bayeeyela kuti namba yabantu bakafwa munkondo kuzwa mu1914 baliinda ku100 miliyoni. Kuyungizya waawo, bantu biingi bakalichisa munkondo eeyi.
wp17.3 5 ¶4-5
Basikutanta Mabbiza Bali 4 Mbaani?
“Boola! Eelyo ndakalanga akubona ibbiza lisiya, alimwi ooyo wakatantide alindilyo wakajisi cikkelo mujanza lyakwe. Alimwi ndakamvwa icakali kulimvwisya mbuli kuti ndijwi lizwa akati kazilenge zyuumi zyone kaliti: ‘Kkilo lyomwe lyawiiti lilaulwa dinari lyomwe, makkilo otatwe aabbaale alaulwa dinari lyomwe; alimwi mutaanyonyooni pe mafwuta aamaolifa alimwi awaini.’”—Ciyubunuzyo 6:5, 6.
Sikutanta bbiza eeli wiiminina nzala. Kuti tukonzye kumvwisisisya chiimo eechi, tweelede kuyeeyesesya atala akwaabanwa kwachakulya kwamuchiindi eecho. Muchikozyano, 1kg yawiti yakali kuyoowula aadinari limwi, peyi muntu njaakali kupegwa kuti wabeleka buzuba boonse mumwaanda wamunyaka wakusaanguna. (Matayo 20:2) Dinari ndileelyo lyakali kukonzya kuula 3kg yabbali chakulya chakatali kukkutya mbuuli witi. Chakulya eechi teechakali kukkwana pe mumpuli. Alubo bantu bakachenjezegwa kuti bazibelesye kabotu zintu ziyandikana ziswaanizya chakulya chakali kujanika muchiindi eecho mbuuli mafuta aamawolifa awayini.
wp17.3 5 ¶8-10
Basikutanta Mabbiza Bali 4 Mbaani?
Sikutanta bbiza wachi4 wiiminina lufu lweetwa aamalwazi azimwi. Nikwakayinda 1914, bulwazi butegwa Spanish flu bwakajaya mamiliyoni aabantu. Kuyeeyelwa kuti bantu basika ku500 miliyoni bakajatwa aabulwazi oobu alubo muntu uumwi aakati kabantu batatu nguwe wakali kupona.
Kuzwa waawo, kwakatobela bulwazi bumbi. Basyaabusongo bayeeyela kuti bulwazi bwatulonda-londa naakuti smallpox bwakajaya mamiliyoni aabantu mumwaanda wamunyaka wachi20. Nikuba mazubaano, bantu biingi balikufwa akaambo kabulwazi bwasyulamatongo naakuti AIDS, TB amalangazuba nikuba kuti basyaabusongo balikusumpuka muli zyabusilisi.
Bantu balikufwa nikuba kuti bayigwa aankondo, nzala naakuti malwazi. Kabanda kalikusiya bantu kabatakwe bulangilizi.
Kuyanduula Lubono muJwi lyaLeza
re 76-77 ¶8
Bulemu Bwachuuno chaJehova Chakujulu
8 Johane wakalizi kuti bapayizi bakali kubeleka mutempele. Kulakonzeka kuti wakagamba chiindi naakali kupandulula chilengaano nchaakabona, wakati: “Mpoonya ikuzinguluka cuuno cabwami eeco kwakali zyuuno zyabwami zili 24, alimwi azyuuno zyabwami eezyi ndakabona baalu bali 24 ibakakkede alinzizyo kabasamide zisani zituba alimwi kumitwe bakasamide misini yangolida. (Ciyubunuzyo 4:4) Kunze kwakuti abone bapayizi pesi wakabona baalu bali 24 kabakkede aazyuuno zyabwaami kabazweete mbuuli baami. Baalu aaba mbaani? MaKristu bananikidwe bayoobusigwa, Jehova mbaakasyomezya kuti bakakkale kujulu. Tuzizi biyeni eezi?
re 80 ¶19
Bulemu Bwachuuno chaJehova Chakujulu
19 Zilenge eezi zyiimininaanzi? Chilengaano nchaakabona Ezekkiyele chilakonzya kutupa nsandulo. Ezekkiyele wakabona Jehova kakkede aachuuno chakwe chaBwaami kujulu. Aachuuno eecho kwakali zilenge zyuumi zyakasyeendelane azeezyo zyakapandululwa aaJohane. (Ezekieli 1:5-11, 22-28) Alubo, Ezekkiyele wakazoobona chuuno chaBwaami eecho kachili aazilenge zyuumi. Kuchiindi eechi wakaamba kuti zilenge zyuumi eezi makkerubbi. (Ezekieli 10:9-15) Zilenge zyuumi zili 4 zyakabonwa aaJohane kulakonzeka kuti zyiiminina makkerubbi aaLeza, chaamba zilenge zisumpukide zyamuuya zipanga mbunga Yakwe yakujulu. Kulakonzeka kuti Johane wakali kubona kazitachiti pe kuti makkerubbi akkale aafwiifwi aJehova nkaambo tempele lyachiindi lyakali kubikkwa makkerubbi aabili aangolida aafwiifwi amuvalo wabbokesi lyachizuminano alubo makkerubbi aayo akali kwiiminina Bwaami bwaJehova. Chiindi Jehova naakali kulayilila maIsrayeli, jwi lyakwe lyakali kumvwika aakati kamakkerubbi aayo.—Kulonga 25:22; Intembauzyo 80:1.
cf 36 ¶5-6
“Bona! Syuumbwa Wamusyobo wa Juda”
5 Mulavu uzibidwe aakuba aachibindi. Kuli nwaakasweene mulavu mupati na kuli aawulikke? Kuti kakuli oobo, kulakonzeka kuti wakali aanze mpawo mulavu wakali mufeensi. Kwaamba choonzyo mulavu ulayoosya. Tazichitiki pe kuti ulangililile kuti waswaanana amulavu wamulanga anguwe aakulanga ulakuchija. Bbayibbele lyaambuula atala amulavu naakuti “syuumbwa, imunyama uujisi nguzu zinji kapati kwiinda banyama boonse, alimwi uutatiji kumbele lyauli woonse.” (Tusimpi 30:30) Kristu ulaachibindi chili boobu.
6 Lino atulange-lange kuti Jesu wakachitondeezya biyeni chibindi chili mbuuli chamulavu muzintu zitatu: mukwiiminina kasimpe, mukusumpula bululami achiindi naakali kukazigwa. Tuyoobona nzila mbutukonzya kutobelezya chikozyano chaJesu mukutondeezya chibindi nikuba katuzyedwe katuyoowa naakuti katuli aachibindi.