CHIIYO 02

Bbayibbele Litupa Bulangilizi

Printed Edition

Bantu boonse munyika baswaanana aamapenzi aali mbuli kuusa, kukataazikana akuchiswa. Kulakonzeka kuti anduwe wakali waswaanana aazyiimo eezi. Amwi ulaabulwazi bulikukukataazya naakuti wakafwidwa aabbululu wako. Ulakonzya kulibuzya kuti, ‘Buumi oobu kuli nibuzoobota na?’ Bbayibbele lilawusandula mubuzyo ooyu.

1. Bbayibbele lyaamba kuti buumi buzooba biyeni kunembo?

Bbayibbele litubuzya kuti mapenzi aali munyika akasaanguna biyeni alubo litondeezya kuti mapenzi aaya anooliwo kwachiindi chifwiifwi biyo, lino-lino azoomana. Bbayibbele litondeezya kuti tuyooba ‘aabuumi bulikabotu kunembo alubo litupa bulangilizi.’ (Bala Jeremiya 29:11, 12.) Bulangilizi oobu bupa kuti tulisimye kumapenzi ngituswaana, tubotelwe lino akuti tukabotelwe kukabe kutamani.

2. Bbayibbele lityeni atala amapenzi ngitulikuswaana lino?

Bbayibbele litondeezya kuti muchiindi chilikunembo “lufwu talukabi limbi, akwalo koomoka, kulila nokuba kucisa takukabi limbi pe.” (Bala Ciyubunuzyo 21:4.) Zintu zitukataazya mazubaano zili mbuli kufwaba, kutalulama, kuchiswa alufu zizoomana. Bbayibbele lyaamba kuti bantu bazoopona kukabe kutamani muParadayizi aanyika.

3. Niinzi zikonzya kukugwasya kuti ulisyome Bbayibbele?

Bantu biingi balangilila kuti zintu zibeendele kabotu mubuumi pesi nga tabakwe choonzyo pe kuti zintu eezyo zizoochitika. Pesi zintu zyaambwa aaBbayibbele zyoonse zilachitika. Tulakonzya kusyoma Bbayibbele kwiinda ‘mukuvuntawuzya Magwalo.’ (Milimo 17:11) Kwiiya Bbayibbele kuyookugwasya kuti uzisyome nzilyaamba atala abuumi mbutuyoopona kunembo.

YIYA ZYIINGI

Bona zintu zyaambwa aaBbayibbele zitazoochitike kunembo. Alubo bona kuti bulangilizi buli muBbayibbele bulikubagwasya biyeni bantu mazubaano.

Chifanikisyo: Zifanikisyo zitondeezya buumi mbutuli kupona lino ambubuyooba buumi kwazoozuzikizigwa zisyomezyo zyaLeza. Zifanikisyo eezi zilapandululwa aansi.

4. Bbayibbele litupa bulangilizi bwakuti tuyoopona kukabe kutamani

Nzezi zimwi zintu zyaambwa aaBbayibbele kuti zizoochitika kunembo. Nziizili nzulangilila aameso aasalala kuti zikazuzikizigwe? Nkamboonzi nuwaamba oobo?

Bala mavesi aabikkidwe mpawo musandule mibuzyo iitobela:

Mavesi aatobela apa kuti ube aabulangilizi na? Ubonaanga kuti beenzinyokwe abamumpuli yako baamvwa alapa kuti babe aabulangilizi na?

Libone kuli kupona munyika iili boobu:

TAAKWE MUNTU . . .	BANTU BOONSE . . .
uuyoomvwa kuchisa, kuchembaala naakuti kufwa.—Isaya 25:8.	bayoobona babbululu babo kabalikubusigwa kuti bazoopone lubo aanyika.—Johane 5:28, 29.
uuyoochiswa naakuti kulemana.—Isaya 33:24; 35:5, 6.	bayooba aamibili iisimide.—Jobu 33:25.
uutakajatwe munzila iitali kabotu.—Isaya 32:16, 17.	bayoojana chakulya chiingi, myuunzi iilikabotu amilimu iibanoneezya.—Intembauzyo 72:16; Isaya 65:21, 22.
uuyooswanana amapenzi akaambo kankondo.—Intembauzyo 46:9.	bayooba aaluumuno.—Intembauzyo 37:11.
uuyookataazikana mumizeezo.—Isaya 65:17.	bayoopona kukabe kutamani.—Intembauzyo 37:29.

Mulombe wakali kuchiswa wapona mpawo wakumbata bayina.

Mwaalumi wakali wachembaala waba aamubili uusimide alubo ulikutonta bbara.

5. Zintu zilembedwe muBbayibbele zipa kuti tutakataazikani loko

Kuvula kwamapenzi kuli kupa kuti bantu biingi bakataazikane loko. Bantu biingi balikubusya nkondo kabayanda kuti zintu zibote munyika. Bona kuti zintu zilembedwe muBbayibbele zitondeezya kuti zintu zizoobota kunembo, zilikubagwasya biyeni bamwi. Mweebele KAVIDIYO, mpawo musandule mibuzyo iitobela.

KAVIDIYO: Ndakali Kuyanda Kulwanina Bululami (4:07)

Collage: Chifanikisyo chakavidiyo katii, ‘Ndakali Kuyanda Kulwanina Bululami.’ 1. Rafika naakachili muniini ulikuchela tonje abantu mbakozyenie chikanda. 2. Rafika ulikugamba naabona Bakamboni baJehova bamisyobo iisiyene-siyene kabalikubotelwa kabalaamwi kumuswaangano wabbooma.

Niinzi zyakali kukataazya Rafika?
Nikuba kuti kutajatwa kabotu nkwaakali kubona teekwakamana pe, Bbayibbele lyakamugwasya biyeni?

Nzilyaamba Bbayibbele atala abuumi mbutuyoopona kunembo, zitugwasya kuti tulisimye chiindi nituswaanana aamapenzi. Bala Tusimpi 17:22; Baroma 12:12, mpawo musandule mubuzyo uutobela:

Nzilyaamba Bbayibbele atala abuumi mbutuyoobaabo kunembo zilakugwasya na? Nkamboonzi nuwaamba oobo?

BAMWI BAAMBA KUTI: “Nzilyaamba Bbayibbele atala abuumi mbutulangilila kunembo nkulota tazizoochitiki pe.”

Ubonaanga nkamboonzi nikuyandikana kulanga-langa bukamboni butondeezya kuti nzilyaamba Bbayibbele zizoochitika choonzyo?

CHIFWIINSYO

Bbayibbele litupa bulangilizi bwakuti zintu zizoobota kunembo alubo bulangilizi oobu bupa kuti tulisimye chiindi nituswaanana aamapenzi.

Mibuzyo Yakwiindulula

Nkamboonzi bantu nibeelede kuziba atala azintu nzyatusyomezya Leza?
Bbayibbele lyaamba kuti buumi buyooba biyeni kunembo?
Kuba aabulangilizi bwakuti buumi buyoobota kunembo kukugwasya biyeni lino?

Chiiyo eechi chakamana mu:

Nzweelede Kuchita

Bala mavesi aabikkidwe muchiiyo eechi, kuchitila kuti uzibe zintu nzyatusyomezya Leza.

Zimwi nzukonzya kuchita:

Your other goal

YANDUULISISYA

Bona mbubukonzya kukugwasya bulangilizi chiindi nwaaswaanana aabuyumu-yumu.

“Nkuukuli Nkukonzya Kujana Bulangilizi?” (Amubuke!, April 22, 2004)

Bona kuti bulangilizi bwakuti buumi buzoobota kunembo bulikubagwasya biyeni bantu bachiswa malwazi aatasilikiki.

“Bbayibbele Kujana Lyamugwasya Na Muntu Uuchiswa Bulwazi Butasilikiki?” (Chiiyo chijanika aaIntaneti)

Wanooyebela kavidiyo kalwiimbo oolu, libone kulaamwi abamumpuli yako kamulikubotelwa muParadayizi.

Atuyeeye Mbubuyooba Buumi (3:37)

Bona umwi mwaalumi wakali kulwanina lwaangunuko mbaakachincha maponeno aakwe chiindi naakaziba nzilyaamba Bbayibbele atala abuumi bwakunembo.

“Ndakabona Kuti Tandikonzyi Pe Kuchincha Zintu Zili Munyika” (Ngaziyakulinda, July 1, 2013)