MBUKONZYA KUZUNDA STRESS
Uli aStress Na?
“Muntu woonse ulakataazikana, pesi ime ndikataazikene zyiindilide. Tandikataazikani akaambo kapenzi limwi pe, pesi akaambo kazyiimo zisiyene-siyene ziswaanizya machise apenzi lyakoonga mulumaangu uuchiswa alubo ulaabulwazi bwaboongo bubonekaanga tabuzooponi pe.”—Jill.a
“Mwanakazi wangu wakandichija nkinkaako ndakeelede kukomezya bana besu babili. Kwakali kuyumu kukomezya bana kandili andilikke. Kuyungizya waawo, ndakamaninwa amulimu alubo teendakachili kukonzya pe kujana mali yakulungisizya moota yangu. Ndakabula zyakuchita. Lyakandileka lyakandijisi. Ndakalizi kuti kulijaya teekwakali kabotu nkinkaako ndakakumbila Leza kuti andijaye.”—Barry.
Kuli nuunga wakataazikana zyiindilide na mbuuli Jill aBarry? Kuti kakuli boobo, zyiiyo zitobela zilakuumbulizya alubo zilakugwasya. Muzyiiyo eezi, tulalanga-langa zintu zipa kuti tukataazikane, bubi bukonzya kuba akaambo kakukataazikana akuti nga tulalilwana biyeni penzi eeli.
a Mazina ngitwabelesya akachinchwa.