Mbutukonzya Kubelesya Zikozyano Zyakwaambuuzyania

Kuzwa muJanuary 2018, aapeji lyakusaanguna lyakabbuku kaBuumi Bwesu BwachiKristu Amulimu Wesu kwakasaanguna kubikkwa zikozyano zyakwaambuuzyania. Kujana twazibelesya biyeni?

Chiindi Nulaachitondeezyo: Ulakonzya kubelesya mubuzyo, lugwalo amubuzyo uuzoowambuula uujanika aazikozyano zyakwaambuuzyania. Pesi eezi tazyaambi kuti weelede kutobelezya bbala abbala lyakabelesegwa mukavidiyo kachikozyano chakwaambuuzyania. Ulakonzya kubelesya ntalisyo iisiyene antalisyo yakabelesegwa mukavidiyo. Ulakonzya kupa mwining’anda bbuku lijanika muZibelesyo Nzitubelesya Kuyiisya Bantu, nikuba kakutakwe malayilile aawamba kuti umupe bbuku.

Chiindi Nuli Mumulimu Wakukambawuka: Zikozyano zyakwaambuuzyania nzyakukugwasya kuti ubone aakusaangunina. Kuti muntu watondeezya kuti uli aachiyandisyo mpawo uyanda kuziba zyiingi, ulakonzya kubelesya makani aali muchikozyano chakubweedela. Ulakonzya kuchincha amwi makani aali muzikozyano zyakwaambuuzyania naakuti kubelesya nzila iimbi yakukambawuka. Ulakonzya kubelesya lugwalo naakuti magazini iibasika aamoyo bantu bakubusena nkukkala. Alubo kuti bantu bakubusena nkukkala kabayandisya zintu zyakachitika lino-lino naakuti kuyandisya manyuzi, ulakonzya kuchincha nzila yakukambawuka kubelesya zintu eezyo. Kufumbwa chikozyano chakwaambuuzyania nchwaasala, weelede kuba aamakanze aakuchita “zintu zyoonse akaambo kamakani mabotu, kutegwa [waabile] bamwi.”​—1Ko 9:22, 23.